24 ఏళ్ల త‌ర్వాత ర‌జ‌నీ-ర‌మ్య‌కృష్ణ జోడీ!

సూప‌ర్ స్టార్ ర‌జనీకాంత్- ర‌మ్య‌కృష్ణ జోడీ గురించి చెప్పాల్సిన ప‌నిలేదు. నీలాంబ‌రి-న‌ర‌సింహ పాత్ర‌ల మ‌ధ్య స‌న్నివేశాలు ర‌క్తిక‌ట్టిన వైనం అద్భుతం. రెండు పాత్ర‌ల మ‌ధ్య నువ్వా? నేనా? అన్న త‌గ్గాఫ్ వార్ ఎంతో ఇంట్రెస్టింగ్. ర‌జ‌నీ-ర‌మ్య‌కృష్ణ కెరీర్ కి ఆ సినిమా ఓ మైల్ స్టోన్ లాంటింది. వీల‌నీ పాత్ర‌లో నీలాంబ‌రి న‌ట‌న నెక్స్ట్ లెవ‌ల్లో ఉంటుంది. ర‌జ‌నీ-ర‌మ్య‌కృష్ణ‌ని కొత్త‌గా ప్ర‌జెంట్ చేసిన చిత్ర‌మ‌ది. అయితే ఆక్రేజీ కాంబినేష‌న్ మ‌ళ్లీ చేతులు క‌లిపింది లేదు. అంత పెద్ద హిట్ సినిమా ఇండ‌స్ట్రీకి అందించినా..మ‌ళ్లీ ఆ జోడిని క‌ల‌పాల‌ని ఏ ద‌ర్శ‌కుడికి త‌ట్ట‌లేదు.

తాజాగా 24 ఏళ్ల అనంత‌రం 'జైల‌ర్' సినిమాలో ఆ జంట క‌నిపించ‌బోతుంది. సూప‌ర్ స్టార్ ర‌జ‌నీకాంత్ కథానాయ‌కుడిగా నెల్స‌న్ దిలీప్ కుమార్ తెర‌కెక్కిస్తోన్న చిత్రం ర‌మ్య‌కృష్ణ ఓ కీల‌క పాత్ర పోషిస్తున్నారు. ఇద్ద‌రు 24 ఏళ్ల త‌ర్వాత క‌లిసి న‌టిస్తోన్న చిత్ర‌మిది. దీంతో ఈ సినిమాలో ర‌మ్య‌కృష్ణ పాత్ర ఎలా ఉంటుంది? అన్న ఆస‌క్తి మొద‌లైంది. ర‌జనీకి ధీటుగా ఆ పాత్ర‌ని మ‌ల్చుతున్నారా? లేక కేవ‌లం కీల‌క పాత్రకే ప‌రిమితం చేస్తారా? అన్న‌ది చూడాలి.

ఏది ఏమైనా రెండు ద‌శాబ్ధాల త‌ర్వాత ఆ జోడీని మ‌ళ్లీ తెర‌పై చూడటం ఆస‌క్తిక‌ర‌మే. నాటి న‌ర‌సింహ జ్ఞాప‌కాల్లో వెళ్లిపోవ‌డం ఖాయం. మ‌ళ్లీ నీలాంబ‌రి-న‌ర‌సింహ‌ని ప్రేక్ష‌కులు థియేట‌ర్లో త‌లుచుకోవ‌డం ఖాయం. ఆయా పాత్ర‌లు ఎలా ఉన్నా? ఒక‌ప్పుడు న‌ర‌సింహ మ‌ళ్లీ ప్రేక్ష‌కుల నోళ్ల‌లో నానుతుంద‌న‌డంలో ఎలాంటి సందేహం లేదు. ఇప్ప‌టికే రిలీజ్ అయిన జైల‌ర్ ప్ర‌చార చిత్రాలు అభిమానుల్లో కాక పుట్టిస్తున్నాయి.

దీంతో సినిమాపై అంచ‌నాలు భారీగా పెరిగిపోతున్నాయి. ర‌జనీ లో ప‌వ‌ర్ పుల్ స్టైల్ మ‌ళ్లీ చాలా కాలానికి సినిమాలో క‌నిపిస్తోంది. ఇలా ర‌మ్య‌కృష్ణ ప్ర‌తిష్టాత్మ‌క చిత్రాల్లో ఛాన్సులు అందుకోవ‌డంతో నీలాంబ‌రి జోరు ఏమాత్రం త‌గ్గ‌లేద‌ని అనిపిస్తోంది. 'బాహుబ‌లి' త‌ర్వాత బిజీ న‌టి అవుతుంద‌ని భావించినా సెల‌క్టివ్ గానే సినిమాలు చేసింది. అయితే అవి పాత్ర ప‌రంగా ఆమెని ప్ర‌త్యేక స్థానంలో నిల‌బెడుతున్నాయి.