ప్రియానిక్ దీపావళి వేడుక‌ల్లో షో స్టాప‌ర్ ఎవ‌రో తెలుసా?
మాల్తీతో కలిసి ప్ర‌తి పండుగ‌ను ఎంతో వైభ‌వంగా జ‌రుపుకుంటూ అందుకు సంబంధించిన ఫోటోల‌ను కూడా ప్రియానిక్ జంట షేర్ చేస్తోంది.
By: Tupaki Desk | 2 Nov 2024 3:30 PM GMT
గుడులు గోపురాల‌తో కూడుకున్న స‌నాత‌న ధ‌ర్మం, సంస్కృతి సాంప్ర‌దాయాలు, పండుగ‌లు ఇవ‌న్నీ భార‌త‌దేశానికి ప్ర‌పంచ దేశాల్లో ప్ర‌త్యేక‌మైన గుర్తింపును తెచ్చాయ‌న‌డంలో సందేహం లేదు. ప్ర‌తి పండుగ‌ను వైబ్రేంట్ గా జ‌రుపుకోవ‌డం ఎలానో భార‌తీయుల‌కు మాత్ర‌మే తెలుసు. అందుకే చాలా మంది విదేశీయులు భార‌తీయ గ‌డ్డ‌ను ఇష్ట‌ప‌డుతున్నారు. ఇక్క‌డ సంస్కృతి సాంప్ర‌దాయాలు న‌చ్చ‌డంతో కుటుంబ స‌మేతంగా వ‌చ్చి దీనిని అనుస‌రిస్తున్న కుటుంబాలు ఉన్నాయి.
పూజ‌లు పున‌స్కారాలు.. పంచె క‌ట్టు.. తాళి బొట్టు వీట‌న్నిటినీ విదేశీ యువ‌త అమితంగా ఇష్ట‌ప‌డుతున్నారు. ఇక దీపావళి సెల‌బ్రేష‌న్స్ లో ఎంతో బుద్ధిగా ఒద్దిక‌గా భార్య చెంత‌నే క‌నిపించిన అమెరిక‌న్ యువ‌కుడు నిక్ జోనాస్ కి భార‌తీయ సాంప్ర‌దాయం అంటే ఎంత ఇష్ట‌మో మ‌న‌కు ఈ ఫోటోలలో క‌నిపిస్తోంది. భార‌తీయ ప్ర‌తిభావ‌ని ప్రియాంక చోప్రా అమెరిక‌న్ గాయ‌కుడు నిక్ జోనాస్ ని కొంగున క‌ట్టేసుకుంటోంద‌ని ఈ ఫోటోలు చెప్పక‌నే చెబుతున్నాయి. మాల్తీ మేరీ జ‌న‌నం అనంత‌రం ప్రియానిక్ జంట మ‌రింత సంతోషంగా ఉన్నారు. మాల్తీతో కలిసి ప్ర‌తి పండుగ‌ను ఎంతో వైభ‌వంగా జ‌రుపుకుంటూ అందుకు సంబంధించిన ఫోటోల‌ను కూడా ప్రియానిక్ జంట షేర్ చేస్తోంది.
ప్రియానిక్ దీపావళి ఆల్బమ్ ఇప్పుడు అంత‌ర్జాలంలో వైర‌ల్ గా మారుతోంది. ఇందులో నిక్ జోనాస్ - ప్రియాంక చోప్రా మ‌ధ్య అనుబంధం, గారాల ప‌ట్టీ మాల్తీతో బంధం ఎంతో అందంగా క‌నిపిస్తున్నాయి. ప్రియాంక చోప్రా తన భర్త, కుమార్తె తో కలిసి ఈ సంవత్సరం తన దీపావళిని లండన్‌లో జరుపుకుంది. శనివారం ఇన్‌స్టాగ్రామ్‌లో అందుకు సంబంధించిన ఫోటోల‌ను పీసీ షేర్ చేసింది.
పండుగ కోసం ప్రియాంక, నిక్, మాల్టీ వేష‌ధార‌ణ కూడా ఆక‌ట్టుకుంది. పూజ కోసం ప్రియాంక ఎంబ్రాయిడరీ చేసిన ఆకుపచ్చ చీర -పసుపు బ్లౌజ్ ధరించింది. నిక్ పూల తెలుపు కుర్తా - పైజామాలో కనిపించాడు. మాల్తీ తన తల్లితో సరిపోయే విధంగా లెహంగాలో ఆక‌ట్టుకుంది. ఈ ఫోటోల‌ను పంచుకుంటూ-``అందరికీ దీపావళి శుభాకాంక్షలు. ఈ సంవత్సరం ప్రపంచానికి శాంతిని తీసుకురావాలి `` అని పోస్ట్‌కు క్యాప్షన్ ఇచ్చింది ప్రియాంక.
ప్రియాంక ప్రస్తుతం ఈ నటుడు రస్సో బ్రదర్స్ సిటాడెల్ సీజన్ 2 షూటింగ్‌లో ఉంది. జాన్ సెనా - ఇద్రిస్ ఎల్బాలతో కలిసి కంట్రీ మేన్ చిత్రంలో నటించడానికి సిద్ధంగా ఉంది. ఫ్రాంక్ ఇ ఫ్లవర్స్ దర్శకత్వంలో తెరకెక్కుతున్న ది బ్లఫ్ చిత్రంలో కూడా ప్రియాంక నటించనుంది. ఇందులో కార్ల్ అర్బన్ కూడా న‌టిస్తోంది. ది బ్లఫ్ 19వ శతాబ్దపు కరేబియన్ బ్యాక్ డ్రాప్ లో న‌డిచే క‌థ. ప్రియాంక పోషించిన మాజీ మహిళా పైరేట్ కథేమిటో తెర‌పైనే చూడాలి.
