పుష్ప 2: ట్రైలర్ దెబ్బకు అక్కడ లెక్క పెరిగింది

అల్లు అర్జున్ సుకుమార్ కాంబినేషన్లో తెరకెక్కుతున్న బిగ్గెస్ట్ పాన్ ఇండియా మూవీ పుష్ప 2 కోసం ప్రేక్షకులు ఎంతో ఆతృతగా ఎదురుచూస్తున్నారు. ఈ సినిమా ట్రైలర్ విడుదలైన వెంటనే అంచనాలు తారా స్థాయికి చేరాయి. పవర్ ప్యాక్డ్ యాక్షన్ తో ఆకట్టుకున్న ఈ ట్రైలర్ సినిమా మీద ఆసక్తిని మరింత పెంచింది. చూస్తుంటే మొదటి రోజే కలెక్షన్స్ ఊహించని స్థాయిలో వచ్చే అవకాశం ఉన్నట్లు కనిపిస్తోంది.

తప్పకుండా బాక్సాఫీస్ వద్ద ఈ సినిమా సరికొత్త రికార్డులు క్రియేట్ చేస్తుంది అని ట్రేడ్ వర్గాలు చెబుతున్నాయి. అయితే ఓవర్సీస్ లో కూడా బన్నీకి మంచి మార్కెట్ ఉన్న విషయం తెలిసిందే. ఇక ఈసారి పుష్ప 2 యూఎస్ లాంటి ప్రధానమైన దేశాల్లో కూడా ఊహించని స్థాయిలో కలెక్షన్స్ రాబట్టే అవకాశం అయితే ఉంది. ప్రీమియర్స్ కోసం ఇప్పటికే కొన్ని చోట్ల అడ్వాన్స్ బుకింగ్స్ కూడా ఓపెన్ అయ్యాయి.

దీంతో ఫ్యాన్స్ ఎగబడి టికెట్లు కొనుగోలు చేస్తూ ఉన్నారు. ఇక యూఎస్ ప్రధానో నగరాల్లో ప్రీమియర్స్ కు హౌస్ ఫుల్ బోర్డులు దర్శనమివ్వడం పక్కా అనే కామెంట్స్ వస్తున్నాయి. ఇక ప్రీ-సేల్స్ ద్వారా $1 మిలియన్ డాలర్లు వసూలు చేయడం ద్వారా, ఇంత తక్కువ సమయంలో ఈ మైల్ స్టోన్ ని చేరిన టాప్ తెలుగు సినిమా గా పుష్ప 2 నిలిచింది. ఈ గొప్ప ఫీట్ ద్వారా మరిన్ని రికార్డులను కూడా తిరగరాయనుంది అని ట్రేడ్ వర్గాలు అంచనా వేస్తున్నాయి.

ఈ సినిమాలో రష్మిక మందన్న, ఫహద్ ఫాసిల్, జగపతి బాబు, అనసూయ, సునీల్ వంటి ప్రతిభావంతులైన నటుల ఉండడంతో అన్ని వర్గాల ఆడియేన్స్ ను కావల్సిన హైప్ క్రియేట్ అయ్యింది. అందరి పాత్రలు కథలో కీలకంగా ఉంటాయని దర్శకుడు సుకుమార్ వెల్లడించారు. మైత్రీ మూవీ మేకర్స్ నిర్మాణంలో అత్యంత భారీ బడ్జెట్ తో తెరకెక్కిన ఈ చిత్రం, దేవి శ్రీ ప్రసాద్ సంగీతం అందించడం తో సాంకేతికంగా కూడా పుష్ప 2 హై స్టాండర్డ్స్ ను ప్రదర్శించనుంది.

సినిమా టీజర్, ట్రైలర్ మాత్రమే కాకుండా, పాటలు కూడా ప్రేక్షకుల్లో విపరీతమైన అంచనాలను కలిగించాయి. డిసెంబర్ 5 ఈ పాన్-ఇండియా బిగ్గీ విడుదలకు సిద్ధంగా ఉంది. తెలుగు తో పాటు తమిళ, కన్నడ, మలయాళం, హిందీ భాషల్లో విడుదలవుతున్న ఈ సినిమా పాన్-ఇండియా స్థాయిలో భారీ ఓపెనింగ్స్ సాధిస్తుందని టాలీవుడ్ వర్గాలు భావిస్తున్నాయి. ఇక నార్త్ లో కూడా బన్నీ స్టామినా ఈసారి గట్టిగానే క్లిక్కయ్యేలా ఉంది. అక్కడ మొదటి రోజే షారుక్ ఖాన్ జవాన్ పఠాన్ రికార్డులు బ్లాస్ట్ అవుతాయని అంటున్నారు. మరి ఆ దిశగా పుష్ప రాజ్ సంచలనం సృష్టిస్తాడో లేదో చూడాలి.