యూట్యూబ్ హిట్ జోడీ వెంతెర మీద ఎందుకు కనిపించలేదు..!

యూట్యూబ్ లో షార్ట్ ఫిలిమ్స్ లో నటించి ఆ తర్వాత సినిమాల్లో ఛాన్సులు అందుకున్న వారు చాలామంది ఉన్నారు. యూట్యూబ్ షార్ట్ ఫిలిమ్స్ తో ప్రతిభ చూపించి ఆ తర్వాత వెండితెర మీద అవకాశాలు అందుకున్నారు. చిన్న చిన్న పాత్రలే కాదు హీరో, హీరోయిన్ రేంజ్ కి వెళ్లిన వారు ఉన్నారు. అలాంటి వారిలో రాజ్ తరుణ్, చాందిని చౌదరి కూడా ఉన్నారు. యూట్యూబ్ లో వీరు చేసిన షార్ట్ ఫిలిమ్స్ చూసి వీరికి అవకాశాలు వచ్చాయి. చాందిని చౌదరి కేటుగాడుతో హీరోయిన్ గా నటిస్తే.. రాజ్ తరుణ్ ఉయ్యాల జంపాల సినిమాతో హీరోగా అవకాశం దక్కించుకున్నాడు.

యువ హీరోగా రాజ్ తరుణ్ కెరీర్ లో కాస్త బెటర్ అనిపించినా తర్వాత తర్వాత పెద్దగా మెప్పించలేకపోయాడు. ఐతే యూట్యూబ్ జోడీగా మెప్పించిన రాజ్ తరుణ్, చాందిని చౌదరి ఇద్దరు కలిసి ఒక్క సినిమా కూడా చేయలేదు. యూట్యూబ్ లో వీరిద్దరి జోడీకి మంచి మార్కులు వచ్చాయి. కానీ వెండితెర మీద ఒక్క సినిమాకు కూడా వీరిద్దరు కలిసి పనిచేయలేదు. ఐతే ఇదే విషయాన్ని హీరోయిన్ చాందిని చౌదరిని అడిగితే ఏమో కుదరలేదంతే అని అంటుంది.

తెలుగు అమ్మాయిగా ప్రయోగాత్మక సినిమాల్లో నటిస్తూ ప్రేక్షకులను మెప్పిస్తూ వస్తున్న చాందిని చౌదరి రాజ్ తరుణ్ తో నటించకపోవడానికి వేరే కారణాలు ఏవి లేవని అంటుంది. రాజ్ తరుణ్ నటించిన మొదటి రెండు మూడు సినిమాల్లో తనకు హీరోయిన్ గా ఆఫర్ వచ్చిందని కానీ ఆ టైం లో తనకు వేరే కారణాల వల్ల తాను చేయలేకపోయానని చెప్పుకొచ్చింది చాందిని. ఐతే రాజ్ తరుణ్ తో ఇప్పటికీ టచ్ లోనే ఉన్నానని మంచి కథ దొరికితే తనతో నటించడానికి తాను రెడీ అంటుంది చాందిని.

ఈమధ్య కెరీర్ లో వెనకపడ్డ రాజ్ తరుణ్ తిరిగి ఫాం లోకి రావాలని విశ్వ ప్రయత్నాలు చేస్తున్నాడు. ప్రస్తుతం రెండు కొత్త ప్రాజెక్ట్ లతో వస్తున్న రాజ్ తరుణ్ ఆ సినిమాలతో హిట్ ట్రాక్ ఎక్కాలని చూస్తున్నాడు. యూట్యూబ్ షార్ట్ ఫిలిమ్స్ తో అలరించిన రాజ్ తరుణ్, చాందిని సిల్వర్ స్క్రీన్ పై కూడా జత కడితే చూడాలని ఆడియన్స్ కోరుతున్నారు. మరి అలాంటి కథ కుదురుతుందా లేదా అన్నది చూడాలి. ప్రస్తుతం చాందిని చౌదరి కూడా రెండు సినిమాల్లో నటిస్తుంది. అవి కూడా ఆమె స్పెషాలిటీ తెలియచేసేలా ఉంటాయని అంటున్నారు.