SSMB29 రిలీజ్…. అంత త్వరగా సాధ్యమేనా?

సూపర్ స్టార్ మహేష్ బాబుతో రాజమౌళి ప్లాన్ చేసిన మూవీ ‘SSMB29’ కోసం దేశ వ్యాప్తంగా ప్రేక్షకులు ఎదురుచూస్తున్నారు. ‘బాహుబలి’ సిరీస్, ‘ఆర్ఆర్ఆర్’ లాంటి బిగ్గెస్ట్ బ్లాక్ బస్టర్స్ తర్వాత రాజమౌళి పాన్ వరల్డ్ రేంజ్ లో ఈ మహేష్ బాబూ సినిమాని చేయబోతున్నాడు. 1000 కోట్లకి పైగా ఈ సినిమాకి బడ్జెట్ అవుతుందని టాక్ వినిపిస్తోంది. ఇప్పటికే స్క్రిప్ట్ వర్క్ కంప్లీట్ చేసుకున్న ఈ మూవీ ప్రీప్రొడక్షన్ స్టేజ్ లో ఉంది.

రాజమౌళి ఇప్పుడు ‘SSMB29’ ప్రీప్రొడక్షన్ వర్క్ లో ఫుల్ బిజీగా ఉన్నారు. లొకేషన్స్ కోసం సెర్చ్ చేస్తున్నారు. మూవీ కథాంశం ఫారెస్ట్ బ్యాక్ డ్రాప్ లో ఉండబోతోంది కాబట్టి దానికి తగ్గ ఎన్విరాన్మెంట్ ఎక్కడ ఉంటుందో వెతుకుతున్నారు. కచ్చితంగా ఈ సినిమాతో వరల్డ్ వైడ్ గా అందరి దృష్టిని తనవైపు తిప్పుకోవాలని జక్కన్న బలంగా అనుకుంటున్నారు. ఇదిలా ఉంటే ఇప్పటికే ఈ సినిమాలో క్యారెక్టర్ కోసం సూపర్ స్టార్ మహేష్ బాబు స్పెషల్ గా మేకోవర్ అయ్యారు.

అలాగే ప్రస్తుతం SSMB29 వర్క్ షాప్ లో కూడా మహేష్ బాబు పాల్గొన్నట్లు తెలుస్తోంది. సినిమాలో క్యారెక్టరైజేషన్ కోసం సూపర్ స్టార్ మహేష్ బాబు ప్రత్యేకంగా శిక్షణ తీసుకుంటున్నారంట. ఆయన పాత్ర ఇప్పటి ఎవరు ఎన్నడూ చూడని రీతిలో ఉంటుందని అంటున్నారు. కచ్చితంగా జక్కన్న చాలా ప్రత్యేకంగా మహేష్ ని చూపించాలని ఫిక్స్ అయ్యారు. ఈ సినిమా కోసం హాలీవుడ్ యాక్టర్స్ ని తీసుకునే పనిలో రాజమౌళి ఉన్నారు.

ఇదిలా ఉంటే ఈ సినిమాని జనవరి ఫెస్టివల్ తర్వాత మొదలుపెట్టి రెండేళ్లలో పూర్తి చేయాలని రాజమౌళి లక్ష్యంగా పెట్టుకున్నారంట. 2027లో మూవీని ప్రేక్షకుల ముందుకి తీసుకొచ్చే ప్లానింగ్ తో వర్క్ చేస్తున్నట్లు టాక్ వినిపిస్తోంది. ‘బాహుబలి’ సిరీస్ కోసం జక్కన్న ఏకంగా 5 ఏళ్ళు తీసుకున్నారు. ‘ఆర్ఆర్ఆర్’ మూవీకి మూడేళ్లు పట్టింది. మరి రెండేళ్లలో ‘SSMB29’ కంప్లీట్ చేసి ప్రేక్షకుల ముందుకి తీసుకురావడం సాధ్యం అవుతుందా అనే ప్రశ్న ఇప్పుడు వినిపిస్తోంది.

అయితే జక్కన్న ఇప్పటికే రెండు పాన్ ఇండియా సినిమాలతో కావాల్సినంత అనుభవం సంపాదించారు. అందుకే ‘SSMB29’ మూవీ షూటింగ్ ని పర్ఫెక్ట్ గా ప్లాన్ చేస్తున్నారంట. ఏడాదిలో షూటింగ్ కంప్లీట్ చేసి మరో ఏడాది పోస్ట్ ప్రొడక్షన్ కోసం టైం కేటాయించేలా ఏర్పాట్లు చేసుకుంటున్నారని అనుకుంటున్నారు.