హాలీవుడ్ కెరీర్‌కి ప్రియాంక చోప్రా సాయం?

మ‌యోసైటిస్ చికిత్స కోసం స‌మంత అమెరికాలో ఉన్న సంగ‌తి తెలిసిందే. రెండు మూడు నెల‌ల పాటు చికిత్స‌తో సామ్‌కి ఉప‌శ‌మ‌నం ల‌భిస్తుంద‌ని, ఏడాది పాటు ఈ చికిత్స కొన‌సాగుంద‌ని ఇంత‌కుముందు ప్ర‌చార‌మైంది. అయితే ఇంత‌కాలం అమెరికాలో నివ‌శించ‌డం అంటే.. సామాజిక జీవితం ఎలా ఉండాలి? అన్న‌దానిపై సందేహాలున్నాయి.

వీలున్నంత వ‌ర‌కూ అమెరికాలో లైఫ్ స్టైల్ ఎంతో జోష్ ఫుల్ గా ఉండేలా ప్లాన్ చేస్తోంది సామ్. ఇటీవ‌ల ఒక మ్యూజికల్ నైట్ ఈవెంట్ లో ప్ర‌త్య‌క్ష‌మైన స‌మంత‌... ప‌లు మీడియా ఇంట‌ర్వ్యూల‌తో హ‌ల్చ‌ల్ చేసింది. ఇటీవల వార్నర్ బ్రదర్స్ స్టూడియోని సామ్ సందర్శించింది. ఇన్ స్టాగ్రామ్‌లో తన వెకేష‌న్ కి చెందిన‌ ఫోటోల‌ను కూడా షేర్ చేయ‌డంతో చాలా విష‌యాలు తెలుస్తున్నాయ్‌.

అమెరికా ప‌ర్య‌ట‌న‌లో భాగంగానే కాలిఫోర్నియాలోని బెవర్లీ హిల్స్ వీధుల‌లో షికార్ చేస్తూ క‌నిపించింది. హాలీవుడ్ లోను ప‌లు ప్ర‌దేశాల‌ను సంద‌ర్శించింది. స‌డెన్ గా వార్న‌ర్ బ్ర‌ద‌ర్స్ స్టూడియోలో స‌మంత ప్ర‌త్య‌క్షం కావ‌డంతో ర‌క‌రకాల సందేహాలు పుట్టుకొచ్చాయి.

అయితే స‌మంత హాలీవుడ్ లో న‌టించేందుకు గ్లోబ‌ల్ స్టార్ ప్రియాంక చోప్రా సాయం చేస్తోంద‌ని కూడా గుస‌గుస‌లు వినిపిస్తున్నాయి. నిజానికి స‌మంత‌కు హాలీవుడ్ పూర్తిగా కొత్త అయినా మ‌రో భార‌తీయ న‌టి ప్రియాంక చోప్రా ఇప్ప‌టికే అక్క‌డ పెద్ద స్టార్.

అందువ‌ల్ల భార‌తీయ న‌టీమ‌ణుల‌కు త‌న‌వంతు సాయం అందించే వీలుంది. పైగా పీసీ న‌టించిన సిటాడెల్ భార‌తీయ వెర్ష‌న్ లో స‌మంత అదే పాత్ర‌ను పోషించింది. అప్ప‌టి నుంచి ప్రియాంక చోప్రాకు సామ్ ఎంతో స‌న్నిహితురాలిగా మారింది. ఇది త‌న హాలీవుడ్ కెరీర్ కి పెద్ద స‌హాయంగా నిలుస్తుంద‌ని ఊహిస్తున్నారు.

అయితే స‌మంత తాను హాలీవుడ్ లో న‌టిస్తున్నాన‌ని ఎప్పుడూ ధృవీక‌రించ‌లేదు. తీరిక స‌మ‌యాల్లో ఇలా హాలీవుడ్ స్టూడియోల విజిటింగ్ కి విచ్చేసి ఉంటుంద‌ని భావించాలి. అయితే స‌మంత లాంటి ప్ర‌తిభావంత‌మైన న‌టికి ప్రాంతం, భాష‌తో సంబంధం లేకుండా అవ‌కాశాలు రావ‌డం పెద్ద స‌మ‌స్యేమీ కాదు. బ‌హుశా సమంతకు హాలీవుడ్ లో ఆఫ‌ర్ ద‌క్క‌డం పెద్ద క‌ష్టం కానేకాదు.