మరో బిగ్ ఛాన్స్ కొట్టేసిన OG బ్యూటీ

నాని గ్యాంగ్ లీడర్, శర్వానంద్ శ్రీకారం సినిమాలతో తెలుగు ప్రేక్షకులకి చేరువ అయిన తమిళ్ బ్యూటీ ప్రియాంకా అరుళ్ మోహన్. ఈ అమ్మడు కన్నడ సినిమాతో నటిగా తెరంగేట్రం చేసింది. తరువాత వెంటనే నాని గ్యాంగ్ లీడర్ సినిమాలో హీరోయిన్ గా అవకాశం అందుకుంది. శివకార్తికేయన్ కి జోడీగా డాక్టర్ మూవీతో కోలీవుడ్ లోకి అడుగుపెట్టిన ప్రియాంకాకి నెక్స్ట్ సినిమానే సూర్యతో చేసే ఛాన్స్ వచ్చింది.

ఈ సినిమా ఆశించిన స్థాయిలో సక్సెస్ కాలేదు. మళ్ళీ డాన్ మూవీలో శివకార్తికేయన్ కి జోడీగా రెండో సారి ఛాన్స్ అందుకొని సక్సెస్ ని ఖాతాలో వేసుకుంది. ఇప్పుడు ఊహించని విధంగా పవర్ స్టార్ పవన్ కళ్యాణ్ కి జోడీగా ఓజీ సినిమాలో నటించేస్తుంది. పాన్ ఇండియా లెవల్ లో ఈ సినిమా తెరకెక్కుతోంది. ఈ మూవీ షూటింగ్ దశలో ఉంది. ఇప్పుడు మరో క్రేజీ ఆఫర్ ని ఈ బ్యూటీ సొంతం చేసుకున్నట్లు తెలుస్తోంది.

తమిళంలో ఇళయదళపతి విజయ్ నెక్స్ట్ వెంకట్ ప్రభు దర్శకత్వంలో సినిమా చేయబోతున్నారు. ఈ విజయ్ 68వ చిత్రంగా ఈ మూవీ తెరకెక్కనుంది. పాన్ ఇండియా లెవల్ లో భారీ బడ్జెట్ తో సెట్స్ పైకి వెళ్ళబోతున్న ఈ సినిమాలో హీరోయిన్ గా ప్రియాంకా అరుళ్ మోహన్ ఖరారైనట్లు తెలుస్తోంది. జ్యోతిక ఓ కీలక పాత్రలో ఈ చిత్రంలో కనిపించబోతోంది.

యువన్ శంకర్ రాజా చాలా రోజుల తర్వాత మరల తన సత్తా చాటే ఛాన్స్ ఈ చిత్రంతో అందుకున్నారు. మొత్తానికి తక్కువ టైంలోనే స్టార్ హీరోలతో సినిమాలు చేసే అవకాశం ప్రియాంకా అరుళ్ మోహన్ అందుకోవడం నిజంగా విశేషమని చెప్పాలి. ప్రస్తుతం ఆమె కమిట్ అయిన పాన్ ఇండియా సినిమాలు సక్సెస్ అయితే మాత్రం ప్రియాంకా అరుళ్ మోహన్ స్టార్ హీరోయిన్ కావడం పక్కా అనే మాట వినిపిస్తోంది.

ఒకవేళ అదే జరిగితే నెక్స్ట్ సౌత్ లో స్టార్ హీరోయిన్ చైర్ కోసం శ్రీలీల, ప్రియాంకా అరుళ్ మోహన్ మధ్య పోటీ ఉండొచ్చని అంచనా వేస్తున్నారు. ఇద్దరు హీరోయిన్స్ కూడా జెట్ స్పీడ్ తో అవకాశాలు అందుకుంటూ మంచి క్రేజ్ సొంతం చేసుకుంటూ ఉండటం విశేషం.