ఆస్ట్రేలియాలో టాప్ 10 టాలీవుడ్ కలెక్షన్స్.. టాప్ 1కి అతికొద్ది దూరంలో పుష్ప 2

తెలుగు సినీ పరిశ్రమపై పాన్ ఇండియా స్థాయి దృష్టి పెరిగిన తర్వాత, విదేశీ మార్కెట్లలో తెలుగు చిత్రాలు భారీ వసూళ్లను సాధిస్తున్నాయి. ముఖ్యంగా ఆస్ట్రేలియా మార్కెట్‌లో తెలుగు చిత్రాల వసూళ్లు మునుపెన్నడూ లేని రీతిలో రికార్డులు నమోదు చేస్తున్నాయి. ఈ నేపథ్యంలో తాజాగా విడుదలైన పుష్ప 2: ది రూల్ ఆస్ట్రేలియాలో మరో సెన్సేషనల్ రికార్డ్ ను సాధించింది. కేవలం 46 రోజుల్లోనే ఈ చిత్రం A$4.48 మిలియన్ వసూలు చేసి, ఆస్ట్రేలియాలో అత్యధిక వసూళ్లు సాధించిన టాలీవుడ్ చిత్రాల్లో రెండో స్థానాన్ని ఆక్రమించింది.

బాహుబలి 2 A$4.49 మిలియన్ వసూళ్లతో ఇప్పటికీ ఆస్ట్రేలియా బాక్సాఫీస్ చరిత్రలో అగ్రస్థానంలో కొనసాగుతోంది. ఇక, పుష్ప 2 ఆ స్థాయిని అందుకోవడానికి కేవలం కొద్ది దూరంలోనే ఉంది. ఏదేమైనా ఈ స్థాయికి రావడానికి తక్కువ సమయంలో సాధించడంతో సినిమా సాధించిన విజయాన్ని ప్రత్యేకంగా చెప్పుకోవాలి. ఈ చిత్రం చాలా రికార్డులను అధిగమించడమే కాకుండా, తెలుగు సినిమా ప్రభావాన్ని ప్రపంచవ్యాప్తంగా మరింత పెంచింది.

ఇక ఆస్ట్రేలియా టాప్ 10 జాబితాలో మరో ముఖ్య చిత్రం RRR A$3.6 మిలియన్ వసూళ్లతో మూడో స్థానంలో నిలిచింది. రాజమౌళి విజన్‌కి కీర్తి పతాకాన్ని ఇస్తూ ఈ చిత్రం ప్రపంచవ్యాప్తంగా తెలుగుదనాన్ని చాటిచెప్పింది. అదే విధంగా, నందమూరి ప్రభాస్ వంటి స్టార్ హీరోల చిత్రాలు కల్కి 2898 ఏడీ, సలార్, సాహో కూడా ఈ జాబితాలో చోటు సంపాదించాయి. ఇది తెలుగు చిత్రాలకు ఆస్ట్రేలియా మార్కెట్‌లో ఎంత ఆదరణ ఉందో చెప్పడానికి ప్రత్యక్ష సాక్ష్యం.

ఆస్ట్రేలియాలో తెలుగుదనం ప్రతిష్టను నిలబెట్టిన ఇతర చిత్రాలు బాహుబలి: ది బిగినింగ్, దేవర, ఆదిపురుష్, మరియు మొదటి పుష్ప కూడా వాటికి తగ్గ స్థాయిలో రికార్డులను నెలకొల్పాయి. ఈ చిత్రాలన్నీ ఆస్ట్రేలియా ప్రేక్షకుల హృదయాలను గెలుచుకోవడమే కాకుండా, తెలుగు సినిమా స్థాయిని మరో మెట్టు పైకి తీసుకెళ్లాయి. ఈ టాప్ 10 గ్యాసింగ్ జాబితా చూస్తే, తెలుగు చిత్ర పరిశ్రమ ఎంత బలంగా ఎదుగుతుందో స్పష్టమవుతోంది. ముఖ్యంగా పుష్ప 2 మంచి రెస్పాన్స్ అందుకుంది. మరి ఈ వారంలో సినిమా నెంబర్ వన్ రికార్డ్ ను అందుకుంటుందో లేదో చూడాలి.

టాప్ 10 తెలుగు సినిమాలు ఆస్ట్రేలియా వసూళ్లు (ఆస్ట్రేలియన్ డాలర్లలో):

1. బాహుబలి 2 - A$4.49 మిలియన్

2. పుష్ప 2 - A$4.48 మిలియన్ (46 రోజులు)

3. ఆర్ఆర్ఆర్ - A$3.6 మిలియన్

4. కల్కి 2898 ఏడీ - A$3.13 మిలియన్

5. సలార్ - A$1.75 మిలియన్

6. సాహో - A$1.03 మిలియన్

7. బాహుబలి - A$995K

8. దేవర - A$952K

9. ఆదిపురుష్ - A$901K

10. పుష్ప - A$629K