'బాయ్స్ హాస్టల్' గోలపొట్టే సాంగ్..​ ఎలా ఉందంటే..

ఒకప్పుడు ఇతర ఇండస్ట్రీ హిట్​ సినిమాలను మరో భాషలో రీమేక్‌ చేసేవారు. ఇప్పటికీ ఆ తంతు కొనసాగుతోంది. అయితే దీంతో పాటే డైరెక్ట్​గా​ డబ్బింగ్​ సినిమాల రిలీజ్​ల ట్రెండ్ ఈ మధ్య ఎక్కువైపోయింది. కంటెంట్‌ ఉంటే చాలు.. డబ్బింగ్​గా వచ్చి ఇక్కడ ఆడియెన్స్​ను అలరిస్తున్నాయి. ముఖ్యంగా కన్నడ సినిమాలకు ఈ మధ్య మరింత క్రేజ్ పెరిగింది. 'కేజీయఫ్', 'చార్లి 777', 'కాంతార' వంటి చిత్రాలు రిలీజై ప్రతి భాషలోను మంచి సక్సెస్​ను అందుకున్నాయి.

ఇప్పుడు మరో సినిమా రిలీజ్​ కాబోతుంది. అదే 'హాస్టల్‌ హుడుగురు బేకాగిద్దరే'. చిన్న సినిమాగా రిలీజై, బాక్సాఫీస్‌ వద్ద కలెక్షన్ల వర్షాన్ని కురిపించింది. దీంతో ఈ సినిమా తెలుగులో వస్తుందా? రాదా? అని ఎంతో ఆసక్తిగా ఎదురు చూశారు యూత్ ఆడియెన్స్​. అందుకు తగ్గట్టే.. రీసెంట్​గా 'బాయ్స్‌ హాస్టల్‌' పేరుతో ఈ సినిమాను తీసుకొస్తున్నట్లు అనౌన్స్ చేశారు. తాజాగా ప్రమోషన్స్​లో భాగంగా ఈ సినిమా నుంచి 'ప్రొటెస్ట్' అనే సాంగ్ విడుదలైంది.

ఈ సాంగ్ లిరిక్స్​, బ్యాక్​గ్రౌండ్​ మ్యూజిక్​, అందులోని సన్నివేశాలు ప్రతీది ఆకట్టుకునేలా ఉన్నాయి. 'ఫిజిక్స్​ పేపర్​లో కెమిస్ట్రీ రాసేసి.. తలమీద బరువంత దిగిపోద్ది అనుకుంటే.. పాసయ్యే ఆశేమో పచ్చడి లేని దోశాయే' అంటూ సాగిన లిరిక్స్​ను మ్యూజిక్​ హైలైట్​గా నిలిచింది. హాస్టల్​లో ఉన్న విదార్థులంతా సౌకర్యాలు సరిగ్గా లేవంటూ ఫన్నీగా ప్రొటెస్ట్​ చేస్తున్నట్లు చూపించారు. ఈ పాటకు లిరిక్స్​ భాస్కర భట్ల అందించగా.. సాయి చరణ్​ ఆలపించారు. అజనీశ్ లోక్​నాథ్​ అందించిన మ్యూజిక్​ హైలైట్​.

క్రైమ్‌, కామెడీ నేపథ్యంలో ఈ సినిమా రూపొందింది. నవ్వులు పూయిస్తూనే ఉత్కంఠతో కన్నడ యూత్​ ఆడియెన్స్​ను అలరించింది. కుర్రాళ్ల హాస్టల్ లైఫ్ నేపథ్యంలో వచ్చిన ఈ సినిమాలో.. ఓ హాస్టల్ వార్డెన్ అనుమానాస్పద మృతి చుట్టూ ఈ కథ తిరుగుతుంది. ఇక ఈ చిత్రాన్ని అన్నపూర్ణా స్టూడియోస్‌, ఛాయ్‌ బిస్కెట్‌ సంయుక్తంగా కలిసి ఆగస్టు 26న విడుదల చేస్తున్నాయి.

నితిన్‌ కృష్ణమూర్తి దర్శకత్వంలో వచ్చిన ఈ సినిమాలో మంజునాథ్‌ నాయక, ప్రజ్వల్‌, తేజస్‌ జయన్న, శ్రీవాత్స, తదితరులు ఇతర కీలక పాత్రల్లో నటించారు. ఈ చిత్రం కన్నడ యువతను బాగా ఆకట్టుకుంది. ఇంకా ఈ సినిమాలో స్టార్‌ యాక్టర్స్​ రమ్య, రిషబ్‌ శెట్టి, దర్శకుడు పవన్‌కుమార్‌ గెస్ట్ రోల్స్​లో కనిపించి సందడి చేశారు. అజనీష్‌ లోకనాథ్‌ స్వరాలు సినిమాకు బాగా హైలైట్​గా నిలిచాయి.