పుష్ప 2 అన్నీ మంచిశకునములే.. కానీ..?

అల్లు అర్జున్ సుకుమార్ ఈ కాంబో సినిమా అంటే తెలుగు ఆడియన్స్ కి పండగే.. ఆర్యతో మొదలైన ఈ కాంబో సెన్సేషన్ ఇప్పుడు పుష్ప 2 తో పాన్ ఇండియా రేంజ్ బజ్ క్రియేట్ చేసింది. పుష్ప 1 సినిమా ఊహించని విధంగా పాన్ ఇండియా హిట్ అందుకోవడంతో పార్ట్ 2 మీద భారీ హైప్ ఏర్పడింది. పుష్ప 1 సినిమా తోనే అల్లు అర్జున్ బ్లాక్ బస్టర్ హిట్ అందుకోవడమే కాదు నేషనల్ అవార్డ్ సైతం అందుకున్నాడు. ఇప్పుడు పుష్ప 2 సినిమాతో మరిన్ని రికార్డులను టార్గెట్ పెట్టుకున్నాడు.

పుష్ప 1 వచ్చి 3 ఏళ్లు అవుతుంది. దాదాపు ఇన్నేళ్లుగా ఫ్యాన్స్ అంతా కూడా పుష్ప 2 కోసం వెయిట్ చేస్తున్నారు. అంతేకాదు పుష్ప 1 చేసిన హంగామా తో పార్ట్ 2 మీద నేషనల్ లెవెల్ లో బజ్ ఓ రేంజ్ లో ఏర్పడింది. పుష్ప 2 ఈవెంట్స్ కు ప్రేక్షకుల నుంచి వస్తున్న రెస్పాన్స్ చూసి సినిమాపై వారికి ఉన్న అంచనాలు ఏంటన్నది అర్థం చేసుకోవచ్చు. అందుకే సుకుమార్ వారి అంచనాలకు ఏమాత్రం తగ్గకుండా సినిమాను చేస్తున్నారు.

పుష్ప 1 రాబోతున్న పార్ట్ 2 వీటిలో కథ కన్నా పుష్ప రాజ్ యాటిట్యూడ్ కి ఫ్యాన్స్ ఏర్పడ్డాయి. అల్లు అర్జున్ ఆ పాత్రలో పరకాయ ప్రవేశం చేసి ఆడియన్స్ ని మెప్పించాడు. ఇక పుష్ప 2 తో మరోసారి పూనకాలు తెప్పించేందుకు రెడీ అవుతున్నాడు. అందుకే పుష్ప 2 మీద ఈ రేంజ్ క్రేజ్ ఏర్పడింది. పుష్ప 2 ట్రైలర్ చూశాక ఆడియన్స్ లో మరింత క్యూరియాసిటీ పెరిగింది. పుష్ప అంటే ఉత్తి ఫైర్ కాదు వైల్డ్ ఫైర్ అంటూ.. పుష్ప నేషనల్ కాదు ఇంటర్నేషనల్ అంటూ వన్ లైనర్స్ ఆడియన్స్ కు సూటిగా ఎక్కేశాయి.

పుష్ప 2 ప్రీ రిలీజ్ బజ్ ఒక రేంజ్ లో ఉంది. ఐతే సినిమాకు అన్నీ బాగానే కలిసి వస్తున్నా ఈమధ్యనే లెంగ్త్ కాస్త ఎక్కువ అంటూ టాక్ వచ్చింది. గ్రిప్పింగ్ స్క్రీన్ ప్లే ఉంటే పర్లేదు కానీ తేడా వస్తే మాత్రం కథ వేరేలా ఉంటుంది. అంతేకాదు కొంతమంది నుంచి పుష్ప 2 కి కాస్త నెగిటివిటీ కూడా ఉంది. మరి వీటి మధ్య సినిమా ఎలాంటి డౌట్లు లేకుండా ష్యూర్ షాట్ హిట్ అనిపించుకుంటుందా లేదా అన్నది చూడాలి.

పుష్ప 2 సినిమాలో రష్మిక పాత్ర కూడా హైలెట్ అవుతుందని తెలుస్తుంది. శ్రీలీల కిసిక్ సాంగ్ కూడా స్పెషల్ ఎట్రాక్షన్ గా నిలుస్తుందని అంటున్నారు. మరి పుష్ప 2 బాక్సాఫీస్ హంగామా ఏ రేంజ్ లో ఉంటుందో చూడాలి.