నేషనల్ అవార్డ్ పుష్ప 2 పై బాధ్యత పెంచేసిందా..?

పుష్ప సినిమాకు జాతీయ ఉత్తమ నటుడి అవార్డుని అందుకున్న అల్లు అర్జున్ మీద అదనపు బాధ్యత మీద పడింది. సుకుమార్ దర్శకత్వంలో తెరకెక్కిన పుష్ప 1 కమర్షియల్ గా బ్లాక్ బస్టర్ కొట్టడమే కాకుండా ఇప్పుడు ఉత్తమ నటుడిగా అల్లు అర్జున్ కి అవార్డు వచ్చేలా చేసింది. ముఖ్యంగా నిర్మాత కొడుకు సరదాగా సినిమాలు అన్నట్టు కాకుండా తన డెడికేషన్ తో ఈ స్థాయికి చేరుకున్నాడు అల్లు అర్జున్. సినిమా సినిమాకు తన రేంజ్ పెంచుకుంటూ పుష్ప రాజ్ పాత్రతో పూనకాలు తెప్పించేలా చేశాడు.

పుష్ప 1 అవార్డులతో టీం సూపర్ హ్యాపీగా ఉంది. అల్లు అర్జున్ కి నేషనల్ అవార్డు రావడం డైరెక్టర్ గా సుకుమార్ కి డబుల్ హ్యాపీగా ఉంది. అయితే ఇప్పుడే మొదలైంది అసలైన కథ. పుష్ప 1 తో నేషనల్ అవార్డు రావడం పుష్ప 2 పై మరింత క్రేజ్ తెచ్చింది. ఆల్రెడీ పుష్ప 2పై ఉన్న అంచనాలు తెలిసిందే. ఈ అవార్డు ఆ బాధ్యతని డబుల్ చేసింది. పుష్ప 2 కచ్చితంగా అంచనాలకు తగినట్టు ఉండాలి. అంతేకాదు పుష్ప రాజ్ నెక్స్ట్ లెవెల్ పర్ఫార్మెన్స్ మరోసారి నేషనల్ అవార్డ్ తెచ్చేలా చేయాలి. సో సుకుమార్ కి ఇది పెద్ద టాస్క్ అని చెప్పొచ్చు.

ఆర్య టు పుష్ప 1 తమ కాంబో సినిమా అంటే సంథింగ్ స్పెషల్ గా ఉండాల్సిందే అనేలా సుకుమార్, అల్లు అర్జున్ కష్టపడుతూ వచ్చారు. తన మీద పెట్టుకున్న నమ్మకాన్ని అల్లు అర్జున్.. తనకు ఇచ్చిన అవకాశాన్ని సుకుమార్ ఇద్దరు నిలబెట్టుకుని ఈరోజు జాతీయ అవార్డుల్లో తెలుగు సినిమా చరిత్రలో ఇదివరకు ఎవరు సాధించని బెస్ట్ యాక్టర్ అవార్డు వచ్చేలా చేసుకున్నారు.

పుష్ప 1 కి ఈ అవార్డులు ఇచ్చిన ప్రోత్సాహంతో తప్పకుండా పుష్ప 2 ని మరింత ఫోకస్ తో తెరకెక్కిస్తారని చెప్పొచ్చు. ఆల్రెడీ పుష్ప 2 నుంచి ఆమధ్య వచ్చిన టీజర్ కెవ్వు కేక అనిపించగా పుష్ప 2 కూడా బాక్సాఫీస్ దగ్గర తగ్గేదేలే అనేలా ఉంటుందని ఫిక్స్ అయ్యారు. మరి సుకుమార్ పుష్ప 2 ని ఏం చేస్తాడు. పుష్ప రాజ్ పార్ట్ 2లో ఎలాంటి ప్రభంజనం సృష్టిస్తాడు అన్నది చూడాలి. పుష్ప తో పాటుగా RRR సినిమాకు నేషనల్ అవార్డులు రావడం తెలుగు సినీ పరిశ్రమలో పండుగ వాతావరణం ఏర్పడింది. తెలుగు ఆడియన్స్ కూడా ఈ మూమెంట్ ని సూపర్ గా ఎంజాయ్ చేస్తున్నారు.