బిగ్గెస్ట్ కలెక్షన్స్ లిస్టులో జైలర్ జెట్ స్పీడ్

సూపర్ స్టార్ రజినీకాంత్ హీరోగా నెల్సన్ దిలీప్ దర్శకత్వంలో ప్రేక్షకుల ముందుకొచ్చి సూపర్ హిట్ అయిన మూవీ జైలర్. భారీ బడ్జెట్ తో సన్ పిక్చర్స్ ఈ చిత్రాన్ని నిర్మించింది. ఇక గత గురువారం రిలీజ్ అయిన మూవీ మొదటి రోజు నుంచి పాజిటివ్ టాక్ తెచ్చుకోవడంతో అద్భుతమైన కలెక్షన్స్ తో దూసుకుపోతోంది. కేవలం 6 రోజుల్లోనే 400 కోట్ల గ్రాస్ ని అందుకుంది.

దీనిని బట్టి రజినీకాంత్ స్టామినా ఏంటనేది అర్ధం చేసుకోవచ్చు. సరైన కథ పడితే రజినీకాంత్ ఇమేజ్ ని కోలీవుడ్ ఏ హీరో అందుకోలేరని జైలర్ మూవీ సారి ప్రూవ్ చేస్తోంది. ప్రస్తుతం ప్రేక్షకాదరణ చూస్తూ ఉంటే ఈ వీకెండ్ అయ్యేసరికి కోలీవుడ్ లో తన పేరు మీదనే ఉన్న హైయెస్ట్ కలెక్షన్స్ రికార్డుని జైలర్ బ్రేక్ చేసేలా కనిపిస్తోంది. కోలీవుడ్ లో ఇప్పటి వరకు రోబో 2.ఓ మూవీ 709 కోట్లతో హైయెస్ట్ గ్రాస్ మూవీగా ఉంది.

సౌత్ లో ఓవరాల్ గా హైయెస్ట్ కలెక్షన్స్ సాధించిన సినిమాల జాబితా చూసుకుంటే ఫస్ట్ ప్లేస్ లో 1810 కోట్ల గ్రాస్ తో బాహుబలి 2 ఉంది. తర్వాత 1280 కోట్ల కలెక్షన్స్ తో ఆర్ఆర్ఆర్ నిలిచింది. మూడో స్థానంలో కేజీఎఫ్ చాప్టర్ 2 నిలిచింది. ఈ చిత్రం 1233 కోట్ల గ్రాస్ కలెక్ట్ చేసింది. దీని తర్వాత నాలుగో స్థానంలో రోబో 2.ఓ మూవీ ఉండటం విశేషం.

ఈ జాబితాలో ఐదో స్థానంలో బాహుబలి 605 కోట్ల కలెక్షన్స్ తో నిలిచింది. తరువాత కోలీవుడ్ నుంచి పొన్నియన్ సెల్వన్ 1 487.50 కోట్ల గ్రాస్ తో ఉంది. నెక్స్ట్ సాహో మూవీ 435 కోట్లతో ఆరో స్థానంలో నిలవగా ఎదో స్థానంలో కమల్ హాసన్ విక్రమ్ 417 కోట్లతో నిలిచింది. అయితే జైలర్ కేవలం ఆరు రోజుల్లోనే ఈ కలెక్షన్స్ అందుకుంది.

ప్రస్తుతం స్పీడ్ చూస్తూ ఉంటె బాహుబలి 2, ఆర్ఆర్ఆర్, కేజీఎఫ్ చాప్టర్ 2 కాకుండా మిగిలిన రికార్డులు అన్ని కూడా దాటుకొనిపోవడం ఖాయంగా కనిపిస్తోంది. కోలీవుడ్ ఇండస్ట్రీలో హైయెస్ట్ కలెక్షన్స్ రికార్డ్ మళ్ళీ జైలర్ సినిమాతో సూపర్ స్టార్ రజినీకాంత్ పేరు మీదకి వచ్చే ఛాన్స్ ఉందనే మాట ట్రేడ్ పండితుల నుంచి వినిపిస్తోంది.