పుష్ప 2 స్పెషల్ సాంగ్.. ఎక్స్ ట్రా డోస్..?

పుష్ప 1 ని మించేలా పుష్ప 2 ని ఉంచేందుకు సుకుమార్ ఎత్తుకి పై ఎత్తు అనేలా ప్లాన్ చేస్తున్నారు. పుష్ప 2 మాస్ యుపోరియాని కొనసాగించేందుకు ఎక్కడ కూడా ఛాన్స్ వదలట్లేదు. ఈ క్రమంలో తన సినిమాల్లో అందరికీ ఇష్టమయ్యే ఐటెం సాంగ్ లో కూడా సుకుమార్ మరో మాస్టర్ ప్లాన్ వేసినట్టు తెలుస్తుంది. పుష్ప 1 లో ఉ అంటావా మావా సాంగ్ ఎంత పెద్ద సంచలనం సృష్టించిందో తెలిసిందే. పుష్ప 2 లో అంతకు మించి ఉండేలా ఐటెం సాంగ్ ప్లాన్ చేశారట. ఈ సాంగ్ లో ఎవరు చేస్తారు అన్నది ఇంకా కన్ ఫ్యూజన్ కొనసాగుతూనే ఉంది.

బాలీవుడ్ భామలు సైతం పుష్ప 2 లో ఐటెం సాంగ్ చేసేందుకు ఆసక్తి చూపిస్తున్నారు. అయితే పుష్ప 2 లో కచ్చితంగా కొత్త భామని చూస్తారని తెలుస్తుంది. కానీ సాంగ్ ఎక్స్ ట్రా డోస్ ఉండేలా సుకుమార్ ప్లాన్ చేస్తున్నారట. అంటే పుష్ప 2 లో ఐటెం సాంగ్ లో ఎవరు చేసినా సరే సాంగ్ చివర్లో సమంత క్యామియో ప్లాన్ చేస్తున్నారట. అంతేకాదు సమంత వచ్చినప్పుడు మళ్లీ ఉ అంటావా సాంగ్ వస్తుందట.

సో అలా పుష్ప 2 లో ఇద్దరు ముద్దుగుమ్మలు చివర్లో మాస్ ఆడియన్స్ ని ఊగిపోయేలా చేస్తారని తెలుస్తుంది. పుష్ప 2 నుంచి వస్తున్న ప్రతి అప్డేట్ ఫ్యాన్స్ ని సర్ ప్రైజ్ చేస్తుంది. సుకుమార్ అన్ని పర్ఫెక్ట్ కాలిక్యులేషన్స్ తోనే పార్ట్ 2 ని దించబోతున్నారు.పుష్ప 2 విషయంలో దేవి శ్రీ ప్రసాద్ కూడా తన డ్యూటీని పర్ఫెక్ట్ గా చేస్తున్నాడని తెలుస్తుంది. ఆల్రెడీ పుష్ప 2 నుంచి వచ్చిన పుష్ప పుష్ప పిచ్చెక్కించేసింది. సినిమాలో మరోసారి పుష్ప రాజ్ తన నట విశ్వరూపంతో ఆడియన్స్ ని మెస్మరైజ్ చేస్తాడని అంటున్నారు.

ఆగష్టు 15న రిలీజ్ కాబోతున్న పుష్ప 2 కోసం ఆడియన్స్ అంతా కూడా ఎంతో ఎగ్జైటింగ్ గా ఎదురుచూస్తున్నారు. సినిమాకు బిజినెస్ కూడా ఊహించిన దాని కన్నా ఎక్కువే జరుగుతుందని తెలుస్తుంది. ఇక ఇప్పటికే రిలీజైన పుష్ప 2 ఫస్ట్ సాంగ్ ఆల్రెడీ యూట్యూబ్ లో రికార్డులు కొల్లగొడుతుంది. పుష్ప 2 ఎక్కడ ఛాన్స్ తీసుకోకుండా ఏమాత్రం తక్కువ కాకుండా మాస్ స్టఫ్ తో నింపేస్తున్నాడు సుకుమార్. మరి ఈ సినిమా రేంజ్ ఏంటన్నది రిలీజ్ అయ్యాక తెలుస్తుంది.