పిక్‌ టాక్‌ : నెల అవుతున్నా పెళ్లి కళ పోలేదు అమ్మడు..!

హీరోయిన్‌ రకుల్‌ ప్రీత్‌ సింగ్‌ గత నెలలో ప్రియుడు జాకీ భగ్నానీ తో పెళ్లి పీటలు ఎక్కిన విషయం తెల్సిందే. హీరోయిన్‌ గా రకుల్‌ ప్రీత్‌ సింగ్‌ కాస్త స్లో అయిన ఈ సమయంలో పెళ్లి పీటలు ఎక్కేందుకు రెడీ అయ్యింది. పెళ్లి తంతు కు సంబంధించిన ఫోటోలు మరియు వీడియోలు నెట్టింట తెగ సందడి చేసి వైరల్‌ అయిన విషయం తెల్సిందే.

రకుల్‌ ప్రీత్‌ సింగ్‌ అందాల జాతర ఫోటోలు పెళ్లికి ముందు పెళ్లి తర్వాత కూడా సందడి చేస్తూనే ఉన్నాయి. తాజాగా రకుల్‌ మరో ఫోటో షూట్‌ ను షేర్ చేసింది. ఈసారి తన భర్త లేకుండా సోలో ఫోటోలను షేర్ చేసింది. ఇన్ని రోజులు భర్త తోనే ఫోటోలు ఎక్కువ షేర్‌ చేసిన విషయం తెల్సిందే.

తాజా ఫోటో షూట్‌ లో కూడా రకుల్‌ పెళ్లి కళ తోనే కనిపిస్తోంది. చేతికి ఆ మెహందీ తో పాటు అందం ఇంకా పెరిగినట్లుగా పెళ్లి కళ క్లియర్ గా కనిపిస్తుంది అని నెట్టింట కామెంట్స్ వస్తున్నాయి. అందాల ఆరబోత చేయకున్నా కూడా ఈ ఫోటోలకు ఆమె ఫాలోవర్స్ మరియు నెటిజన్స్ తెగ స్పందిస్తూ ఉన్నారు.

కొన్ని గంటల్లోనే లక్షకు పైగా లైక్స్ రావడం తో పాటు ఎంతో మంది కామెంట్స్ చేశారు. అందాల రకుల్‌ ప్రీత్‌ సింగ్ పెళ్లి తర్వాత మరింత అందంగా కనిపిస్తుంది ఏంటో అన్నట్లుగా కొందరు కామెంట్స్‌ చేస్తే మరి కొందరు రకుల్‌ ఇక మళ్లీ సినిమాల్లో బిజీ అయ్యే అవకాశాలు ఉన్నాయి అన్నట్టుగా అభిప్రాయం వ్యక్తం చేస్తున్నారు.