మెగా సీక్రెట్ కనిపెట్టేసిన అమ్మడు..!

అన్ని బాగున్నా సరే గ్లామర్ ఫీల్డ్ లో కొంతమందికి లక్ కలిసి రాదు. అలాంటి అన్ లక్కీ హీరోయిన్స్ లిస్ట్ లో రాశి ఖన్నా ముందుంటుంది. బాలీవుడ్ లో కెరీర్ మొదలు పెట్టి తెలుగులో పాపులారిటీ తెచ్చుకున్న రాశి ఖన్నా ఇప్పుడు కోలీవుడ్ లో వరుస సినిమాలు చేస్తుంది. తెలుగులో స్టార్ హీరోయిన్ రేంజ్ కి వెళ్లేందుకు విశ్వ ప్రయత్నాలు చేసినా ఎందుకో వర్క్ అవుట్ కాలేదు. మొదట్లో తన నటనతోనే ఆకట్టుకుంటూ వచ్చిన రాశి ఖన్నా ఈమధ్య గ్లామర్ షోతో కూడా అలరిస్తుంది.

తెలుగులో చేసిన సినిమాలన్నిటిలో స్కిన్ షోకి దూరంగా ఉన్న రాశి ఖన్నా కోలీవుడ్ వెళ్లాక సినిమాలతో ఎలా ఉన్నా ఫోటో షూట్స్ తో మాత్రం పిచ్చెక్కించేస్తుంది. అక్కడ కూడా స్టార్ స్టేటస్ తెచ్చుకోకపోయినా వరుస సినిమాలతో బిజీగా ఉంది. రీసెంట్ గా రాశి ఖన్నా అరణ్మణై 4 సినిమాలో నటించింది. ఆ సినిమానే తెలుగులో బాక్ గా రిలీజైంది.

దశాబ్ధ కాలంగా సౌత్ సినిమాల్లో నటిస్తూ వస్తున్న రాశి ఖన్నా ఇక్కడ భాష నేర్చుకునేందుకు ప్రయత్నాలు చేస్తుంది. ఐతే ఇప్పటికి కూడా తనకు ఇక్కడ భాష రాకపోయినా అవతల వారు మాట్లాడితే మాత్రం అర్థమవుతుందని అంటుంది. మనం చేస్తున్న సినిమాల్లో భాష అర్థం చేసుకుంటే ప్రేక్షకులకు మరింత దగ్గర అవ్వొచ్చు అంటుంది రాశి ఖన్నా. ఈ మెగా సీక్రెట్ అమ్మడు కాస్త లేట్ గా అర్ధం చేసుకున్నా ఇప్పటికైనా గుర్తించిందని సంతోషపడుతున్నారు ఆడియన్స్.

మనం చేస్తున్న పాత్ర దాని స్వభావం ఆ భాష అర్థమైతే నటీనటులకు పాత్ర పోషించడం ఇంకాస్త ఈజీ అవుతుంది. ప్రస్తుతం రాశి ఖన్నా కూడా అదే చెబుతుంది. తెలుగు, తమిళ భాషల్లో సినిమాలు చేస్తున్న తనకు అక్కడ భాష బాగా అర్థమవుతుంది. అందుకే అక్కడ సినిమాల్లో ఈజీగా నటించగలుగుతున్నా అని అంటుంది. తెలుగులో రాశి ఎన్ని ప్రయత్నాలు చేసినా సక్సెస్ మాత్రం అందుకోలేదు. టాలీవుడ్ తో పోల్చుకుంటే కోలీవుడ్ లో అమ్మడికి కాస్త లక్ కలిసి వచ్చినట్టే ఉందని చెప్పొచ్చు. తన సినిమాలతో ఎప్పటికప్పుడు తనను తాను కొత్తగా ప్రజెంట్ చేసుకుంటున్న రాశి ఖన్నా సౌత్ లో కెరీర్ ని ఇంకా స్ట్రాంగ్ చేసుకోవాలని చూస్తుంది. ఐతే అమ్మడికి తెలుగులో మాత్రం పెద్దగా అవకాశాలు రావట్లేదు.