పుష్ప 2 లో పది రెట్లు ఎక్కువ : అల్లు అర్జున్‌

అల్లు అర్జున్‌ హీరోగా సుకుమార్‌ దర్శకత్వంలో రూపొందుతున్న పుష్ప 2 పై అంచనాలు ఆకాశాన్ని తాకేలా ఉన్నాయి. పుష్ప 1 సినిమా పాన్ ఇండియా రేంజ్ లో భారీ విజయాన్ని సొంతం చేసుకోవడంతో పాటు మ్యూజిక్ అంతర్జాతీయ స్థాయిలో సోషల్‌ మీడియాలో ట్రెండ్ అయిన విషయం తెల్సిందే.

పుష్ప 2 అనగానే అంతకు మించి అన్నట్లుగా అంచనాలు ఉండటం చాలా సహజం. కనుక పుష్ప 2 సినిమా కోసం అల్లు అర్జున్‌ చాలా కష్టపడుతున్నాడు. దర్శకుడు సుకుమార్‌ ఏడాది పాటు ప్రీ ప్రొడక్షన్ వర్క్ ను నిర్వహించి షూటింగ్‌ మొదలు పెట్టాడు. ఆగస్టు లో సినిమా విడుదల చేయబోతున్నట్లుగా ఇప్పటికే ప్రకటన వచ్చింది.

సినిమా షూటింగ్ ముగింపు దశకు వచ్చింది. తాజాగా 74వ బెర్లిన్‌ ఇంటర్నేషనల్ ఫిల్మ్‌ ఫెస్టివల్ లో అల్లు అర్జున్‌ పాల్గొన్నాడు. ఆ ఫిల్మ్‌ ఫెస్టివల్ లో అల్లు అర్జున్‌ పుష్ప 2 పై ఆసక్తికర వ్యాఖ్యలు చేశాడు. పుష్ప 1 తో పోల్చితే పుష్ప 2 లో పుష్ప రాజ్ పాత్ర ఓ రేంజ్ లో ఉంటుందని, 10 రెట్లు ఎక్కువ అన్నట్లుగా క్యారెక్టర్‌ స్కేల్‌ మరియు ప్రజెంటేషన్ ఉంటుందని బన్నీ అన్నాడు.

పుష్ప : ది రూల్‌ లో తన పాత్ర చాలా కొత్తగా ఉంటుందని, పుష్ప : ది రైజ్ తో పోల్చితే చాలా విభిన్నంగా ఉంటుందని, పాత్ర స్వభావం పూర్తిగా మార్చి కథ ను రూపొందించినట్లు బన్నీ చెప్పుకొచ్చాడు. పుష్ప 1 లోని నటనకు గాను అల్లు అర్జున్‌ జాతీయ అవార్డును సొంతం చేసుకున్న విషయం తెల్సిందే.

అల్లు అర్జున్‌ పుష్ప 2 కోసం అంతకు మించి అన్నట్లుగా భారీగా కష్టపడుతున్నాడని, అందుకే పుష్ప 2 కి గాను బన్నీ మళ్లీ జాతీయ అవార్డును దక్కించుకోవడం ఖాయం అన్నట్లుగా చిత్ర యూనిట్‌ సభ్యులు చాలా నమ్మకంగా ఉన్నారు. బన్నీ పాత్ర పది రెట్లు ది బెస్ట్‌ అన్నట్లుగా ఉంటుంది కనుక వసూళ్లు కూడా అదే స్థాయిలో ఉండే అవకాశాలు ఉన్నాయి.

2024 బెస్ట్‌ సౌత్‌ మూవీగా పుష్ప 2 నిలిచే అవకాశాలు పుష్కలంగా ఉన్నాయి అంటూ అల్లు అర్జున్‌ అభిమానులు ధీమాతో ఉన్నాయి. వెయ్యి కోట్లకు మించి పుష్ప 2 వసూళ్లు చేస్తుందనే ఉద్దేశ్యంతో ప్రీ రిలీజ్ బిజినెస్‌ జరిగే అవకాశాలు ఉన్నాయి. మైత్రి మూవీ మేకర్స్ నిర్మిస్తున్న ఈ సినిమాలో రష్మిక మందన్న హీరోయిన్ గా నటించగా ఫాహద్ ఫాసిల్ కీలక పాత్రలో కనిపించబోతున్నాడు.