పుష్ప 2 ర్యాంపేజ్.. బ్లాస్ట్ అయ్యే డేట్ పట్టేశాడు

ఐకాన్ స్టార్ అల్లు అర్జున్ పుష్ప పార్ట్ వన్ సినిమాతో బాక్సాఫీస్ వద్ద ఊహించని స్థాయిలో సెన్సేషన్ క్రియేట్ చేసి ఏకంగా నేషనల్ అవార్డు కూడా సొంతం చేసుకున్నాడు. దీంతో రాబోయే పుష్ప 2 పై అంచనాల స్థాయి అమాంతంగా పెరిగిపోయింది. ఈ సినిమాకు సంబంధించిన ప్రతి చిన్న అప్డేట్ కూడా ఊహించని స్థాయిలో హైప్ క్రియేట్ చేస్తోంది. దర్శకుడు సుకుమార్ ఈసారి పుష్ప రాజ్ ను అంతకుమించి అనేలా వెండితెరపై ఆవిష్కరించబోతున్నట్లుగా కూడా అర్థమవుతోంది.

పూర్తిస్థాయిలో హై డోస్ యాక్షన్ డ్రామా ఉండేవిధంగా సినిమాను రూపొందిస్తున్నారు. అయితే ఈ సినిమాకు సంబంధించిన రిలీజ్ డేట్ విషయంలో చాలా కాలంగా సస్పెన్స్ అయితే కొనసాగుతోంది. మొదట సినిమాను సమ్మర్ కు విడుదల చేయాలని అనుకున్న విషయం తెలిసిందే. 2024 మార్చి నెలలోనే సినిమాను విడుదల చేయాలని మైత్రి మూవీ మేకర్ సుకుమార్ ప్రణాళికలు రచించుకున్నారు.

కానీ సినిమా కథ విషయంలో మరింత జాగ్రత్తలు తీసుకొని షూటింగ్ కోసం కూడా ఈసారి ఎక్కువ టైం తీసుకోవడం వలన మళ్లీ ప్లాన్ చేంజ్ చేయాల్సిన పరిస్థితి ఏర్పడింది. ఇక సినిమాను 2024 ఆగస్టు 15న విడుదల చేయడానికి చిత్ర యూనిట్ సభ్యులు ఫిక్స్ అయ్యారు. ఇక సినిమాకు సంబంధించిన అఫీషియల్ పోస్టర్ ద్వారా ఈ విషయాన్ని వెల్లడించారు. ఆ పోస్టర్లో అల్లు అర్జున్ స్టైల్ గా కుర్చీపై కూర్చున్న స్టిల్ వైరల్ అవుతుంది.

ఫేస్ ఫుల్ గా రివీల్ చేయలేదు కానీ కేవలం అతని చేయి సంబంధించిన ఫోటో తోనే ఊహించిన విధంగా సస్పెన్స్ అయితే క్రియేట్ చేశారు. చూపుడు వేలుకు దేవుడు ఉంగరం ఉంగరం వేళ్ళకి రంగురాళ్ల రింగు ఉండగా చివరి చిటికెన వేలును మాత్రం అమ్మాయి తరహాలో హైలెట్ చేయడం హాట్ టాపిక్ గా నిలుస్తోంది. పుష్పరాజ్ నెవర్ బిఫోర్ అనేలా సరికొత్తగా అప్డేట్ గా కనిపించబోతున్నట్లు ఈ ఫోటో స్టిల్ ద్వారా మరోసారి అర్థమయింది.

దర్శకుడు సుకుమార్ స్క్రీన్ ప్లే తో పాటు హీరో క్యారెక్టర్ ను మరింత భిన్నంగా ప్రజెంట్ చేయబోతున్నట్లు కూడా తెలుస్తోంది. ఇక ఈ సినిమా రిలీజ్ డేట్ విషయంలో మాత్రం పక్కాగా ఆలోచించే ఫిక్స్ అయ్యారు. ఆగస్టు 15 అంటే ఆరోజు గురువారం ఇక శుక్ర శని ఆదివారాలు ఎలాగు సినిమాకు అవసరమయ్యే కలెక్షన్స్ ఉంటాయి. ఇక మళ్లీ ఆ నెక్స్ట్ వారం మొదట్లోనే రాఖీ పండుగ ఉండడంతో సినిమాకు మరింత కలిసి వచ్చే అవకాశం ఉంది. వారంలోనే పుష్ప 2 పెట్టిన పెట్టుబడి వెనక్కి వచ్చే విధంగా నిర్మాతలు గట్టిగానే ఆలోచించారు. మరి సినిమా బాక్సాఫీస్ వద్ద ఎలాంటి కలెక్షన్స్ అందుకుంటుందో చూడాలి.