'పుష్ప 2'.. ఇక శంకర్ ప్లాన్ ఏంటో?
ఈ చిత్రాన్ని వచ్చే ఏడాది ఆగస్ట్ 15న రిలీజ్ చేస్తున్నట్లు అనౌన్స్ చేసి షాక్ అండ్ సర్ప్రైజ్ ఇచ్చింది. అయితే ఇప్పుడీ సినిమా.. ఇండియన్ 2 చిత్రానికి గట్టి పోటీ అయినట్టైంది.
By: Tupaki Desk | 12 Sep 2023 12:39 PM GMT
పాన్ ఇండియా సినీ ప్రియులు ఎంతో ఆసక్తిగా ఎదురుచూస్తున్న సినిమాల్లో అల్లు అర్జున్ పుష్ప 2 ఒకటి. ఈ చిత్రం వచ్చే ఏడాది 2024 సమ్మర్లో వస్తుందని అంతా భావించారు. కానీ అనూహ్యంగా మూవీటీమ్.. ఈ చిత్రాన్ని వచ్చే ఏడాది ఆగస్ట్ 15న రిలీజ్ చేస్తున్నట్లు అనౌన్స్ చేసి షాక్ అండ్ సర్ప్రైజ్ ఇచ్చింది. అయితే ఇప్పుడీ సినిమా.. ఇండియన్ 2 చిత్రానికి గట్టి పోటీ అయినట్టైంది.
వివరాళ్లోకి వెళితే.. వచ్చే ఏడాది పంద్రాగస్ట్ గురువారం వచ్చింది. అంటే లాంగ్ వీకెండ్. సినిమాలు రిలీజ్ చేసుకోవడానికి మంచి సమయం. అయితే ఇదే తేదీన అటు బాలీవుడ్లో ఇటు కోలీవుడ్లోనూ రెండు బడా పాన్ ఇండియా సినిమాలు రిలీజ్కు రెడీ అయ్యాయి. ఒకటి శంకర్ తెరకెక్కిస్తున్న ఇండియన్ 2, రెండోది రోహిత్ శెట్టి సింగం 3. అయితే ఈ రిలీజ్ డేట్స్పై ఇంకా ఎటువంటి అఫీషియల్ అనౌన్స్ మెంట్ రాలేదు.
అయితే బాలీవుడ్ విషయాన్ని పక్కనపెడితే సౌత్లో ఇండియన్ 2 చిత్రాన్ని పంద్రాగస్ట్కు రిలీజ్ చేయాలని శంకర్ ప్లాన్ చేస్తున్నట్లు గత కొద్ది రోజులుగా వార్తలు వస్తున్నాయి. అందులోనూ దేశభక్తి నేపథ్యంలో రానున్న చిత్రం కనుక సినిమాను అప్పుడే రిలీజ్ చేయాలని శంకర్ గట్టిగా నిర్ణయించుకున్నారట. కానీ దీనిపై ఇప్పటివరకు ఓపెన్ అవ్వలేదు.
కానీ అంతలోనే ఇప్పుడు పుష్ప 2 మాత్రం ఆగస్ట్ 15కు వస్తున్నట్లు అధికారికంగా ప్రకటించింది. దీంతో ఇండియన్ 2 మేకర్స్ కాస్త సందిగ్ధంలో పడ్డారట. అదే సమయంలో రావాలా లేదా రిలీజ్ డేట్ను మార్చుకోవాలా అని ఆలోచిస్తున్నారట. ఎందుకంటే రెండు చిత్రాలు ఒకేసారి వస్తే వసూళ్లపై కాస్త ఎఫెక్ట్ పడే అవకాశముంటుంది. అయితే కోలీవుడ్ ఇండస్ట్రీ నుంచి అందుతున్న సమాచారం ప్రకారం.. ఈ చిత్రాన్ని ఆగస్ట్ 15కు ఒకరోజు అటు ఇటుగా రిలీజ్ చేయాలని అనుకుంటున్నారట. చూడాలి మరి ఏం జరుగుతుందో.
కాగా, ఇండియన్ 2 సినిమాలో.. సిద్ధార్థ్‌, కాజల్‌, రకుల్‌ ప్రీత్‌ సింగ్, ప్రియా భవానీ శంకర్, ఎస్‌జే సూర్య తదితరులు కీలక పాత్రలు పోషిస్తున్నారు. దాదాపు రూ.350కోట్ల భారీ బడ్జెట్‌తో ఈ చిత్రం తెరకెక్కుతోంది. అనిరుధ్‌ రవిచంద్రన్‌ సంగీతం అందిస్తున్నారు. పుష్ప 2 విషయానికొస్తే.. సుకుమార్‌ దర్శకత్వం వహిస్తున్నారు. సుకుమార్‌ రైటింగ్స్‌తో కలిసి మైత్రి మూవీ మేకర్స్ బ్యానర్పై నవీన్‌ ఎర్నేని, వై.రవిశంకర్‌ నిర్మిస్తున్నారు. ఫహాద్‌ ఫాజిల్‌, ధనుంజయ్‌, సునీల్‌, అనసూయ భరద్వాజ్‌ తదితరులు నటిస్తున్నారు. ఈ చిత్రానికి దేవిశ్రీప్రసాద్‌ సంగీతం అందిస్తున్నారు.
