అనిల్ రావిపూడి ఎంత ముదురంటే: దిల్ రాజు

విక్టరీ వెంకటేష్ నటించిన 'సంక్రాంతికి వస్తున్నాం' సినిమా విడుదల విషయంలో మొత్తానికి చిత్ర యూనిట్ సభ్యులు ఒక క్లారిటీ ఇచ్చేశారు. నేడు ప్రత్యేకంగా నిర్వహించిన ప్రెస్ మీట్ లో అఫీషియల్ గా రిలీజ్ డేట్ ను అనౌన్స్ చేశారు. జనవరి న14న ఈ సినిమా రానున్నట్లు స్పెషల్ పోస్టర్ ద్వారా క్లారిటీ ఇచ్చేశారు. ఈ సందర్భంగా నిర్మాత దిల్ రాజు కొన్ని ఆసక్తికరమైన విషయాలను వెల్లడించారు.

దిల్ రాజు మాట్లాడుతూ.. ఈ సంక్రాంతికి మేము మూడు సినిమాలతో రాబోతున్నాము. 'సంక్రాంతికి వస్తున్నాం' సినిమా జనవరి 14న రాబోతోంది. ఇక మా బ్యానర్ లోనే రూపొందిన గేమ్ ఛేంజర్ కూడా కూడా భారీ స్థాయిలో విడుదల కానుంది. అలాగే బాలకృష్ణ గారి డాకు మహారాజ్ కూడా నైజాంలో మేమే విడుదల చేస్తున్నాము.

ఈ మూడు సినిమాలు కూడా మంచి విజయాలను అందుకుంటాయనే నమ్మకంతో ఉన్నాము. ఎందుకంటే తెలుగు ప్రేక్షకులు మంచి సినిమాలు ఎన్ని వచ్చినా కూడా సంక్రాంతికి ఆదరిస్తారు. అలాగే ఈ సంక్రాంతికి వచ్చే ఈ మూడు సినిమాలను కూడా ఆదరిస్తారనే నమ్మకంతో ఉన్నాము. అనిల్ రావిపూడి గురించి చెప్పాలి అంటే అతను చాలా ముదురు. ఎందుకంటే ఎక్కడ ఈ సినిమాను పండగ నుంచి పక్కన పెడతానో అని ముందుగానే 'సంక్రాంతి వస్తున్నాం' అనే టైటిల్ ని తెలివిగా పెట్టాడు.

అయితే ఈ సినిమా మొదలుపెట్టినప్పుడే మేము సంక్రాంతి అనే టైటిల్ అనుకున్నాము. ఇక ఈ సినిమా కంటెంట్ కూడా పర్ఫెక్ట్ గా క్లిక్ అవుతుందినే నమ్మకంతో ఉన్నాము. అనిల్ తో మాకు చాలా లాంగ్ జర్నీ ఉంది. తన స్టైల్ ఎంటర్టైన్మెంట్ అందిస్తూనే ఈ సినిమా కథలో కూడా అతను ఒక కొత్త అంశాన్ని టచ్ చేయబోతున్నాడు.

నేను కొన్ని సన్నివేశాలను లాప్ టాప్ లో చూసి చాలా నవ్వుకున్నాను. తప్పకుండా ఈ సినిమా అందరికి నచ్చుతుంది. ఆ విధంగా దర్శకుడు జాగ్రత్తలు తీసుకున్నాడు. ఇక సినిమాలో నటించిన ఐశ్వర్య - మీనాక్షి చౌదరి ఇద్దరు కూడా వారి పాత్రలతో ఎంతగానో ఆకట్టుకున్నారు. నరేష్ గారు VT గణేషన్ వంటి చాలా మంది టాలెంటెడ్ యాక్టర్స్ సినిమాలో మిమ్మల్ని నవ్వించడానికి ఉన్నారు.

బుల్లి రాజు అనే ఒక క్యారెక్టర్ చూస్తే మాత్రం స్క్రీన్స్ చిరిగిపోతాయి. అంతలా ఆ అబ్బాయి మంచి కామెడీ పండించాడు. ఇక సంగీత దర్శకుడు భీమ్స్ కూడా అద్భుతమైన మ్యూజిక్ ఇచ్చాడు. వెంకటేష్ గారి గురించి చెప్పాలి అంటే వారితో మొదట సీతమ్మ వాకిట్లో సిరిమల్లె చెట్టు అని సినిమా చేసాం. అక్కడే మా ప్రయాణం స్టార్ట్ అయ్యింది. ఇక ఆయనతో ఏ సినిమా చేసినా మాకు మంచి సక్సెస్ వచ్చింది. F2 మా సంస్థలో బిగ్ హిట్. అలాగే ఈ సినిమా కూడా అంత పెద్ద హిట్ కాబోతోంది. షూటింగ్ లో ఆయన తన సొంత బ్యానర్ లో రూపొందుతున్న సినిమా అనేలా కొనసాగారు. ఇక 2025 మా బ్యానర్ లో మంచి సినిమాలు రాబోతున్నాయి. మంచి హిట్స్ గా నిలుస్తాయని.. దిల్ రాజు వివరణ ఇచ్చారు.