బాలయ్య తో నేను చేసే మూవీ మామూలుగా ఉండదు...!

కెరీర్‌ ఆరంభం నుంచి కూడా విభిన్న చిత్రాలను తెలుగు ప్రేక్షకులకు అందిస్తున్న దర్శకుడు ప్రశాంత్‌ వర్మ. ఈ సంక్రాంతికి తేజ సజ్జాతో కలిసి హనుమాన్ సినిమాతో ప్రేక్షకుల ముందుకు వచ్చేందుకు రెడీ అవుతున్నాడు. గత రెండు మూడు వారాలుగా ప్రశాంత్‌ వర్మ ప్రమోషన్స్ లో జోరు చూపిస్తూ ఉన్నాడు.

సంక్రాంతికి గట్టి పోటీ ఉన్న నేపథ్యంలో తమ సినిమా ఆ సినిమాలకు ఏమాత్రం తీసి పోదు అన్నట్లుగా ప్రచారం చేసుకుంటూ ప్రశాంత్‌ వర్మ హనుమాన్ ను జనాల్లోకి తీసుకు వెళ్తున్నాడు. ఇదే సమయంలో తన తదుపరి సినిమాలు ఇతర విషయాల గురించి మాట్లాడుతూ వస్తున్నాడు.

తాజాగా బాలకృష్ణ తో సినిమా గురించి ప్రశాంత్‌ వర్మ స్పందించాడు. తాను బాలకృష్ణ గారికి స్టోరీ లైన్‌ చెప్పాను అంటూ క్లారిటీ ఇచ్చాడు. ఆ లైన్‌ బాలయ్య కు నచ్చిందని కూడా దర్శకుడు ప్రశాంత్ వర్మ పేర్కొన్నాడు. ముందు ముందు ఆ ప్రాజెక్ట్‌ పై క్లారిటీ ఇస్తాను అన్నాడు.

బాలయ్య ఎప్పుడు కాల్‌ చేసి స్క్రిప్ట్‌ రెడీ చేయమంటే అప్పుడు మొదలు పెట్టేందుకు సిద్ధంగా ఉన్నాను. బాలయ్య తో తాను చేయబోతున్న సినిమా ఇప్పటి వరకు ఇండియన్ సినీ చరిత్రలో రాని కాన్సెప్ట్‌ అంటూ ఫ్యాన్స్ ను ప్రశాంత్‌ వర్మ ఊరిస్తున్నాడు. మరి అంతటి స్పెషల్‌ కాన్సెప్ట్‌ ఏంటో తెలియాలి అంటే కొన్ని రోజులు ఆగాల్సిందే.