డ్ర‌గ్స్ కేసు: విదేశాల‌కు నిర్మాత కొడుకు ప‌రారీ?

ఇటీవ‌ల హైద‌రాబాద్ లోని ఐదు న‌క్షత్రాల హోట‌ల్లో జ‌రిగిన పార్టీలో డ్ర‌గ్స్ సేవించార‌నే ఆరోప‌ణ‌ల‌పై ప‌లువురిని పోలీసులు అరెస్ట్ చేసిన సంగ‌తి తెలిసిందే. ఆరుగురిని ఇప్ప‌టికే అరెస్ట్ చేసి విచారిస్తుండ‌గా, ప‌లువురు త‌ప్పించుకు తిరుగుతున్నార‌ని క‌థ‌నాలొచ్చాయి. వీళ్ల‌లో ప్ర‌ముఖ నిర్మాత కుమారుడు, ప్ర‌ముఖ ద‌ర్శ‌కుడు ఇంకా పోలీసుల ఎదుట హాజ‌రు కావాల్సి ఉంది.

పాపుల‌ర్ ద‌ర్శ‌కుడు ముంబైలో ఉండ‌టం వ‌ల్ల రెండు రోజుల స‌మ‌యం కావాల‌ని పోలీసుల‌ను అభ్య‌ర్థించిన‌ట్టు క‌థ‌నాలొచ్చాయి. అంతేకాదు .. ఈ స‌మ‌యంలోనే ఆయ‌న హైకోర్టులో ముంద‌స్తు బెయిల్ కి ద‌ర‌ఖాస్తు చేసార‌ని కూడా గుస‌గుస‌లు వినిపిస్తున్నాయి. మ‌రోవైపు ప్ర‌ముఖ నిర్మాత కుమారుడు విదేశాల‌కు పారిపోయార‌ని ఒక రూమ‌ర్ షికార్ చేస్తోంది.

అత‌డికి అమెరికా పౌర‌స‌త్వం ఉండ‌డంతో అక్క‌డ త‌ల‌దాచుకునేందుకు పారిపోయాడ‌ని పోలీసులు గుర్తించిన‌ట్టు గుస‌గుస‌లు వినిపిస్తున్నాయి. అత‌డు ఐదు న‌క్ష‌త్రాల హోట‌ల్లో జ‌రిగిన‌ పార్టీలో కొకైన్ తీసుకున్నాడ‌ లేదా అనేది తెలియాలి ప్ర‌స్తుతం పోలీసుల శోధ‌న సాగుతోంది. త‌దుపరి చ‌ర్య‌లు ఏమిట‌న్న‌దానిపై స్ప‌ష్ఠ‌త రావాల్సి ఉంది.