ర‌ణ‌బీర్ క‌పూర్ తో పూరి మంత‌నాలా?

'యానిమ‌ల్' తో భారీ బ్లాక్ బ‌స్ట‌ర్ ఖాతాలో వేసుకున్నాడు రాక్ స్టార్ ర‌ణ‌బీర్ క‌పూర్. హిందీ సినిమా అయినా ర‌ణ‌బీర్ క‌పూర్ కి తెలుగులో బెస్ట్ లాంచింగ్ మూవీలా నిలిచింది. డైరెక్ట‌ర్ సందీప్ రెడ్డి వంగ కి తెలుగులో ఉన్న ఫాలోయింగ్ హీరో కి క‌లిసొచ్చింది. డైరెక్ట‌ర్ క్రేజ్ తో థియేట‌ర కి వ‌చ్చి సినిమా చూసిన ఆడియ‌న్స్ ఎంతో మంది. ఆ ర‌కంగా ర‌ణ‌బీర్ క‌పూర్ ఎంత గొప్ప న‌టుడో తెలుగు ప్రేక్ష‌కుల‌కు అర్ద‌మైంది.

ఇంత‌కు మించిన గ్రేట్ లాంచింగ్ తెలుగులో మ‌రొక‌టి ఉండ‌డు అన‌డంలో అతిశ‌యోక్తి లేదు. ర‌ణ‌బీర్ స్ట్రెయిట్ తెలుగు సినిమా చేసినా ఇంత గుర్తింపు రాదేమో అనేలా 'యానిమ‌ల్' తెలుగునాట స‌క్సెస్ అయింది. ఈ నేప‌థ్యంలో ర‌ణ‌బీర్ పై డ్యాషింగ్ డైరెక్ట‌ర్ పూరి జ‌గ‌న్నాధ్ క‌ళ్లు ప్ర‌స‌రిస్తున్నాయా? ర‌ణ‌బీర్ తో పూరి సినిమా ప్లాన్ చేస్తున్నాడా? అంటే అవున‌నే టాక్ వినిపిస్తుంది. ఇటీవ‌లే పూరి జ‌గ‌న్నాధ్ ముంబైలో ర‌ణ‌బీర్ క‌పూర్ ని క‌లిసారుట‌.

మ‌రి ఆ మీటింగ్ ప్రెండ్లీగా జ‌రిగిందా? స్టోరీ వినిపించ‌డం కోసం పూరి క‌లిసాడా? అన్న‌ది క్లారిటీ లేదు గానీ...పూరి మాత్రం రెండు గంట‌ల‌కు పైగానే ర‌ణ‌బీర్ తో స‌మ‌యం గ‌డిపిన‌ట్లు పూరి కేవ్ వ‌ర్గాల నుంచి లీకైంది. ప్ర‌స్తుతం ఈ వార్త ఫిలిం స‌ర్కిల్స్ లో హాట్ టాపిక్ గా మారింది. పూరి కొంత కాలంగా సినిమాలు త‌గ్గిన సంగ‌తి తెలిసిందే. ఇస్మార్ట్ శంక‌ర్ త‌ర్వాత 'లైగ‌ర్' ప్లాప్ అవ్వ‌డం మ‌ళ్లీ వెంట‌నే రామ్ నే తెర‌పైకి తీసుకొచ్చి డ‌బుల్ ఇస్మార్ట్ చేయ‌డం తెలిసిందే.

ఈ మ‌ధ్య‌లో పూరి కొంత మందికి క‌థ‌లు వినిపించ‌డం..వాళ్లు రిజెక్ట్ చేయ‌డం వంటి స‌న్నివేశాలు మార్కెట్ లో పూరిని వెన‌క్కి లాగిన‌ట్లుగా ప్ర‌చారం సాగింది. ఇప్పుడు సక్సెస్ అనివార్యమైన నేప‌థ్యంలో పూరి కొత్త హీరోల్ని తెర‌పైకి తెస్తున్నాడ‌ని ప్ర‌చారం సాగుతోంది. డ‌బుల్ ఇస్మార్ట్ రిలీజ్ అయిన వెంట‌నే పూరి ఏ హీరోతోనైనా సినిమా ప్ర‌క‌టించే అవ‌కాశం ఉంద‌ని ఫిలిం స‌ర్కిల్స్ లో డిస్క‌ష‌న్స్ సాగుతున్నాయి.