రాజమౌళి ఇంకా ఖుషి దగ్గరే!

టాలీవుడ్ టాప్ డైరెక్టర్లలో రాజమౌళి ఒకరు. అసలు టాలీవుడ్ కీర్తిని ప్రపంచ దేశాలకు పరిచయం చేసిన ఘనత ఆయనది. బాహుబలితో దేశ వ్యాప్తంగా తమ సత్తా చాటిన ఆయన, ఇక ఆర్ఆర్ఆర్ తో ఏకంగా గ్లోబల్ స్థాయికి ఎదిగారు. అంతేకాదు, ఓ తెలుగు సినిమాలోని పాటకు ఆస్కార్ వచ్చేలా చేయగలిగారు. అందుకే, ప్రతి ఒక్క నటుడు రాజమౌళితో ఒక్క సినిమాలో నటించే అవకాశం వచ్చినా చాలు అని ఆశపడుతూ ఉంటారు.

ఆర్ఆర్ఆర్ కంటిన్యూస్ రెండు సంవత్సరాలు పాటు శ్రమించిన ఆయన ప్రస్తుతం ఫ్రీ గా ఉన్నారు. దీంతో, సరదాగా భార్యతో కలిసి సమయాన్ని ఆస్వాదిస్తున్నారు. తాజాగా శివా నిర్వాణ దర్శకత్వంలో సమంత, విజయ్ దేవర కొండ జంటగా నటించిన ఖుషీ ప్రేక్షకుల ముందుకు వచ్చిన విషయం తెలిసిందే. ఈ సినిమాను రాజమౌళి వీక్షించారు.

ప్రసాద్ ఐమ్యాక్స్ లో భార్య రమా రాజమౌళి, ఇతర సినీ ప్రముఖులతో కలిసి ఆయన ఖుషీ మూని ఆస్వాదించారు. దీనికి సంబంధించిన ఫోటోలు ప్రస్తుతం వైరల్ గా మారాయి. నిజానికి రాజమౌళి ఈపాటికి బిజీ అయిపోవాలి. ఆర్ఆర్ఆర్ తర్వాత మహేష్ బాబుతో సినిమా తీస్తున్నట్లు ఎఫ్పుడో ప్రకటించారు.

ఈ మూవీ ఎప్పుడో మొదలవ్వాల్సింది. కానీ, మహేష్ గుంటూరుకారం ఇంకా షూటింగ్ పూర్తి కాలేదు. అది పూర్తయితే తప్ప, మహేష్ ఈ సినిమా పై ఫోకస్ పెట్టడు. ఒకవేళ గుంటూరు కారం పూర్తయినా, రాజమౌళికి నచ్చినట్లుగా మహేష్ తన బాడీని మార్చుకోవాల్సి ఉంటుంది. అలా మార్చుకున్న తర్వాత వర్క్ షాప్ తో రాజమౌళి మూవీ మొదలుపెట్టే అవకాశం ఉంటుంది.

ఇక, ఒక్కసారి రాజమౌళి సినిమా మొదలుపెట్టాడు అంటే, అది పూర్తయ్యే వరకు మరే విషయాన్ని పట్టించుకోరు. ఇప్పుడంటే, సినిమా మొదలుపెటట్లేదు కాబట్టి, ఇదిగో ఇలా సినిమాలు చేస్తున్నాడు. ఇదిలా ఉండగా, ఇటీవల రాజమౌళి ఓ యాడ్ షూట్ చేశారు. ఆ యూడ్ లో ఆయన మునుపెన్నడూ చూడని విధంగా చాలా స్టైలిష్ గా కనిపించడం విశేషం. ఆ ఫోటోలు, వీడియోలు నెట్టింట విపరీతంగా వైరల్ చేశాయి. ఆ లుక్ లో రాజమౌళిని చూసి హీరోలా ఉన్నారంటూ అందరూ కామెంట్స్ చేశారు.