అక్కడ పుష్ప రీ రిలీజ్ డేట్‌ ఫిక్స్‌

ప్రస్తుతం దేశ వ్యాప్తంగా 'పుష్ప 2' ఫీవర్ ఏ స్థాయిలో ఉందో ప్రత్యేకంగా చెప్పనక్కర్లేదు. పుష్ప 2 ట్రైలర్‌ కి వచ్చిన రెస్పాన్స్ ఏంటో చూశాం. నార్త్‌ ఇండియాలో పుష్పకి ఉన్న క్రేజ్‌ ఏంటో ట్రైలర్‌ లాంచ్ ఈవెంట్‌తో క్లారిటీ వచ్చింది. అప్పట్లో అస్సలు ప్రమోట్‌ చేయకుండానే రూ.100 కోట్లకు పైగా వసూళ్లు చేసిన పుష్ప మరోసారి హిందీ ప్రేక్షకుల ముందుకు వెళ్లబోతోంది. నార్త్‌ ఇండియాలో పుష్ప కి ఉన్న క్రేజ్ నేపథ్యంలో రీ రిలీజ్‌కి ప్లాన్‌ చేశారు. భారీ ఎత్తున సినిమాను విడుదల చేయాలని భావిస్తున్నారు. పుష్ప 2 విడుదల కాబోతున్న రెండు వారాల ముందు పుష్ప విడుదల కావడం అనేది కచ్చితంగా కలిసి వచ్చే అంశం.

కేజీఎఫ్ 2 సినిమాను విడుదల చేయడానికి ముందు కొన్ని చోట్ల కేజీఎఫ్‌ 1 ను రీ రిలీజ్ చేయడం జరిగింది. ఇప్పుడు అదే తరహాలో పుష్ప 2 విడుదలకు ముందు పుష్ప 1ను హిందీలో విడుదల చేయబోతున్నారు. నవంబర్‌ 22వ తారీకున పుష్ప పార్ట్‌ 1 ను నార్త్‌ హిందీలో హిందీ వర్షన్‌ ను విడుదల చేయబోతున్నట్లుగా అధికారిక ప్రకటన వచ్చింది. ఈ మధ్య కాలంలో రీ రిలీజ్‌లు ఎక్కువ అవుతున్నాయి. అయితే సీక్వెల్‌కి ముందు ఒక సినిమా రీ రిలీజ్‌ కావడం అనేది కచ్చితంగా చెప్పుకోదగ్గ విషయం అనే అభిప్రాయంను చాలా మంది వ్యక్తం చేస్తున్నారు.

పుష్ప పార్ట్‌ 1 హిందీలో ఊహించని విజయాన్ని సొంతం చేసుకుంది. జీరో పబ్లిసిటీతో కేవలం మౌత్‌ టాక్‌తో వంద కోట్ల వసూళ్లు నమోదు చేయడం జరిగింది. ఈ మధ్య కాలంలో కొన్ని సినిమాలు అక్కడ భారీగానే వసూళ్లు రాబడుతున్నాయి. కానీ భారీ ఎత్తున ప్రమోట్‌ చేసి మరీ వాటిని అక్కడ విడుదల చేయడం జరిగింది. ఇప్పుడు పుష్ప 2 సినిమాను భారీ ఎత్తున విడుదల చేయాలని అక్కడ ప్రమోట్‌ చేయడం జరిగింది. అదే విధంగా పుష్ప పార్ట్‌ 1 ను ప్రమోట్‌ చేసి ఉంటే ఇంకా ఎంతగా వసూళ్లు నమోదు అయ్యి ఉండేవి అనేది ఊహకు సైతం అందడం లేదు.

రెండు వారాల్లో పుష్ప 2 విడుదల కాబోతున్న సమయంలో పుష్ప పార్ట్‌ 1 విడుదల కావడం అనేది కచ్చితంగా రెండు పార్ట్‌లకు కలిసి వచ్చే అంశంగా చెప్పుకోవచ్చు. నవంబర్‌ 22న భారీ ఎత్తున రీ రిలీజ్ కాబోతున్న పుష్ప పార్ట్‌ 1 వసూళ్లు ఎలా ఉంటాయా అని అంతా ఆసక్తిగా ఎదురు చూస్తున్నారు. ఇప్పటికే టీవీల్లో చాలా సార్లు చూడటంతో పాటు, ఓటీటీ లో చూసినా థియేటర్లకు ప్రేక్షకులు వెళ్లి చూస్తారా అనేది అందరి దృష్టిలో ఉన్న ప్రశ్న. ప్రస్తుతం పుష్ప కి ఉన్న క్రేజ్ నేపథ్యంలో రీ రిలీజ్‌కి ఫ్యాన్స్‌ హంగామా ఉండే అవకాశాలు ఉన్నాయని రీ రిలీజ్ చేస్తున్న డిస్ట్రిబ్యూటర్స్ అభిప్రాయం వ్యక్తం చేస్తున్నారు.