తార‌క్ 31 పై ప్ర‌శాంత్ నీల్ ఇంట్రెస్టింగ్ అప్టేడ్!
తాజాగా వాట‌న్నింటికి ప్ర‌శాంత్ నీల్ తెర దించేసారు. ప్రాజెక్ట్ ఎప్పుడు ప్రారంభిస్తారు? అన్న‌ది రివీల్ చేసారు. తార‌క్ అభిమానులు చిల్ అయే వార్త ఒక‌టి వెల్ల‌డించారు.
By: Tupaki Desk | 30 Sep 2023 3:15 AM GMT
యంగ్ టైగ‌ర్ ఎన్టీఆర్ క‌థానాయ‌కుడిగా ప్ర‌శాంత్ నీల్ ద‌ర్శ‌క‌త్వంలో ఓ సినిమా తెర‌కెక్క‌నున్న సంగ‌తి తెలిసిందే. ఇప్ప‌టికే స్టోరీ లాక్ అయింది. అయితే ఆ సినిమా ఎప్పుడు సెట్స్ పైకి తీసుకెళ్తారు? అన్న‌దానిపై స‌రైన క్లారిటీ లేదు. మ‌రోవైపు టైగ‌ర్ 'దేవర' షూటింగ్ లో బిజీగా ఉండ‌టం...కొర‌టాల శివ తెర‌కెక్కిస్తోన్న ఆ సినిమా షూటింగ్ కూడా ఆల‌స్య‌మ‌య్యే అవ‌కాశం ఉంద‌ని ప్ర‌చారం సాగుతోంది.
దీంతో ప్ర‌శాంత్ నీల్ ప్రాజెక్ట్ పై క్లారిటీ మిస్ అయింది. ఈ ఏడాది ప్రారంభం అవుతుందా? వ‌చ్చే ఏడాది మొద‌లు పెడ‌తారా? అన్న దానిపై అభిమానుల్లో పెద్ద ఎత్తున చ‌ర్చ సాగింది. తాజాగా వాట‌న్నింటికి ప్ర‌శాంత్ నీల్ తెర దించేసారు. ప్రాజెక్ట్ ఎప్పుడు ప్రారంభిస్తారు? అన్న‌ది రివీల్ చేసారు. తార‌క్ అభిమానులు చిల్ అయే వార్త ఒక‌టి వెల్ల‌డించారు. తార‌క్ తో త‌న సినిమా వ‌చ్చే ఏడాది ఏప్రిల్ లేదా మేలో ప్రారంభ‌మ‌వుతుంద‌ని ప్ర‌క‌టించారు.
అంటే 'దేవర' రిలీజ్ అయిన వెంటనే ఈ కాంబినేష‌న్ సెట్స్ కి వెళ్లిపోతుంద‌ని అధికారికంగా క్లారిటీ వ‌చ్చేసింది. ఇక ఈ ప్రాజెక్ట్ పై తార‌క్ అభిమానుల్లో ఎలాంటి అంచ‌నాలున్నాయో చెప్పాల్సిన ప‌నిలేదు. ప్ర‌స్తుతం ప్ర‌భాస్ తో 'స‌లార్' తెర‌కెక్కిస్తోన్న సంగ‌తి తెలిసిందే. ఈ సినిమా డిసెంబ‌ర్ లో రిలీజ్ అవుతుం ది. ఈ భారీ యాక్ష‌న్ ఎంట‌ర్ టైన‌ర్ గ‌నుక భారీ విజ‌యం సాధిస్తే తార‌క్ 31 పై అంచ‌నాలు ఇంకా పీక్స్ కి చేరిపోతాయి.
ఇప్ప‌టికే ఈ సినిమా స్టోరీ లైన్ ఎలా ఉంటుంది? ఎలాంటి అంశాన్ని తీసుకున్నార‌ని ప్రేక్ష‌కాభిమానుల్లో ఒక‌టే ఉత్కంఠ నెల‌కొంటుంది. భారీ యాక్ష‌న్ చిత్రని క్లారిటీ ఉంది గానీ కంటెంట్ ఎలా ఉండ‌బోతుంది అన్న ఆస‌క్తి రేకెత్తిస్తుంది. మ‌రి ఆ సంగ‌తేంటో తెలియాలంటే ఇంకా కొన్ని నెల‌లు ఆగాల్సిందే. స‌లార్ డిసెంబ‌ర్ లో రిలీజ్ అవుతోన్న నేప‌థ్యంలో ప్ర‌శాంత్ ఆ సినిమా ప‌నుల్లో బిజీగా ఉన్నారు.
