పుష్ప రేంజ్ అంటే ఇది.. ప్రీమియర్స్ తోనే ఊచకోత..

ఐకాన్ స్టార్ అల్లు అర్జున్ పుష్ప-2 మూవీపై ఎలాంటి హైప్ క్రియేట్ అయిందో అందరికీ తెలిసిందే. అందుకు తగ్గట్లే మేకర్స్ కూడా భారీ రిలీజ్ కు ప్లాన్ చేస్తున్నారు. అదే సమయంలో సినిమా కోసం బన్నీ ఫ్యాన్స్ తో పాటు దేశవ్యాప్తంగా ఉన్న సినీ ప్రియులు ఎంతగానో వెయిట్ చేస్తున్నారు. పుష్పరాజ్ స్వాగ్ ను మరోసారి సిల్వర్ స్క్రీన్ పై చూసేందుకు ఉవ్విళ్లూరుతున్నారు. ఫస్ట్ పార్ట్ భారీ హిట్ అవ్వడంతో అంతా భారీ అంచనాలు పెట్టుకున్నారు.

అయితే పుష్పకు ఇండియాలోనే కాదు.. ఫారిన్ లో కూడా ఇప్పటికే వేరే లెవెల్ హైప్ క్రియేట్ అయ్యి ఉంది. దీంతో మేకర్స్ చాలా గ్రాండ్ గా సినిమాను విడుదల చేస్తున్నారు. ఇప్పటికే అడ్వాన్స్ బుకింగ్స్ కూడా ఓపెన్ చేసేశారు. అమెరికాలో అత్యంత వేగంగా 15 వేలకు పైగా టికెట్స్ అమ్ముడుపోయిన ఫస్ట్ ఇండియన్ సినిమాగా పుష్ప 2 రికార్డ్ సెట్ చేసిన విషయం తెలిసిందే. తాజాగా మరో రికార్డును ను ఖాతాలో వేసుకుంది పుష్ప సీక్వెల్.

తెలుగు సినిమాలకు భారీ మార్కెట్ లో ఉన్న అమెరికాలో కేవలం ప్రీమియర్స్ రూపంలోనే 20,000 పైగా అడ్వాన్స్ బుకింగ్స్ టికెట్స్ అమ్ముడైన తొలి చిత్రంగా పుష్ప-2 రికార్డు సృచింది. ఇప్పటి వరకు ఓవర్సీస్ లో విడుదలైన తెలుగు సినిమాల్లో ఇదొక రికార్డ్ అనే చెప్పాలి. ఇప్పుడు ఈ విషయం సోషల్ మీడియాలో వైరల్ గా మారింది. పుష్ప రేంజ్ అంటే ఇది అని నెటిజన్లు, సినీ ప్రియులు, ఫ్యాన్స్ కామెంట్లు పెడుతున్నారు.

ఈగర్లీ వెయిటింగ్ ఫర్ మూవీ అంటూ సందడి చేస్తున్నారు. ఇప్పటికే అమెరికాలో ఆల్మోస్ట్ హాఫ్ మిలియన్ డాలర్స్ ను పుష్ప-2 వసూలు చేసినట్లు తెలుస్తోంది. రిలీజ్ కు ముందే మిలియన్ డాలర్స్ కు పైగా వసూలు చేసేలా ఉందని ట్రేడ్ పండితులు అంచనా వేస్తున్నారు. ఓవర్సీస్ లో పుష్ప-2 సినిమాను ప్రత్యంగిరా పిక్చర్స్, AA క్రియేషన్స్ పెద్ద ఎత్తున రిలీజ్ చేస్తున్నాయి. వసూళ్లు కూడా అంతే రీతిలో రాబట్టేట్లు క్లియర్ గా అర్థమవుతుంది.

ఇక సినిమా విషయానికొస్తే.. సుకుమార్ దర్శకత్వం వహిస్తున్న పుష్ప-2లో కూడా నేషనల్ క్రష్ రష్మిక మందన్ననే హీరోయిన్ గా నటిస్తున్నారు. సునీల్, ఫహాద్ ఫాజిల్, అనసూయ తదితరులు ముఖ్య పాత్రలు పోషిస్తున్నారు. స్పెషల్ సాంగ్ లో శ్రీలీల కనిపించనున్నారు! అత్యంత భారీ బడ్జెట్ తో మైత్రీ మూవీ మేకర్స్‌ బ్యానర్ పై నిర్మాతలు నవీన్‌ ఎర్నేని, రవిశంకర్‌ నిర్మిస్తున్నారు. మరి పుష్ప-2 ఎలాంటి హిట్ అవుతుందో వేచి చూడాలి.