బుల్లెట్ బండి - రాఘవ లారెన్స్ పవర్ ప్యాక్డ్ లుక్

టాలెంటెడ్ కొరియోగ్రాఫర్ గా ఒక ట్రెండ్ సెట్ చేసిన రాఘవ లారెన్స్ హీరోగా కూడా మంచి కంటెంట్ ఉన్న సినిమాలు చేస్తున్నారు. ఇక ఈ ఆల్ రౌండర్ పుట్టినరోజు సందర్భంగా నెక్స్ట్ సినిమాల అప్డేట్స్ సందడి చేస్తున్నాయి. ఇక లైనప్ లో ఉన్న 'బుల్లెట్ బండి' నుంచి మేకర్స్ ఓ స్పెషల్ ట్రీట్ ఇచ్చారు. ఈ సినిమాలో రాఘవ లారెన్స్, ఎల్విన్ ప్రధాన పాత్రల్లో నటిస్తున్నారు.

'డైరీ' ఫేమ్ డైరెక్టర్ ఇన్నాసి పాండియన్ దర్శకత్వంలో తెరకెక్కుతున్న ఈ యాక్షన్ అడ్వెంచర్ మూవీని ఫైవ్ స్టార్ క్రియేషన్స్ బ్యానర్‌పై ప్రముఖ నిర్మాత కతిరేసన్ నిర్మిస్తున్నారు. ఈ రోజు లారెన్స్ పుట్టినరోజు సందర్భంగా టైటిల్ తో పాటు పవర్ ఫుల్ ఫస్ట్ లుక్ పోస్టర్‌ను విడుదల చేశారు.

ఫస్ట్ లుక్ పోస్టర్ లో రాఘవ లారెన్స్ స్టైలిష్ లుక్ లో కనిపిస్తున్నారు. పవర్ ఫుల్ పోలీస్ ఆఫీసర్ పాత్రలో అద్భుతమైన పోజ్ ఇచ్చారు. ఫైర్ బ్యాక్‌డ్రాప్‌తో తీసిన ఈ ఫస్ట్ లుక్ లారెన్స్ అభిమానులను అలరించింది. లారెన్స్ ప్రత్యేకమైన శైలిలో స్టైలిష్ అండ్ డైనమిక్ పోలీస్ పాత్రలో కనిపించబోతున్నారని ఈ పోస్టర్ ద్వారా క్లియర్ అయ్యింది. ఈ పోస్టర్ ప్రస్తుతం సోషల్ మీడియాలో వైరల్ అవుతోంది.

ఈ సినిమాకు 'బుల్లెట్ బండి' అనే క్యాచీ టైటిల్ పెట్టారు. ఈ టైటిల్ సినిమాపై మరింత ఆసక్తిని పెంచింది. లారెన్స్ లాంటి మాస్ హీరోకు సరిపోయేలా ఈ టైటిల్ ఉన్నట్లు అనిపిస్తోంది. రియల్ మాస్ అపిల్ ఉన్న ఈ టైటిల్‌పై ప్రేక్షకులు పాజిటివ్ గా స్పందిస్తున్నారు. అంతేకాకుండా, ఈ సినిమాలో నటుడు సునీల్ ఒక కీలక పాత్రలో కనిపించబోతున్నారు. ఈ సినిమాకు స్టార్ టెక్నీషియన్స్ పని చేస్తున్నారు.

సామ్ సి.ఎస్. సంగీతం అందిస్తున్నారు, వడివేల్ విమల్ రాజ్ ఎడిటింగ్ పనులు నిర్వహిస్తున్నారు. అరవింద్ సింగ్ డీవోపీగా వ్యవహరిస్తుండగా, రాజు ఆర్ట్ డైరెక్టర్‌గా పని చేస్తున్నారు. ఈ హై వోల్టేజ్ మాస్ సినిమాకు అగ్రశ్రేణి సాంకేతిక నిపుణులు పని చేస్తుండటంతో ఈ సినిమా ప్రేక్షకుల్లో భారీ అంచనాలు పెంచింది. మరి సినిమా బాక్సాఫీస్ వద్ద ఎలాంటి ఇంపాక్ట్ క్రియేట్ చేస్తుందో చూడాలి.