మహేష్ సినిమాకు రాజమౌళి కొత్త ఆలోచన..!

గుంటూరు కారం తర్వాత మహేష్ తన నెక్స్ట్ సినిమా రాజమౌళి డైరెక్షన్ లో భారీ ప్రాజెక్ట్ కి సిద్ధమవుతున్నాడని తెలిసిందే. SSMB 29 వ సినిమా భారీ బడ్జెట్ తో భారీ హంగామాతో రాబోతుంది. ఈ సినిమాను ఫారెస్ట్ అడ్వెంచర్స్ బ్యాక్ డ్రాప్ తో ఇంటర్నేషనల్ లెవెల్ లో రాజమౌళి ప్లాన్ చేస్తున్నారని తెలుస్తుంది. సినిమాను త్వరలోనే సెట్స్ మీదకు తీసుకెళ్లే ప్రయత్నాలు చేస్తున్నారు. ఈ సినిమా కోసం మహేష్ బల్క్ డేట్స్ ఇచ్చేస్తున్నాడని టాక్.

రాజమౌళి సినిమా అంటే హీరో మిగతా కొద్దిపాటి కాస్ట్ మారుతుంది కానీ మిగతాది అంతా సేమ్ టు సేమ్. తన ఫ్యామిలీ అంతా కూడా తను చేసే సినిమాలో భాగం చేస్తాడు రాజమౌళి. అదే ఆయన సక్సెస్ ఫార్ములా అని కూడా అనుకుంటుంటారు. అయితే మహేష్ తో చేసే సినిమాకు రాజమౌళి కొత్త ఆలోచన చేస్తున్నాడని తెలుస్తుంది. అదేంటి అంటే ఈసారి మ్యూజిక్ డైరెక్టర్ గా తన అన్న కీరవాణిని కాకుండా వేరొకరితో పనిచేయాలని అనుకుంటున్నాడట రాజమౌళి.

రాజమౌళి మొదటి సినిమా స్టూడెంట్ నెంబర్ 1 నుంచి అతని సినిమాకు మేజర్ హైలెట్ గా ఉంటూ వస్తున్నాడు కీరవాణి. జక్కన్న సినిమాలకు కీరవాణి మ్యూజిక్ ప్రభావం ఎంత ఉంటుందో ఆ సినిమాల ఫలితాలను చూస్తే అర్ధమవుతుంది. రాజమౌళి రాసుకున్న కథ కథనానికి సంగీతంతో అది నెక్స్ట్ లెవెల్ అనిపించేలా చేస్తాడు కీరవాణి. ఈసారి మహేష్ సినిమాకు అతను లేకుండా అంటే చాలా కష్టం. రాజమౌళి ఎలాంటి మ్యూజిక్ ఆశిస్తాడో.. అతని టేస్ట్ ఎలా ఉంటుందో కీరవాణికి బాగా తెలుసు మరి అలాంటి కాంబో బ్రేక్ అవుతుంది అంటే ఆ ఎఫెక్ట్ కచ్చితంగా సినిమాపై ఉంటుంది.

మహేష్ సినిమాకు అసలు రాజమౌళి ప్లాన్ ఏంటి.. ఈ సినిమాను ఎన్నేళ్లలో పూర్తి చేయాలని అనుకుంటున్నాడు. సినిమాలో మిగతా నటీనటులు ఎవరు. మహేష్ ఈ సినిమాకు ఎన్ని రోజులు డేట్స్ ఇస్తున్నాడు.. సినిమా రిలీజ్ ఎప్పుడు అనుకుంటున్నారు. ఈ విషయాలన్నిటిపై క్లారిటీ రావాల్సిందే రాజమౌళి మహేష్ టీం రెస్పాండ్ అవ్వాల్సి ఉంది. కె.ఎల్ నారాయణ నిర్మిస్తున్న మహేష్ రాజమౌళి కాంబో సినిమాపై అంచనాలు మాత్రం తారాస్థాయిలో ఉన్నాయి. RRR తో ఇంటర్నేషనల్ లెవెల్ లో క్రేజ్ తెచ్చుకున్న రాజమౌళి తన నెక్స్ట్ చేస్తున్న ఈ మూవీపై కూడా ఆ రేంజ్ అంచనాలు ఉన్నాయి.