రాశి ఖన్నా.. ఆ డ్రెస్సుకే అందం వచ్చేలా స్టన్నింగ్ లుక్

ఇప్పటి ఫ్యాషన్ ట్రెండ్‌ను ప్రతిబింబిస్తూ, రాశి ఖన్నా ఇటీవల తన ఇన్‌స్టాగ్రామ్‌లో కొన్ని అందమైన ఫోటోలు షేర్ చేసింది. ముంబైలోని ఐటీసీ మరాఠ హోటల్‌లో, రాశి బ్లాక్ కలర్ లెహంగా-చోలి లుక్‌లో హాట్ అండ్ హాఫ్ట్‌గా కనిపిస్తూ తన ఫ్యాషన్ గ్లామర్‌ను చూపించింది. ఈ ఎంబ్రాయిడరీ లెహంగా నిండుగా డిజైన్ చేసిన విధానం హైలెట్ గా నిలిచింది. ఇక అందమైన నగలు జత చేసి, సంప్రదాయ పద్దతిలో మరింతగా తన అందాన్ని హైలెట్ చేసింది.

రాశి తన పోస్ట్‌లో “స్వీట్స్ కాదండి, లుక్స్ సర్వ్ చేస్తున్నాం,” అంటూ తన ఫ్యాషన్ స్టేట్మెంట్‌ను పంచుకుంది. ఈ డ్రెస్‌లోని నల్ల రంగు లెహంగాను ఎంపిక చేయడం వల్ల రాశి గ్లామర్ ఇంకా పెరిగింది. ఆమె హాల్టర్-నెక్ టాప్‌కు తగినట్లు మ్యాచింగ్ డూపట్టాను కూడా జోడించడం విశేషం. రాశి ఖన్నా సినిమా కెరీర్ విషయానికి వస్తే తనకంటూ ప్రత్యేక గుర్తింపు తెచ్చుకుంది.

ఆమె తన సినీ ప్రస్థానంలో ఎన్నో వైవిధ్యమైన పాత్రలను పోషించింది. తెలుగు, తమిళ పరిశ్రమలో స్టార్‌గా ఎదిగిన రాశి, 2014లో ‘ఊహలు గుసగుసలాడే’ చిత్రంతో తెలుగు ప్రేక్షకులను కట్టిపడేసింది. ఆ తర్వాత ఆమె ‘బెంగాల్ టైగర్’, ‘జై లవ కుశ’, ‘తొలి ప్రేమ’ వంటి చిత్రాలలో తన నటనతో ప్రేక్షకుల మనసు గెలుచుకుంది. అలాగే తమిళ పరిశ్రమలో కూడా రాశి తనదైన శైలిలో విజయాలను అందుకుంటోంది.

చివరగా ఆమె తెలుగులో నాగచైతన్య థాంక్యూ సినిమాలో నటించింది. ఇందులో రాశి యొక్క నటనకు విశేషమైన ప్రశంసలు లభించాయి. కానీ సినిమా మాత్రం అంతగా సక్సెస్ కాలేదు. రాశి ఖన్నా తెలుగులో మాత్రమే కాకుండా ఇతర భాషల్లో కూడా తన ప్రతిభను ప్రదర్శిస్తూనే ఉంది. అరణ్మనై 4 సినిమాలో కూడా మంచి పాత్రలో కనిపించింది. ఆ సినిమా కమర్షియల్ గా బాక్సాఫీస్ వద్ద మంచి కలెక్షన్స్ అందుకుంది.