పుష్ప 2 అంచనాలు పెంచుకుంటూ పోతున్నారు బట్..!

పుష్ప తో పాన్ ఇండియా లెవెల్ లో సంచలనం సృష్టించిన అల్లు అర్జున్ సుకుమార్ మళ్లీ పుష్ప రాజ్ మాస్ యాటిట్యూడ్ తో పూనకాలు తెప్పించేందుకు రెడీ అవుతున్నారు. పుష్ప 2 సినిమాను ఆగష్టు 15న రిలీజ్ లాక్ చేశారు. పుష్ప కి పోటీగా నిలబడటం కష్టమని ఆ డేట్ న రిలీజ్ అనుకున్న కొన్ని సినిమాలు వాయిదా వేసుకున్నాయి. పుష్ప 2 నుంచి వస్తున్న ప్రతి అప్డేట్ ఫ్యాన్స్ ని విశేషంగా ఆకట్టుకున్నాయి. పుష్ప 2పై అంచనాలు భారీ స్థాయిలో ఉన్నాయి. ఆ అంచనాలకు ఏమాత్రం తగ్గకుండా సినిమా తెరకెక్కిస్తున్నాడు సుకుమార్.

ఐతే పుష్ప 2 సినిమా విషయంలో వస్తున్న ఈ హైప్ బాగానే ఉన్నా మరీ అంచనాలు ఎక్కువైతే దాన్ని అందుకోకపోతే మాత్రం ఫలితం తేడా వస్తుంది. పుష్ప 2 సినిమాలో అన్ని వర్గాల ఆడియన్స్ ని మెప్పించే అంశాలతో వస్తున్నాడు సుకుమార్. ఐతే కొన్నిసార్లు ఎక్స్ పెక్టేషన్స్ ఎక్కువగా ఉంటే ఎన్ని సర్ ప్రైజ్ ఎలిమెంట్స్ ఉన్నా అంత కిక్ ఇవ్వవు. అందుకే పెరిగిన ఈ భారీ హైప్ ని బ్యాలెన్స్ చేస్తూ సినిమా సక్సెస్ అందుకోవాల్సి ఉంటుంది.

సుకుమార్ కాలిక్యులేషన్స్ ఎప్పుడు మిస్ అవ్వదు. ఒక సినిమా చేసే టైం లో సుకుమార్ ప్రతి విషయంలో ఒకటికి రెండుసార్లు సరిచూసుకుంటాడు. అంత జాగ్రత్త పడతారు కాబట్టే సినిమా అంత పర్ఫెక్ట్ గా వస్తుంది. పుష్ప 2 పై పెరిగిన అంచనాలను కూడా సుకుమార్ తన క్రియేటివిటీతో బ్యాలెన్స్ చేసి ఆడియన్స్ ని ఖుషి చేస్తారని అంటున్నారు.

ఇక అల్లు అర్జున్ మరోసారి పుష్ప రాజ్ గా తన విశ్వరూపం చూపించడానికి రెడీ అవుతున్నాడు. అల్లు అర్జున్, సుకుమార్ ఈ ఇద్దరి కమిటెడ్ గా చేసిన సినిమాలు అన్నీ సూపర్ హిట్ అయ్యాయి. పుష్ప 1 ఐతే ఆడియన్స్ కి నెక్స్ట్ లెవెల్ కిక్ ఇచ్చింది. ఆ మేనియా పుష్ప 2 తో కూడా కొనసాగించేలా సుక్కు ప్లాన్ చేస్తున్నారట. పుష్ప 2 పై ఎన్ని అంచనాలు ఉన్నా అంతకుమించి అనిపించడానికే సుకుమార్ కష్టపడుతున్నాడని తెలుస్తుంది. మైత్రి మూవీ మేకర్స్ కూడా ఈ సినిమాను ఎక్కడ కాంప్రమైజ్ అవ్వకుండా తెరకెక్కిస్తున్నారని తెలుస్తుంది. మ్యూజిక్ పరంగా దేవి శ్రీ ప్రసాద్ కూడా తన బెస్ట్ ఆఫ్ బెస్ట్ ఇచ్చేందుకు కృషి చేస్తున్నాడు. సో పుష్ప 2 అన్ని విషయాల్లో ఆడియన్స్ ని ఇంపాక్ట్ చేసేలా సుక్కు అదరగొట్టేస్తాడని అంటున్నారు.