SSMB29: హీరో విక్రమ్ ఏమన్నాడంటే..

సౌత్ లో కమల్ హాసన్ తర్వాత అంతటి మోస్ట్ టాలెంటెడ్ యాక్టర్ ఎవరు అంటే అంటే చియాన్ విక్రమ్ పేరు ఎక్కువగా వినిపిస్తుంది. క్యారెక్టర్ కోసం తనని తాను ఎలా అయిన మార్చుకోవడానికి చియాన్ విక్రమ్ రెడీ అయిపోతాడు. పాత్ర తన మనసుకి నచ్చిందంటే దానికి వందకి వంద శాతం న్యాయం చేస్తారు. ఆయన చేసిన సినిమాలలో విక్రమ్ అనే స్టార్ కాకుండా కథలో క్యారెక్టర్ మాత్రమే కనిపిస్తుంది. అందుకే మిగిలిన వారి మాదిరిగా విక్రమ్ కమర్షియల్ స్టార్ హీరో ఇమేజ్ తెచ్చుకోలేదు.

ఆయన సినిమాలు ఎలా ఉన్న ఉన్నా నటుడిగా చియాన్ విక్రమ్ పెర్ఫార్మెన్స్ ని చూడటానికి థియేటర్స్ కి వెళ్లే ప్రేక్షకులు ఉంటారు. ఇదిలా ఉంటే చియాన్ విక్రమ్ డ్యూయల్ రోల్ లో చేసిన తంగలాన్ మూవీ ఆగష్టు 15న పాన్ ఇండియా ప్రాజెక్ట్ గా రిలీజ్ అవుతోంది. ఈ సినిమాలో రెండు భిన్నమైన పాత్రలలో విక్రమ్ నటించాడు. ట్రైబల్ వారియర్ గా ఒక పాత్ర ఉండబోతోంది. ఈ పాత్ర కోసం సినిమా మొత్తం విక్రమ్ కేవలం గోచితో కనిపించడం విశేషం. మూవీ ప్రమోషన్స్ ప్రస్తుతం జరుగుతున్నాయి.

తాజాగా హైదరాబాద్ లో తంగలాన్ ప్రమోషన్స్ లో చియాన్ విక్రమ్ ఇంటరెస్టింగ్ కామెంట్స్ చేశారు. అయితే గతంలో విక్రమ్ SSMB29 లో నటించనున్నాడు అంటూ వార్తలు వచ్చాయి. ఇక ఫైనల్ గా రాజమౌళితో సినిమా ఎప్పుడు ఉంటుందని మీడియా ప్రతినిధులు విక్రమ్ ని ప్రశ్నించారు. దీనికి ఆయన సమాధానం ఇస్తూ రాజమౌళితో సినిమా చేయాలని ఎప్పటి నుంచో అనుకుంటున్నాడు. మా ఇద్దరి మధ్య కూడా ఆ డిస్కషన్ జరిగింది. కచ్చితంగా ఆయనతో సినిమా ఉంటుంది అని విక్రమ్ క్లారిటీ ఇచ్చాడు.

రాజమౌళి కూడా చియాన్ విక్రమ్ ని తన సినిమాలో తీసుకోవాలని అనుకుంటున్నారు. అయితే ఆయన పెర్ఫార్మెన్స్ కి తగ్గ బెస్ట్ క్యారెక్టర్ సెట్ అయితేనే తీసుకోవాలని జక్కన్న భావిస్తున్నారు. మొత్తానికి ఆయన పాత్ర ఉంటుందా ఉండదా? అనే విషయంలో క్లారిటీ ఇంకా రాలేదు. కానీ చర్చలు జరుగుతున్నట్లు అనిపిస్తోంది. ప్రస్తుతం రాజమౌళి SSMB29 సినిమా బౌండెడ్ స్క్రిప్ట్ రెడీ చేస్తున్నారు.

ఈ మూవీ ప్రీప్రొడక్షన్ వర్క్ స్టార్ట్ అయ్యింది. పాన్ వరల్డ్ రేంజ్ లో తెరకెక్కబోయే ఈ సినిమాలో చాలా మంది స్టార్ యాక్టర్స్ భాగం అవుతాన్నారంట. ఇప్పటికే మలయాళీ స్టార్ పృథ్వీరాజ్ సుకుమారన్ ని ఓ పాత్ర కోసం ఖరారు చేసినట్లు ప్రచారం జరుగుతోంది. ఈ నేపథ్యంలో మహేష్ బాబు సినిమాలో చియాన్ విక్రమ్ కూడా ఉంటే అది బిగ్గెస్ట్ మల్టీ స్టారర్ మూవీ అవుతుందనే మాట వినిపిస్తోంది.

వీరిద్దరి కాంబినేషన్ లో మూవీ వస్తే కచ్చితంగా ఆ సినిమాకి భారీ హైప్ వస్తుందని భావిస్తున్నారు. విక్రమ్ లాంటి టాలెంటెడ్ యాక్టర్ మహేష్ బాబు సినిమాలో ఉంటే బాగుంటుందని ఫ్యాన్ కూడా కోరుకుంటున్నారు. మరి ఇది సాధ్యమవుతుందా లేదా అనేది రాజమౌళి చేతిలోనే ఉంది. ఇదిలా ఉంటే విక్రమ్ తంగలాన్ మూవీ ఆగష్టు 15న రిలీజ్ కాబోతోంది. ఈ మూవీ సరికొత్త అనుభూతి ఇస్తుందని చిత్ర యూనిట్ చెబుతోంది. ఈ మూవీకి పోటీగా తెలుగులో డబుల్ ఇస్మార్ట్, మిస్టర్ బచ్చన్ సినిమాలు రిలీజ్ అవుతున్నాయి.