పుష్ప 2 గాసిప్స్… ఓ క్లారిటీ వచ్చేసింది

ఐకాన్ స్టార్ అల్లు అర్జున్ హీరోగా సుకుమార్ దర్శకత్వంలో తెరకెక్కుతోన్న మూవీ పుష్ప 2. ఈ సినిమా షూటింగ్ శరవేగంగా సాగుతోంది. భారీ బడ్జెట్ తో మైత్రీ మూవీ మేకర్స్ ఈ చిత్రాన్ని నిర్మిస్తోన్న సంగతి తెలిసిందే. మొదటి సినిమాకి వచ్చిన కలెక్షన్స్ స్థాయిలో పుష్ప ది రూల్ బడ్జెట్ ఉంది. పుష్పరాజ్ ఇంటర్నేషనల్ స్మగ్లర్ లా ఎలా ఎదిగాడు అనేది ఈ చిత్రంలో చూపించబోతున్నారు.

బన్నీ, దేవిశ్రీ ప్రసాద్ కి నేషనల్ అవార్డులు రావడంతో పుష్ప ది రూల్ మూవీపై అంచనాలు మరింత పెరిగిపోయాయి. దీంతో మూవీ చుట్టూ చాలా రకాలా రూమర్స్ అలుముకుంటున్నారు. గతంలో సాయి పల్లవిని ఈ చిత్రంలో మరో హీరోయిన్ గా తీసుకుంటున్నట్లు ప్రచారం జరిగింది. అందులో వాస్తవం లేదని తేలిపోయింది. తాజాగా ప్రియమణిని ఓ కీలక పాత్ర కోసం ఎంపిక చేసారంటూ విస్తృతంగా ప్రచారం జరుగుతోంది.

తాజాగా ప్రియమణి ఈ వార్తలపై క్లారిటీ ఇచ్చింది. ఆమె నటించిన షారుఖ్ ఖాన్ జవాన్ మూవీ సూపర్ హిట్ అయ్యింది. ఈ సినిమా సక్సెస్ మీట్ లో ప్రియమణి పుష్పలో నటించడంపై రియాక్ట్ అయ్యారు. పుష్ప టీమ్ నుంచి తనని ఎవరూ సంప్రదించలేదని చెప్పుకొచ్చింది. అలాగే ఆ సినిమాలో తాను నటించడం లేదని క్లారిటీ ఇచ్చేశారు. ఒక వేళ అల్లు అర్జున్ తో స్క్రీన్ షేర్ చేసుకునే అవకాశం వస్తే వదులుకోనని స్పష్టం చేశారు.

దీంతో పుష్ప 2 మూవీలో ప్రియమణి నటిస్తోందనే వార్తలకి ఫుల్ స్టాప్ పడినట్లు అయ్యింది. దేశ వ్యాప్తంగా పుష్ప ది రూల్ మూవీపై బజ్ ఉన్న నేపథ్యంలో ఇతర భాషలకి చెందిన నటీనటులని కూడా ఈ చిత్రం కోసం సుకుమార్ ఎంపిక చేసాడని అందరూ భావించారు. అయితే కథ డిమాండ్ మేరకు పాత్రలు కూడా ఉంటాయని తెలుస్తోంది. మొదటి సినిమాలో ఉన్న క్యారెక్టర్స్ పార్ట్ 2లో కూడా కొనసాగుతున్నాయంట.

అదనంగా ఈ చిత్రంలో జగపతిబాబు కనిపించబోతున్నాడు. అయితే అతను మెయిన్ విలన్ కాదని తెలుస్తోంది. ఫాహద్ ఫాజిల్, అల్లు అర్జున్ మధ్యనే పార్ట్ 2 స్టోరీ అంతా నడుస్తుందని తెలుస్తోంది. మరి వీరిద్దరి రివెంజ్ ఛాలెంజ్ పుష్ప 2 ఏ మేరకు ఆడియన్స్ కి చేరువ చేస్తాయనేది చూడాలి.