పుష్ప రాజ్ దందా.. ఇంటర్నేషనల్ లెవెల్లో.

పుష్పకి సీక్వెల్ గా పుష్ప ది రూల్ మూవీ తెరకెక్కుతోన్న సంగతి తెలిసిందే. భారీ బడ్జెట్ తో సిద్ధం అవుతోన్న ఈ మూవీ షూటింగ్ చివరి దశకి వచ్చేసింది. ఆగష్టు 15న ఈ సినిమాని ప్రపంచ వ్యాప్తంగా ఐదు భాషలలో రిలీజ్ చేయడానికి రెడీ అవుతున్నారు. మైత్రీ మూవీ మేకర్స్ 300 కోట్లకి పైగా బడ్జెట్ తో ఈ చిత్రాన్ని నిర్మిస్తోంది. ఇదిలా ఉంటే మోస్ట్ ఏవైటెడ్ ప్రాజెక్ట్ గా ఈ మూవీ రాబోతోంది.

ఇప్పటికే ప్రేక్షకుల ముందుకొచ్చిన టీజర్ కి అద్భుతమైన రెస్పాన్స్ వచ్చింది. పుష్ప సినిమాలోని సాంగ్స్ అన్ని కూడా బ్లాక్ బస్టర్ హిట్ అయ్యాయి. అంతకు మించి సాంగ్స్ ఈ మూవీలో ఉండేలా దేవిశ్రీ ప్రసాద్ వర్క్ చేస్తున్నారు. అలాగే హై వోల్టేజ్ యాక్షన్ సీక్వెన్స్ ని డిజైన్ చేస్తున్నారంట. పుష్ప సినిమాకి సంబంధించి మరో ఇంటరెస్టింగ్ లీక్ బయటకొచ్చింది.

ఈ సినిమాలో ఓ ఎపిసోడ్ జపాన్ బ్యాక్ డ్రాప్ లో ఉంటుందంట. ఎర్రచందనం స్మగ్లర్ గా మారిన పుష్పరాజ్ ఓ డీల్ కోసం జపాన్ వెళ్తాడంట. అక్కడ ఇంటర్నేషనల్ డాన్ తో తలపడే ఎపిసోడ్ మూవీలో చాలా కీలకంగా ఉంటుందని టాక్. పవర్ ఫుల్ యాక్షన్ బ్లాక్స్ తో ఈ సీక్వెన్స్ ని సుకుమార్ డిజైన్ చేసినట్లు బోగట్టా. ఇలాంటి ఎపిసోడ్స్ మూవీలో చాలా ఉంటాయనే మాట వినిపిస్తోంది.

అలాగే తిరుపతిలో గంగమ్మ జాతర నేపథ్యంలో అమ్మవారి వేషంలో పుష్ప రాజ్ చేసే ఫైట్ సీక్వెన్ మూవీకి హైలైట్ గా నిలుస్తుందంట. సుకుమార్ ఈ సినిమాని మాత్రం అడ్వాన్స్ మోడ్ లోకి వెళ్లి హై స్టాండర్డ్స్ లో సన్నివేశాలు డిజైన్ చేసారంట. హింసాత్మక సన్నివేశాలు ఎక్కువగా ఉంటాయని టాక్. యానిమల్ కి మించిపోయే విధంగా యాక్షన్ ఘట్టాలు అన్ని కూడా సుకుమార్ పుష్ప ది రూల్ లో ప్లాన్ చేశారు.

ఈ సినిమాతో వరల్డ్ వైడ్ గా వెయ్యి కోట్ల గ్రాస్ అందుకోవాలని సుకుమార్ ప్లాన్ చేశాడు. అలాగే అల్లు అర్జున్ స్టామినాకి కూడా స్ట్రాంగ్ గా రిప్రజెంట్ చేసే విధంగా కథ, కథనం పుష్ప ది రూల్ సినిమాలో ఆవిష్కరించినట్లు ఇండస్ట్రీ వర్గాల మాట.