రాజమౌళి ఎవరిని మార్చినా ఆ ఒక్కరిని మార్చరు

దర్శక దిగ్గజం రాజమౌళి నెక్స్ట్ సూపర్ స్టార్ మహేష్ బాబుతో సినిమా చేయబోతున్న సంగతి తెలిసిందే. భారీ బడ్జెట్ తో పాన్ వరల్డ్ మూవీగా ఈ సినిమా ఉండబోతోంది. ప్రస్తుతం ఈ సినిమాకి విజయేంద్రప్రసాద్ కథ సిద్ధం చేస్తున్నారు. నెవ్వర్ బిఫోర్ ఇన్ ఇండియన్ సినిమా అనేలాంటి కాన్సెప్ట్ తో ఈ మూవీ ఉండబోతోందని ఇప్పటికే క్లారిటీ వచ్చింది.

సినిమాలో సూపర్ స్టార్ మహేష్ బాబు వరల్డ్ అడ్వంచర్ ట్రావెలర్ గా కనిపిస్తారని జక్కన్న ఆల్రెడీ చెప్పేశారు. ఇక ఈ మూవీ కథనం ఎలా ఉండబోతోందననేది ఇంటరెస్టింగ్ గా మారింది. హాలీవుడ్ స్టార్ క్యాస్టింగ్ ని ఈ చిత్రం కోసం రాజమౌళి ఎంపిక చేయాలని అనుకుంటున్నారు. వచ్చే ఏడాది ఈ మూవీకి సంబంధించి అప్డేట్స్ అన్ని బయటకొచ్చే ఛాన్స్ కనిపిస్తోంది.

ఇదిలా ఉంటే రాజమౌళి ఆరంభం నుంచి ఎక్కువ సినిమాలు సెంథిల్ కుమార్ సినిమాటోగ్రాఫర్ గానే చేశారు. బాహుబలి, ఆర్ఆర్ఆర్ కి అతని కెమెరా వర్క్ చాలా ప్లస్ అయ్యిందని పలు సందర్భాలలో చెప్పారు. మహేష్ సినిమాకి మాత్రం సెంథిల్ కుమార్ కాకుండా పిఎస్ వినోద్ ని ఎంపిక చేసినట్లు తెలుస్తోంది.

అయితే రాజమౌళి ఎవరిని మార్చిన మ్యూజిక్ డైరెక్టర్ ని మాత్రం చేంజ్ చేసే అవకాశమే లేదు. జక్కన్న మొదటి సినిమా నుంచి ఎంఎం కీరవాణి మ్యూజిక్ అందిస్తున్నారు. ఇద్దరిది అన్నాదమ్ముల బంధం కూడా. అందుకే రాజమౌళి సినిమా అంటే కీరవాణి తప్పుకోరు. అలాగే కీరవాణి లేకుండా రాజమౌళి సినిమా చేయరు అనే అభిప్రాయం ప్రజల్లోకి వెళ్ళిపోయింది.

ఇండస్ట్రీ వర్గాలలో కూడా ఈ కాంబినేషన్ మారే అవకాశం లేదనే ఎవరిని అడిగిన చెబుతారు. సూపర్ స్టార్ మహేష్ బాబు సినిమాకి కూడా కీరవాణి మ్యూజిక్ డైరెక్టర్ గా ఖరారు అయిపోయినట్లే. అయితే టెక్నిషియన్స్, క్యాస్టింగ్ ఎవరనేది అఫీషియల్ గా వచ్చే ఏడాది ఆరంభంలోనే రాజమౌళి ఎనౌన్స్ చేసే అవకాశాలు ఉన్నాయి. సూపర్ స్టార్ అభిమానులు అయితే ఈ సినిమా కోసం వేయి కళ్ళతో ఎదురుచూస్తున్నారు.