కిస్సిక్ సాంగ్ కు ఒక్క రోజే ప్రాక్టీస్!

ఐకాన్ స్టార్ అల్లు అర్జున్ హీరోగా సుకుమార్ ద‌ర్శ‌క‌త్వంలో వ‌చ్చిన రీసెంట్ సినిమా పుష్ప‌2. గ‌తేడాది డిసెంబ‌ర్ లో రిలీజైన పుష్ప‌2 బాక్సాఫీస్ వ‌ద్ద ఎలాంటి సంచ‌ల‌నాలు సృష్టించిందో ప్ర‌త్యేకంగా చెప్ప‌న‌క్క‌ర్లేదు. పుష్ప రాజ్ క్యారెక్ట‌ర్ నుంచి పాట‌లు, డ్యాన్సులు ఇలా ఒక‌టేంటి ప్ర‌తీదీ ఆ సినిమా గురించి మాట్లాడుకునేలా చేశాయి.

పుష్ప‌2లోని కిస్సిక్ సాంగ్ ఎంత‌టి బ్లాక్ బ‌స్ట‌ర్ అనేది మ‌ళ్లీ చెప్ప‌న‌వ‌స‌రం లేదు. ఈ స్పెష‌ల్ సాంగ్ లో అల్లు అర్జున్ తో క‌లిసి టాలీవుడ్ హ్యాపెనింగ్ హీరోయిన్ శ్రీలీల కాలు క‌దిపింది. వాస్త‌వానికి ఈ సాంగ్ ను మొద‌ట్లో బాలీవుడ్ హీరోయిన్ తో చేయించాల‌నుకున్నారు. కానీ రెమ్యూన‌రేష‌న్ వ‌ల్ల ఆఖ‌రికి ఆ సాంగ్ లో శ్రీలీల న‌టించింది.

అల్లు అర్జున్ మంచి డ్యాన్స‌ర్. దానికి శ్రీలీల గ్రేస్ తోడైతే ఇక నెక్ట్స్ లెవెలే అని సాంగ్ రిలీజవ‌క ముందు నుంచే అంద‌రూ అనుకున్నారు. ఆ అంచ‌నాల‌ను మ‌రింత పెంచేలా ఈ సాంగ్ స్క్రీన్ పై క‌నువిందు చేసింది. ప్ర‌త్యేకంగా ఆ సాంగ్ లోని కొరియోగ్ర‌ఫీ అంద‌రినీ ఆక‌ట్టుకుంది. ఈ సాంగ్ కు ఊర్వ‌శీ అప్స‌ర అనే డ్యాన్స్ మాస్ట‌ర్ కొరియోగ్ర‌ఫీ అందించారు.

తాజాగా ఆమె ఓ ఇంట‌ర్వ్యూలో మాట్లాడుతూ శ్రీలీల‌, అల్లు అర్జున్ ను ఆకాశానికెత్తేసింది. ఫ‌స్ట్ డే శ్రీ లీల‌కు డ్యాన్స్ స్టెప్స్ చెప్పాల‌ని వెళ్లిన‌ప్పుడు తాను భోజ‌నం కూడా చేయ‌లేద‌ని, ఆ విష‌యం తెలిసుకున్న శ్రీలీల తాను భోజ‌నం చేసే వ‌ర‌కు ఊరుకోకుండా భోజ‌నం చేసిన త‌ర్వాతే త‌న‌తో మాట్లాడింద‌ని, శ్రీలీలకు ఎంతో గొప్ప మ‌న‌సుంద‌ని తెలిపింది.

అంతేకాదు ఆ సాంగ్ కోసం కేవ‌లం ఒక రోజు మాత్ర‌మే వాళ్లు ప్రాక్టీస్ చేశార‌ని, అల్లు అర్జున్ తో పాటూ శ్రీలీల కూడా మంచి డ్యాన్సర్ అవ‌డం వ‌ల్లే వారు ఎక్కువ క‌ష్ట‌ప‌డే ప‌నిలేకుండా పాట‌ను పూర్తి చేశార‌ని ఆమె చెప్పింది. కిస్సిక్ సాంగ్ కు కొరియోగ్ర‌ఫీ చేయ‌డం త‌న జీవితాన్నే మార్చేసింద‌ని, త‌న లైఫ్ కిస్సిక్ కు ముందు కిస్సిక్ కు తర్వాత అని ఊర్వ‌శి అభిప్రాయ‌ప‌డింది.

ఇక బ‌న్నీ, శ్రీలీల విష‌యానికొస్తే పుష్ప‌2 స‌క్సెస్ ను ఎంజాయ్ చేస్తూ త్రివిక్ర‌మ్ తో త‌న త‌ర్వాతి సినిమాకు రెడీ అవుతున్న బ‌న్నీ, ఖాళీ టైమ్ ఉంది కాబ‌ట్టి కొత్త సినిమాల‌కు క‌థ‌ల‌ను కూడా వింటున్నాడ‌ని తెలుస్తోంది. శ్రీలీల వ‌రుసపెట్టి సినిమాల‌ను చేసుకుంటూ వెళ్తుంది. బాలీవుడ్, కోలీవుడ్ లో కూడా శ్రీలీల ఎంట్రీకి రంగం సిద్ధ‌మైన విష‌యం తెలిసిందే.