ఫిజీ బీచ్‌ల‌ను మ‌రిగిస్తున్న సెల‌బ్రిటీ క‌పుల్

రకుల్ ప్రీత్ సింగ్ - జాకీ భగ్నానీ తాజా విహార యాత్ర‌కు సంబంధించిన ఫోటోలు వీడియోలు ఇప్పుడు ఇంట‌ర్నెట్ ని మ‌రిగిస్తున్నాయి. ఫిజీ నుండి రొమాంటిక్ క‌పుల్ కొత్త జంట‌ల‌కు స్పెష‌ల్ గోల్స్ నిర్ధేశిస్తున్నారు. ఫిబ్రవరిలో పెళ్లి చేసుకున్న ఈ జోడీ తమ మూడు నెలల వార్షికోత్సవాన్ని కోస్టల్ ద్వీపంలో వైభ‌వంగా జరుపుకుంటున్నారు. నూతన వధూవరులు సోషల్ మీడియాలో తమ రొమాంటిక్ ట్రావెల్ ట్రిప్ గురించి అభిమానులకు స్నీక్ పీక్స్ అందిస్తున్నారు. ఫిజీలోని కోకోమో ప్రైవేట్ ఐలాండ్‌లో ఆ ఇద్ద‌రూ సెల‌బ్రేట్ చేస్తున్నారు. ఇప్పుడు రకుల్ ప్రీత్ సింగ్ - జాకీ భగ్నాని ఫిజీలో తమ అస‌లైన‌ అడ్వెంచ‌ర్ ని ప్రారంభించారు. వీటీ లెవు పట్టణంలోని ననుకు రిసార్ట్ వారి తదుపరి గ‌మ్య‌స్థానం అని తెలిపారు.

ర‌కుల్ తాజా విహార‌యాత్ర‌లో బ్లాక్ బికినీలో చిల్ చేస్తున్న ఫోటోలు అంత‌ర్జాలాన్ని షేక్ చేస్తున్నాయి. కొంత విరామం త‌ర్వాత ర‌కుల్- జాకీ జంట ఇప్పుడు రొమాంటిక్ యాత్ర‌లో పూర్తి వినోదాన్ని ఆస్వాధిస్తున్నారు. అందుకు సంబంధించిన ఫోటోగ్రాఫ్స్ ఇప్పుడు ఇంట‌ర్నెట్ లో వైర‌ల్ అవుతున్నాయి. ఒక ఫోటోగ్రాఫ్‌లో ర‌కుల్ ఫ్లోర‌ల్ బికినీలో క‌నిపించింది. త‌న హ‌బ్బీ జాకీతో ఎంతో స‌న్నిహితంగా స్మైలీ ఫేస్ తో ఆక‌ట్టుకుంది.

ఇంత‌కుముందే జాకీ భగ్నాని తన ఇన్‌స్టాగ్రామ్ లో ఒక వీడియోను షేర్ చేస్తూ వారి తదుపరి సాహసం గురించి వెల్ల‌డించారు. జాకీ త‌న భార్య రకుల్ ప్రీత్ సింగ్‌తో కలిసి ప్రైవేట్ హెలికాప్టర్ వైపు నడుస్తున్న ఫోటోలు వీడియో కూడా వైర‌ల్ గా మారింది. మరొక ఇన్‌స్టాగ్రామ్ స్టోరీ లో రకుల్ ప్రీత్ సింగ్ పచ్చదనంతో నిండిన ననుకు రిసార్ట్ ప్రాంగణాన్ని వీక్షకులకు చూపించింది. క్లిప్‌లో జాకీ భగ్నానీ కొబ్బరి నీళ్లు తాగడం వారి రిట్రీట్‌లోని ఒక స్థానిక సిబ్బందితో సంభాషించడం కనిపించింది. చెక్క స్తంభాలతో కప్పి ఉంచిన పొడవైన కారిడార్‌లో రకుల్ జాకీ షికారు మ‌రో హైలైట్. కొద్దిసేపటి క్రితం, రకుల్ ప్రీత్ సింగ్ కోకోమో ప్రైవేట్ ఐలాండ్‌లో ఆమె బసను డాక్యుమెంట్ చేస్తూ ఇన్‌స్టాగ్రామ్‌లో ఫోటోల బంచ్ ని షేర్ చేసింది. రకుల్ ప్రీత్ సింగ్ - జాకీ భగ్నానీల ఫిజీ డైరీస్ వీడియో మాంటేజ్ ఇప్పుడు యువ‌త‌రంలో వైర‌ల్ గా మారింది.

రకుల్ ప్రీత్ సింగ్ - జాకీ భగ్నానీల వివాహ వేడుకలు గోవాలో జరిగాయి. తీరప్రాంతంలో అద్భుత‌మైన లొకేష‌న్ల‌లో ఈ యాత్ర‌ను ఈ కొత్త జంట ఎంత‌గానో ఆస్వాధిస్తోంది. త‌మ‌ స్నేహితులు, కుటుంబాలతో పాటు సినీ ప్రముఖులు ఈ విహార యాత్ర‌కు హాజరయ్యారు.