SSMB29: రాజమౌళి ఓ ప్లాన్ తోనే..

ఇండియన్ నెంబర్ వన్ డైరెక్టర్ రాజమౌళి నెక్స్ట్ ప్రాజెక్ట్ పైన దేశ వ్యాప్తంగా ఆసక్తి నెలకొని ఉంది. మహేష్ తో చేయబోయే ఈ మూవీ కథాంశం అమెజాన్ ఫారెస్ట్ బ్యాక్ డ్రాప్ లో ఉంటుందని కూడా చెప్పారు. వరల్డ్ అడ్వాంచర్ ట్రావెలర్ గా సూపర్ స్టార్ మహేష్ బాబు పాత్ర ఈ సినిమాలో ఉంటుందని కూడా ఒక హింట్ ఇచ్చారు. ఇంటర్నేషనల్ లెవల్ లో జరిగే మూవీ ఈవెంట్స్ లో కూడా రాజమౌళి ‘SSMB29’ మూవీ గురించి చాలా ఇంటరెస్టింగ్ విషయాలు రివీల్ చేశారు.

ఈ మూవీ స్క్రిప్ట్ వర్క్ కూడా కంప్లీట్ అయినట్లు తెలుస్తోంది. ప్రస్తుతం ప్రీ ప్రొడక్షన్ యాక్టివిటీస్ నడుస్తున్నాయి. మూవీ క్యాస్టింగ్ ని ఫైనల్ చేసే పనిలో రాజమౌళి ఉన్నారనే టాక్ వినిపిస్తోంది. మరోవైపు సూపర్ స్టార్ మహేష్ బాబు కూడా ఈ ‘SSMB29’ కోసం ప్రత్యేకంగా రెడీ అయ్యారు. ఇది వరకు ఎన్నడూ లేని విధంగా లాంగ్ హెయిర్ స్టైల్, ఫుల్ గెడ్డంతో కనిపిస్తున్నారు. ఈ లుక్ లోనే మహేష్ బాబు అన్ని రకాల కార్యక్రమాలలో పాల్గొంటున్నారు.

గతంలో రాజమౌళి తన సినిమా హీరోల లుక్స్ విషయంలో సీక్రెట్ మెయింటేన్ చేసేవారు. మూవీ ఫస్ట్ లుక్ రిలీజ్ అయ్యేంత వరకు కూడా హీరోల ఫేస్ పూర్తిగా రివీల్ కాకుండా చూసుకునేవారు. ‘ఆర్ఆర్ఆర్’ వరకు కూడా దానిని ఫాలో అయ్యారు. అయితే హాలీవుడ్ లెవల్ లో చేయబోయే ‘SSMB29’ కోసం మాత్రం మహేష్ బాబు లుక్ ని సీక్రెట్ గా ఎందుకు ఉంచలేదనే ప్రశ్న వినిపిస్తోంది. మూవీ కోసం తనకి ఎలాంటి లుక్ కావాలో ఇప్పటికే మహేష్ బాబుకి జక్కన్న చెప్పారంట.

అందుకోసమే మహేష్ బాబు లాంగ్ హెయిర్ స్టైల్ తో పాటు పొడవైన గెడ్డం పెంచుకున్నారు. అయితే ప్రస్తుతానికి మహేష్ కి జక్కన్న లుక్ పరంగా ఎలాంటి కండిషన్స్ పెట్టలేదంట. దీనికి రాజమౌళి దగ్గర వేరే ప్లాన్ ఉందనే మాట వినిపిస్తోంది. మహేష్ బాబు పూర్తిగా జుట్టు పెంచాక దానిని సినిమాలోని క్యారెక్టర్ కి సరిపోయే షేప్ లోకి తీసుకురావాలని భావిస్తున్నారంట.

సినిమాలో క్యారెక్టర్ ఫైనల్ లుక్ ని జక్కన్న ఇంకా ఖరారు చేయలేదంట. అయితే లాంగ్ హెయిర్, గెడ్డం ఉండటం పక్కా అని సమాచారం అయితే దానిని జక్కన్న ఏ షేప్ లో చూపిస్తారనేది మాత్రం ప్రస్తుతానికి పెద్ద సస్పెన్స్ అని చెప్పొచ్చు. ఈ మూవీ అఫీషియల్ లాంచింగ్ ఎప్పుడు ఉంటుందా అని ఫ్యాన్స్ ఎదురుచూస్తున్నారు. రాజమౌళి టీమ్ నుంచి అయితే ఇంకా ఎలాంటి అప్డేట్ లేదు. ఈ ఏడాది చివర్లో సినిమా స్టార్ట్ కావచ్చని టాక్.