బన్నీ, చరణ్ డేట్స్ సెట్టవ్వలేదా?.. ప్రశాంత్ వర్మ ఏమన్నారంటే

మొదటి సినిమా తోనే దర్శకుడిగా తనకంటూ ఒక ప్రత్యేకమైన గుర్తింపును తెచ్చుకున్న ప్రశాంత్ వర్మ ఆ తర్వాత తన పరిధిని బట్టి తనకు వచ్చిన అవకాశాలకు అనుగుణంగా మార్కెట్ పెంచుకుంటూ వెళుతూ ఉన్నాడు. ముఖ్యంగా రీసెంట్ గా వచ్చిన హనుమాన్ సినిమాతో అతని టాలెంట్ ఏ రేంజ్ లో ఉందో అర్థమైంది. తప్పకుండా భవిష్యత్తులో అతను ఇండస్ట్రీని ఏలుతాడు అంటూ రాజమౌళి కూడా మంచి ప్రశంసలు కురిపించారు.

అయితే దర్శకుడు ప్రశాంత్ వర్మ స్టార్ హీరోలతో సినిమాలు చేస్తే ఇంకా బాగుంటుంది అని ఓ వర్గం ఫ్యాన్స్ సోషల్ మీడియాలో స్పందిస్తున్నారు. అయితే రీసెంట్ గా ఈ దర్శకుడు చేసిన కొన్ని కామెంట్స్ ను వక్రీకరిస్తూ అతను రామ్ చరణ్ తేజ్ అల్లు అర్జున్ లాంటి హీరోలతో సినిమాలు చేయాలని అనుకున్నాడు అని అయితే వాళ్ళు డేట్స్ ఇవ్వలేదు అని అన్నట్లుగా కొన్ని కథనాలు ప్రచారం చేశారు.

ఇక సోషల్ మీడియాలో ఈ వార్తలు బాగా వైరల్ అవుతూ ఉండడంతో ఓ నెటిజన్ ఇలాగే స్పందించడంతో దర్శకుడు ప్రశాంత్ వర్మ తనదైన శైలిలో సమాధానం ఇచ్చాడు. రామ్ చరణ్, అల్లు అర్జున్ డేట్స్ కోసం రోజులు ఎదురు చూసి తప్పు చేశాను అని వస్తున్న వార్తలపై దర్శకుడు ఈ విధంగా రియాక్ట్ అయ్యాడు. చాలా బాగా చెప్పావు.. కానీ నేనెప్పుడూ వారి పేర్లను ప్రస్తావించలేదు.. వారంటే నాకు ఎంతో ఇష్టమని అభిమానం, సరైన స్క్రిప్ట్ సిద్ధమైతే వారితో కూడా వర్క్ చేస్తాను.. అంటూ ప్రశాంత్ వర్మ తనదైన శైలిలో సోషల్ మీడియాలో అయితే క్లారిటీ ఇచ్చేశాడు.

నిజానికి గతంలో ప్రశాంత్ వర్మ తన ఇంటర్వ్యూలలో స్టార్ హీరోలతో కూడా సంప్రదింపులు జరిపాను అని అన్నాడు. అయితే మొదట తన కథ రాసుకున్నప్పుడు దానికి ఎవరైతే సెట్ అవుతారో వారిని సంప్రదించే ప్రయత్నం చేస్తాను అని ఇక తర్వాత కుదరకపోతే మరొక లెవెల్లో మరొక హీరోను సంప్రదిస్తాను అని ప్రశాంత్ వర్మ తెలియజేశాడు. దీంతో అతను స్టార్ హీరోలను సంప్రదించినా కూడా డేట్స్ ఇవ్వడం లేదు అని ముఖ్యంగా రామ్ చరణ్ అల్లు అర్జున్ పేర్లు కూడా వైరల్ అయ్యాయి.

ఇక అందులో వస్తున్న రూమర్స్ లో ఎలాంటి నిజం లేదు అని ప్రశాంత్ వర్మ ఎట్టకేలకు క్లారిటీ ఇచ్చాడు. ఇక ప్రస్తుతం ఈ దర్శకుడు హనుమాన్ సినిమాకు సీక్వెల్ గా జై హనుమాన్ అనే ప్రాజెక్టును సెట్స్ పైకి తీసుకువచ్చాడు. ఈ సినిమాలో రానా హనుమాన్ పాత్రలో నటించే అవకాశం ఉంది అని కూడా ఒక టాక్ వస్తున్న విషయం తెలిసిందే. త్వరలోనే ఈ ప్రాజెక్టుపై కూడా దర్శకుడు క్లారిటీ ఇవ్వనున్నాడు. ఇక సీక్వెల్ ప్రాజెక్ట్ మరో సంక్రాంతికి వచ్చే అవకాశం ఉన్నట్లుగా తెలుస్తోంది.