మహేష్ ఫారిన్ ట్రిప్స్.. నిర్మాత ఏమన్నారంటే

సూపర్ స్టార్ మహేశ్​ బాబు - మాటల మాంత్రికుడు త్రివిక్రమ్ కాంబినేషన్​లో తెరకెక్కుతున్న మోస్ట్ అవైటెడ్ మూవీ గుంటూరు కారం. హారిక హాసిని క్రియేషన్స్ బ్యానర్​పై సూర్య నాగదేవర వంశీ నిర్మిస్తున్నారు. అయితే ఈ మధ్య కాలంలో ఈ సినిమాపై వచ్చిన రూమర్స్ మరే ఇతర చిత్రంపై వచ్చి ఉండవనే చెప్పాలి. హీరోయిన్, సంగీత దర్శకుడు, రిలీజ్ డేట్స్ వాయిదా, షూటింగ్ క్యాన్సిల్, మహేశ్ ఫారెన్ ట్రిప్, కథలో మార్పులు.. అబ్బో ఇలా ప్రతీ విషయంపై ఏదో ఒక రూమర్ వస్తూనే ఉంది.

అయితే తాజాగా ఇంటర్వ్యూలలో పాల్గొంటున్న నిర్మాత నాగవంశీ వీటన్నిటికీ క్లారిటీ ఇస్తూ వస్తున్నాడు. ఇందులో భాగంగానే.. షూటింగ్ తరచుగా క్యాన్సిల్ అవ్వడం​​ - సినిమా చిత్రీకరణ మధ్యలో మహేశ్ ఫారెన్ ట్రిప్స్​ వెళ్లడం గురించి మాట్లాడాడు. దీనికి సంబంధించిన వీడియోను కూడా ఆయనే స్వయంగా పోస్ట్ చేశాడు. ఆర్టికల్సు, ప్రెస్​ మీట్స్​లో అడగడాలు.. అన్నింటికీ ఆన్సర్ ఇదే అంటూ క్యాప్షన్ కూడా రాసుకొచ్చాడు

మహేశ్ సినిమా మొదలయ్యే సయయానికి ముందే మేడమ్​ మాకు చెబుతారు. మహేశ్ ఫలానా సమయానికి ఫలానా చోటుకు వెళ్తారు. షూటింగ్ క్యాన్సిల్​ అయిందనో ఆయన విదేశాలకు వెళ్లరు. అలాగని ఆయన ఫారెన్​ వెళ్లారనో షూటింగ్ క్యాన్సిల్ అవ్వదు. షూటింగ్ షెడ్యూల్స్​ వేసుకున్నప్పుడే ఇవన్నీ ప్లాన్ అయిపోతాయి. ఆయన వేసవి సెలవులకు, పుట్టినరోజులకు వెళ్తానని ముందే చెబుతారు. ఎందుకుంటే పిల్లలతో కలిసి గడపడానికి ఇక్కడ కుదరదు. అందుకే ఆయన విదేశాలకు వెళ్లిపోతారు. ప్రతి ఏడాది ఇది ఉండేదే అని నాగ వంశీ క్లారిటీ ఇచ్చాడు.

అంతకుముందు ఇంటర్వ్యూలో.. ఈ చిత్రం సంక్రాంతికి కచ్చితంగా వస్తుందని, నాన్ రాజమౌళి సినిమా కలెక్షన్స్ రికార్డుల్లో గుంటూరు కారం మొదటి ప్లేస్ దక్కించుకుంటుందని ధీమా కూడా వ్యక్తం చేశాడు. అలానే మరో ఇంటర్వ్యూలో మాట్లాడుతూ.. టైం అండ్ క్వాలిటీ గురించి ఆలోచించి గుంటురు కారం సినిమాను కేవలం తెలుగులో మాత్రమే రిలీజ్ చేస్తున్నట్లు, తమిళంలో లేదా ఇతర భాషల్లో డబ్ చేయడం లేదని క్లారిటీ ఇచ్చాడు.

ఇకపోతే ఈ గుంటూరు కారం సినిమాలో యంగ్ బ్యూటీస్​ శ్రీలీల, మీనాక్షి చౌదరి హీరోయిన్లుగా నటిస్తున్నారు. సెన్సేషన్ మ్యూజిక్​ డైరెక్టర్​ తమన్ సంగీతం అందిస్తున్నారు. ఇంకా పలువురు సీనియర్ టెక్నీషియన్స్​ సినిమా కోసం పని చేస్తున్నారు.