పుష్ప 2కి మరో చిన్న బ్రేక్.. ఎందుకంటే..

టాలీవుడ్​తో పాటు పాన్ ఇండియా లెవల్లో అదరగొట్టిన చిత్రం పుష్ప. ఎలాంటి అంచనాలు లేకుండా వచ్చిన ఈ చిత్రం హిందీలో బాక్సాఫీస్ దగ్గర సంచనలం సృష్టించింది. సుకుమార్ దర్శకత్వంలో స్టైలిష్ స్టార్ అల్లు అర్జున్, రష్మిక మందన్నా జంటగా నటించిన ఈ సినిమా వసూళ్ల వర్షం కురిపించింది. అయితే ప్రస్తుతం షూటింగ్ జరుపుకుంటున్న పుష్ప 2 చిత్రానికి ఓ చిన్న బ్రేక్ పడింది.

వివరాళ్లోకి వెళితే.. పుష్ప 2 సినిమా కోసం దేశ వ్యాప్తంగా సినీ ప్రియులు ఎంతో ఆసక్తిగా ఎదురు చూస్తున్నారు. కానీ ఈ మూవీ షూటింగ్ మాత్రం నెమ్మదిగా సాగుతూ ముందుకెళ్తోంది. ప్రేక్షకుల అంచనాలకు తగ్గట్టుగా ఈ చిత్రాన్ని దర్శకుడు సుకుమార్​ తీర్చిదిద్దుతున్నారట. సినిమాలోని ప్రతి అంశాన్ని ఎంతో జాగ్రత్తగా తెరకెక్కిస్తున్నారట. అందుకే ఈ సినిమా షూటింగ్ ఆలస్యం అవుతూ వస్తోంది.

ఇప్పటికే పుష్ప 2కు సంబంధించిన పలు ప్రచరా చిత్రాలు బయటకు వచ్చాయి. అవి సోషల్ మీడియాలో బాగా వైరల్ అయ్యాయి. అభిమానులను బాగా ఆకట్టుకున్నాయి. సినిమాపై మరంత అంచనాలను పెంచేశాయి. ముఖ్యంగా బన్నీ.. చీర కట్టి, ముక్కు పుడక పెట్టి, బొట్టుతో అమ్మవారి గెటప్​లో అద్భుతంగా కనిపించడం సెన్సేషనల్ క్రియేట్ చేసింది.

అయితే ప్రస్తతం ఈ సినిమా షూటింగ్ రామోజీ ఫిల్మ్​ సిటీలో జరుగుతుంది. అల్లు అర్జున్​ - రష్మిక సహా ఇంకా మరి కొందరు యాక్టర్స్​పై ఒక మెయిన్ సీక్వెన్స్​కు లీడ్​గా వచ్చే సన్నివేశాలను తీస్తున్నారని సమాచారం అందింది. అలాగే ఈ షూటింగ్​కు ఓ చిన్న బ్రేక్ పడనుందట. ఎందుకంటే నేషనల్ అవార్డ్​ ప్రెజెంటేషన్ ఈవెంట్ కోసం వచ్చే వారం అల్లు అర్జున్ రెండు రోజులు షూటింగ్​కు బ్రేక్ తీసుకోనున్నారని తెలిసింది. కాగా, రీసెంట్​గా పుష్ప సినిమాకు గానూ అల్లు అర్జున్​కు బెస్ట్ యాక్టర్​గా నేషనల్​​ అవార్డ్​ వరించిన సంగతి తెలిసిందే.

పుష్ప 2ను కూడా మైత్రీ సంస్థే నిర్మిస్తోంది. మ‌ల‌యాళ స్టార్ హీరో ఫాహ‌ద్ ఫజిల్ కీలక పాత్రలో కనిపించనున్నారు. ఈ సినిమా వచ్చే ఏడాది ఆగస్ట్​ 15న రిలీజ్ కానుంది.