గుంటూరు కారం.. రాజు గారు ఈ రేంజ్ లోనా?

సూపర్ స్టార్ మహేష్ బాబు హీరోగా త్రివిక్రమ్ శ్రీనివాస్ దర్శకత్వంలో తెరకెక్కి సంక్రాంతికి ప్రేక్షకుల ముందుకి రాబోతున్న చిత్రం గుంటూరు కారం. మాస్ కమర్షియల్ ఎంటర్టైనర్ గా ఈ చిత్రాన్ని త్రివిక్రమ్ శ్రీనివాస్ సిల్వర్ స్క్రీన్ పై ఆవిష్కరించబోతున్నారు. శ్రీలీల, మీనాక్షి చౌదరి ఈ మూవీలో సూపర్ స్టార్ కి జోడీగా కనిపిస్తున్నారు. తల్లి, కొడుకుల సెంటిమెంట్ తో ఈ మూవీ కథ నడుస్తుందని తెలుస్తోంది.

ఈ సినిమాని గ్రాండియర్ గా రిలీజ్ చేయడానికి చిత్ర నిర్మాత ప్లాన్ చేస్తోంది. ఇప్పటికే నైజాం రైట్స్ ని దిల్ రాజు సొంతం చేసుకున్నారు. థీయాట్రికల్ బిజినెస్ గట్టిగానే జరిగినట్లు తెలుస్తోంది. ఈ సినిమాతో 300 కోట్లు వరకు కలెక్షన్స్ అందుకోవాలని టార్గెట్ గా పెట్టుకున్నారు. అయితే తెలుగులో మాత్రమే థియేటర్స్ లో రిలీజ్ అవుతోంది. సూపర్ స్టార్ మార్కెట్ రేంజ్ ఎంతనేది అందరికి తెలిసిందే.

ఈ నేపథ్యంలో ఓపెనింగ్స్ భారీగా వస్తాయని ఎక్స్ పెక్ట్ చేస్తున్నారు. ఈ మూవీకి పోటీగా హనుమాన్ కూడా రిలీజ్ అవుతోంది. అయితే మెజారిటీ ఆడియన్స్ ఫస్ట్ ఆప్షన్ గుంటూరుకారం ఉండే ఛాన్స్ ఉంది. ఇక గుంటూరు కారం మూవీని దిల్ రాజు ఒక్క హైదరాబాద్ లోనే సింగిల్ 90 సింగిల్ స్క్రీన్స్ లో మొదటి రోజు పడేలా ఏర్పాట్లు చేస్తున్నారంట.

ఇప్పటికే అన్ని ఏర్పాట్లు జరిగిపోయాయని తెలుస్తోంది. ఇప్పటి వరకు ఒక్క ఆర్ఆర్ఆర్ మాత్రమే ఈ స్థాయిలో సింగిల్ స్క్రీన్స్ లో ఫస్ట్ డే మూవీ ప్రదర్శించారు. ఇప్పుడు గుంటూరు కారంతోతో మాసివ్ రికార్డ్ ని దిల్ రాజు క్రియేట్ చేసే ప్రయత్నం చేస్తున్నారు. హైదరాబాద్ మొత్తం 96 సింగిల్ స్క్రీన్స్ ఉండగా అందులో ఆల్ మోస్ట్ థియేటర్స్ లో గుంటూరు కారం మూవీ ప్రదర్శించబడుతుంది.

మిగిలిన థియేటర్స్ లో గుంటూరు కారం ప్రీమియర్ షో నాలుగు గంటలకి పడనుంది. ఎనిమిది గంటలకి షో నుంచి హనుమాన్ ఉండబోతోంది. ఓ విధంగా హనుమాన్ హైదరాబాద్ లో థియేటర్స్ ఎక్కువ లేకుండా దిల్ రాజు తాను కొన్న గుంటూరు కారం మూవీ రిలీజ్ చేసుకోవడం గమనార్హం. దీనిపై సోషల్ మీడియాలో ఎలాంటి టాక్ నడుస్తుందనేది చూడాలి.