నావాడివి ఎప్ప‌టికీ.. పెళ్లికూతురు రకుల్ ప‌ర‌వ‌శం
ఎట్ట‌కేల‌కు రకుల్ ప్రీత్ సింగ్ - జాకీ భగ్నాని ఒక‌ట‌య్యారు. ఫిబ్రవరి 21న గోవాలో అంగ‌రంగ వైభ‌వంగా ఈ వివాహ వేడుక జ‌రిగింది
By: Tupaki Desk | 21 Feb 2024 5:12 PM GMT
ఎట్ట‌కేల‌కు రకుల్ ప్రీత్ సింగ్ - జాకీ భగ్నాని ఒక‌ట‌య్యారు. ఫిబ్రవరి 21న గోవాలో అంగ‌రంగ వైభ‌వంగా ఈ వివాహ వేడుక జ‌రిగింది. ఈ జంట గోవా నుండి తమ పెళ్లి ఫోటోల మొదటి బంచ్‌ను షేర్ చేయ‌గా అవి వైర‌ల్ గా మారాయి. రకుల్ ప్రీత్ సింగ్ పెళ్లి దుస్తులలో ఎంతో అందంగా మెరిసిపోతోంది. ఐవరీ అండ్ బ్లష్ కలర్స్‌లో హ్యాండ్ ఎంబ్రాయిడరీ ఫ్లోరల్ డిజైన్‌లతో అందంగా రూపొందించిన లెహంగాను రకుల్ ధ‌రించింది. త‌న జాకెట్టు ముత్యాలు, స్ఫటికాలతో అలంకరించిన షీర్ స్లీవ్‌లతో ఎంతో ఆక‌ర్ష‌ణీయంగా క‌నిపిస్తోంది. తరుణ్ తహిలియాని సింగ్ అభిరుచికి అనుగుణంగా మోడ్ర‌న్ స్టైల్ లో పూల మోటిఫ్‌లను మిళితం చేసి దుస్తులను డిజైన్ చేశారు.
వరుడు జాకీ భగ్నానీ చినార్ మోటిఫ్‌తో అలంకరించిన ఐవరీ చికంకారీ షేర్వానీలో స్మార్ట్ గా క‌నిపించాడు. ఈ డిజైన్‌ను రూపొందించడానికి ఆరు నెలల సమయం పట్టింది. తహిలియాని ప్లీటెడ్ స్టోల్ ఈ దుస్తుల్లో క‌నిపిస్తోంది. తహిలియాని డిజైన్ స్టూడియో నుండి సిల్క్ థ్రెడ్‌లు .. ప్రామాణికమైన జర్దోజీ టెక్నిక్‌లను ఉపయోగించి ప్రతి అణువ‌ణువునూ జాగ్రత్తగా చేతితో ఎంబ్రాయిడరీ చేసారు. తరుణ్ తహిలియాని కాశ్మీర్ అందం, సంస్కృతి, కళాత్మకత నుండి ప్రేరణ పొంది ఈ డిజైన‌ర్ దుస్తులను రూపొందించారు. తాజా స‌మ‌చారం ప్ర‌కారం.. రకుల్-జాకీ ఇరువురూ పర్యావరణ అనుకూల వివాహాన్ని మాత్ర‌మే ప్లాన్ చేసారు. డిజిటల్ వివాహ ఆహ్వానాలను మాత్ర‌మే వారు పంపారు.
రకుల్ ప్రీత్ సింగ్ - జాకీ భగ్నానీ తమ సంబంధానికి సంబంధించి గోప్యతను మీడియా దృష్టికి దూరంగా ఉంచుతూ స్థిరంగా కొనసాగిస్తున్నారు. గత సంవత్సర కాలంగా ఈ జంట సంబంధం అధికారికం అయింది. ఇప్ప‌టికి పెళ్లితో ఒక‌ట‌య్యారు. పెళ్లి వేడుక నుంచి మొదటి బంచ్ ఫోటోల‌ను రకుల్ షేర్ చేసింది. వీటిలో రకుల్ ఆనందం స్ప‌ష్ఠంగా ఫోటోల‌లో క‌నిపించింది. దీనికి `నా వాడివి ఎప్ప‌టికీ` అంటూ ఎమోష‌న‌ల్ గా వ్యాఖ్య‌ను జోడించింది.
