పుష్ప 2 - ఎన్టీఆర్ సినిమాతో మెలికలు

పుష్ప.. పుష్ప.. పుష్ప.. ఇప్పుడు ఎక్కడ చూసినా బ్లాక్ బస్టర్ హిట్ మూవీ సీక్వెల్ గురించే జోరుగా చర్చ సాగుతోంది. వచ్చే వారం రిలీజ్ కానున్న ఆ సినిమా కోసం ఎంతో వెయిట్ చేస్తున్నారు. ఫస్ట్ పార్ట్ అంచనాలకు మంచి హిట్ అవ్వడంతో అంతా పుష్ప-2పై భారీ అంచనాలు పెట్టుకున్నారు. అందుకు తగ్గట్లే మేకర్స్ బెస్ట్ అవుట్ పుట్ ఇచ్చేందుకు కష్టపడుతున్నారు.

థియేట్రికల్ అండ్ నాన్ థియేట్రికల్ రైట్స్ కలిపి పుష్ప-2కు రూ.1000 కోట్ల బిజినెస్ జరిగిందని ఎప్పటి నుంచో టాక్ వినిపిస్తోంది. మేకర్స్ కూడా నెంబర్ ను రివీల్ చేయకపోయినప్పటికీ.. నెవ్వర్ బిఫోర్ బిజినెస్ జరిగిందని మాత్రం పలుమార్లు క్లారిటీ ఇచ్చారు. దీంతో పుష్ప.. వేరే లెవెల్ లో రికార్డులను క్రియేట్ చేయనుందని అంతా అంచనా వేస్తున్నారు.

అదే సమయంలో ఇప్పుడు సోషల్ మీడియాలో కొత్త చర్చ ఊపందుకుంది. టాలీవుడ్ స్టార్ హీరో జూనియర్ ఎన్టీఆర్ లైనప్ లో ఉన్న దేవర 2 ప్రాజెక్ట్ గురించి ప్రస్తావిస్తున్నారు. కొరటాల శివ తెరకెక్కించిన దేవర కొద్ది రోజుల క్రితం రిలీజ్ అయ్యి మంచి హిట్ గా నిలిచింది. అయితే దేవర-2 ప్రాజెక్ట్.. పుష్ప-2 వంటి భారీ స్కేల్ ఉన్న మూవీ అవుతుందో లేదనని డిస్కస్ చేసుకుంటున్నారు.

నిజానికి బాక్సాఫీస్ వద్ద లెక్కలు చూసుకుంటే.. పుష్ప ఫస్ట్ పార్ట్ కన్నా దేవర-1 మంచి విజయం సాధించినట్లే. కానీ క్రేజ్ పరంగా పుష్పదే డామినేషన్. సాంగ్స్ వేరే లెవెల్ లో మెప్పించాయి. మ్యానరిజమ్స్ అయితే స్పెషల్ గా చెప్పనక్కర్లేదు. వరల్డ్ వైడ్ గా చిన్న పిల్లల నుంచి పెద్దవాళ్ల వరకు.. కామన్ పీపుల్ నుంచి సెలబ్రిటీస్ వరకు అంతా అనుసరించి సందడి చేశారు.

అలా పుష్ప సీక్వెల్ పై ఫస్ట్ నుంచి బజ్ ఓ రేంజ్ లో క్రియేట్ అయింది. దానితో పోలిస్తే దేవర-2 విషయంలో అంతగా లేదని చెప్పాలి. ప్రమోషన్స్ విషయానికొస్తే.. తారక్, బన్నీకి చాలా తేడా ఉందని కొందరు నెటిజన్లు అభిప్రాయపడుతున్నారు. దేవర కోసం పలు మీడియాలకు ఎన్టీఆర్ ఇంటర్వ్యూలు ఇచ్చారు. మూవీ టీమ్ తో చిట్ చాట్స్ తప్ప పెద్దగా సందడి చేయలేదు.

క్రేజ్ ఉన్నా.. కారణమేంటో తెలియదు కానీ ఎన్టీఆర్ కాస్త తక్కువగానే ప్రమోట్ చేశారు. కానీ పుష్ప-2 కోసం బన్నీ మాత్రం వేరే లెవెల్ లో ప్రమోషన్స్ నిర్వహిస్తున్నారు. చెప్పాలంటే.. అసూయ పడేలా పాన్ ఇండియా లెవల్ లో బజ్ క్రియేట్ చేస్తున్నారు. అలా పలు అంశాలు చూసుకుంటే పుష్ప-2 స్కేల్.. దేవర-2 కన్నా పెద్దదే అని చెప్పవచ్చు. కానీ తారక్.. కాస్త సీరియస్ గా దేవర-2కు సంబంధించిన అన్ని విషయాలపై ఫోకస్ చేస్తే.. ఏమైనా జరిగే అవకాశం ఉంది.