రియల్ టైగర్ తో రాహుల్ సిప్లిగంజ్..!

టాలీవుడ్ స్టార్ సింగర్ రాహుల్ సిప్లిగంజ్. మొన్నటి వరకు కేవలం టాలీవుడ్ కే పరిమితం అయిన ఆయన ఆర్ఆర్ఆర్ తో గ్లోబల్ స్టార్ గా మారిపోయాడు. ఆర్ఆర్ఆర్ లో ఆయన పాడిన నాటు నాటు పాటకు ఏకంగా ఆస్కార్ అవార్డు వచ్చింది. దీంతో, ఆయన పేరు ప్రపంచ వ్యాప్తంగా మార్మోగిపోయింది. నిజానికి, రాహుల్ తన కెరీర్ ని ప్రైవేట్ ఆల్బమ్స్ తో ప్రారంభించాడు.

'మంగమ్మ' అనే ఫోక్ సాంగ్ ని రిమిక్స్ చేసి రాహుల్ పాడాడు. పాడటమే కాకుండా ఆ పాటలో నటించాడు. అప్పట్లో ఈ‌ సాంగ్ మంచి క్రేజ్ ని సంపాదించుకోవడమే కాకుండా రాహుల్ తన ఫ్యాన్ ఫాలోయింగ్ ని పెంచుకున్నాడు. ఇంకేముంది యూట్యూబ్ లో మంచి స్టార్ అయిపోయాడు. ఆ తర్వాత సినిమాల్లో పాటలు పాడే అవకాశం అందుకున్నాడు. సినిమాల్లో పాటలు పాడే ఛాన్స్ వచ్చినా కూడా యూట్యూబ్ లో తన సొంత వీడియో లు చేయడం మాత్రం ఆపలేదు.

తాజాగా ఆయన మరో ఆల్బమ్ సాంగ్ చేస్తున్నాడు. అదే ‘ నీ అయ్య నా మామ’ ఈ పాటను ఆయన దుబాయ్ లో షూట్ చేస్తుండటం విశేషం. తాజాగా దానికి సంబంధించిన ఓ పోస్ట్ ని సోషల్ మీడియాలో షేర్ చేశారు. దాంట్లో రాహుల్ బ్లాక్ కలర్ డిఫరెంట్ డ్రెస్ వేశాడు. అయితే, చేతిలో నిజమైన పులిని పట్టుకోవడం విశేషం. పులికి ఓ చైన్ వేసి మరీ పట్టుకొని వెళ్తుండటం విశేషం. దానిని చూసి పక్కన వారు భయపడుతున్నారు. ఆయన మాత్రం చాలా ధైర్యంగా పట్టుకొని వెళ్తున్నారు. ప్రస్తుతం ఈ వీడియో వైరల్ గా మారుతుంది.

ఇక, సినిమాల్లో మంచి ఆఫర్లు వస్తున్న సమయంలోనే రాహుల్ సిప్లిగంజ్ బిగ్ బాస్ సీజన్ 3లో సందడి చేశాడు. ఆ సీజన్ లో విన్నర్ గా కూడా నిలిచాడు. ఆ సీజన్ తర్వాత రాహుల్ చాలా మందికి చేరువయ్యాడు. మంచి ఫ్యాన్ ఫాలోయింగ్ కూడా సంపాదించుకున్నాడు. కాగా, ఇప్పటికీ అన్ని సినిమాల్లో సాంగ్స్ పాడే అవకాశాన్ని అందుకుంటన్నాడు.

కాగా, ఈ తన కొత్త ఆల్చమ్ నీ అయ్య నా మామ తో మరోసారి ట్రెండ్ సెట్ చేయడానికి రెడీ అవతున్నాడు. ఈ పాటతో సత్తా చాటడం ఖాయమని ధీమా వ్యక్తం చేస్తున్నాడు. మరి, దుబాయ్ లో షూటింగ్ అంటే ఖర్చు కూడా కాస్త ఎక్కువే అయ్యి ఉంటుంది. మరి అంత ఖర్చు పెట్టి, నిజం పులితో వీడియో తీస్తున్నాడు.. ఎంత వరకు ఆకట్టుకుంటుందో చూడాలి. ఈ పాట కోసం రాహుల్ ఫ్యాన్స్ ఎంతో ఆసక్తిగా ఎదురు చూస్తున్నారు.