ర‌కుల్ రియ‌ల్ లైఫ్ కి ద‌గ్గ‌ర‌గా !

ర‌కుల్ ప్రీత్ సింగ్ పాన్ ఇండియా చిత్రాల డ్రీమ్ 'ఇండియ‌న్ -2' తో నెర‌వేర‌బోతున్న సంగ‌తి తెలిసిందే. అమ్మ‌డు ఈ విష‌యం లో చాలా ల‌క్కీ. ఇదే సినిమాలో న‌టించిన కాజ‌ల్ అగ‌ర్వాల్ ని మ‌ధ్య‌లో త‌ప్పించారు గానీ, ర‌కుల్ ని మాత్రం ఎలిమినేట్ చేయ‌లేదు. ఈ సినిమా స‌క్సెస్ అయితే ర‌కుల్ మళ్లీ సౌత్ లో కంబ్యాక్ అవ్వ‌డానికి అవ‌కాశం ఉంది. ఇప్ప‌టికే బాలీవుడ్ లో స‌క్సెస్ తో ప‌నిలేకుండా దూసుకుపోతుంది.

హిట్ వ‌చ్చిందా? లేదా? అన్న‌ది త‌ర్వాత సంగ‌తి న‌టిగా ఎంత బిజీగా ఉన్నాం? అన్న‌ది ముఖ్య‌మంటూ దూసుకు పోతుంది. తాజాగా ఓ ఇంట‌ర్వ్యూలో 'ఇండియ‌న్ -2' అనుభ‌వాల్ని పంచుకుంది. 'ఇది క‌చ్చితంగా నా కెరీర్ లో ప్ర‌త్యేక‌మైన చిత్రంగా నిలిచిపోతుంది. నా మునుప‌టి చిత్రాల పాత్ర‌కంటే ఎంతో భిన్న‌మైన రోల్ ఇది. ఆత్మ విశ్వాసం గ‌ల అమ్మాయి పాత్ర ఎంతో బ‌లంగా ఉంటుంది. ఈ పాత్ర చేస్తున్నంత సేపు నా నిజ జీవితానికి చాలా ద‌గ్గ‌ర‌గా అనిపించింది.

నా నిజ జీవితం ఎలా ఉంటుంద‌న్న‌ది చాలా వ‌ర‌కూ ఈ సినిమా ద్వారా తెలిసే అవ‌కాశం ఉంది. చాలా విష‌యాలు చెప్పాల‌ని ఉంది. కానీ అంత‌కు మించి అప్పుడే మిగ‌తా విష‌యాలు చెప్ప‌లేను. శంక‌ర్ సార్ తో క‌లిసి ప‌నిచేయ‌డం గొప్ప అనుభూతినిచ్చింది' అని అంది. 'కొండ‌పొలం' త‌ర్వాత ర‌కుల్ తెలుగు సినిమాల‌కు దూర‌మైంది. మ‌ధ్య‌లో 'బూ' అనే ఓ సినిమా చేసింది. కానీ ప్ర‌చారం లేక‌పోవ‌డంతో రీచ్ అవ్వ‌లేదు. సినిమా కూడా విజ‌యం సాధించ‌లేదు.

ఆ త‌ర్వాత పూర్తిగా బాలీవుడ్ సినిమాల‌కే ప‌రిమిత‌మైంది. అక్క‌డ చెప్పుకోవ‌డానికి చాలా సినిమాలు చేసింది. కానీ క‌నుచూపు మేర ఎక్క‌డా విజ‌యం క‌నిపించ‌దు. ప్లాప్ లు వ‌స్తున్నా అమ్మ‌డికి అక్క‌డ అవ‌కాశాలు ఎలా వ‌స్తున్నాయి? అన్న‌ది అతి పెద్ద మిస్ట‌రీగానూ మారింది. ఇటీవ‌లే హిట్ ప్రాంచైజీ 'దే దే ప్యార్ దే -2'లోనూ ఛాన్స్ అందుకుంది. ఈ సినిమాపై మంచి బ‌జ్ ఉంది. వ‌చ్చే ఏడాది ఈ సినిమా ప్రేక్ష‌కుల ముందుకు రానుంది.