రకుల్ అందాల మెరుపులు.. కొటేషన్ కూడా..!

ప్రస్తుతం అవకాశాలు విషయంలో వెనుక బడి ఉన్న రకుల్ ప్రీత్ సింగ్ కు బ్యాడ్ టైం నడుస్తుందని చెప్పొచ్చు. టాలీవుడ్ లో రెండు మూడు సినిమాలకే స్టార్ స్టేటస్ అందుకున్న అమ్మడు అలా స్టార్స్ అందరితో ఒక్కో సినిమా చేసేసి సడెన్ గా ఫాం కోల్పోయింది. రకుల్ గ్రాఫ్ పడిపోవడానికి రీజన్ ఏంటన్నది కచ్చితంగా చెప్పడం కష్టం. తనవరకు వచ్చిన సినిమాలను చేస్తూ గ్లామర్ తో కూడిన అభినయాన్ని ప్రదర్శిస్తూ వస్తుంది. అయినా కూడా అమ్మడు ఆడియన్స్ ని ఎంగేజ్ చేయడంలో విఫలమవుతుంది. సౌత్ లో ఎలాగు పెద్దగా ఛాన్స్ లు రావట్లేదని బాలీవుడ్ మీద స్పెషల్ ఫోకస్ చేసింది రకుల్.

బాలీవుడ్ లో కూడా ఆమెకు అంత గొప్ప అవకాశాలేమి రావట్లేదు. అయితే అక్కడ ఎలాంటి ఛాన్స్ వచ్చినా సరే చేయడానికి రెడీ అంటూ చెబుతుంది రకుల్. ఇక ఫ్రీ టైం లో ఫోటో షూట్స్ కూడా ఆమెను ప్రేక్షకులకు దగ్గరయ్యేలా చేస్తుంది.

రకుల్ లేటెస్ట్ ఫోటో షూట్ జిగేల్ అనిపించే మెరుపులు మెరుపిస్తుంది. కట్టింది శారీనే అయినా ఫాలోవర్స్ దృష్టిని ఆకట్టుకునేందుకు గ్లామర్ షో చేస్తున్న అమ్మడు నువ్వు పని చేయకపోతే జీవితం మెరవదనే కొటేషన్ ని పెట్టింది.

మెరుపుల శారీనే కాదు మెరవడానికి కష్టపడాల్సిందే అనే జీవిత సూత్రాన్ని కూడా చెబుతుంది అమ్మడు. ప్రస్తుతం రకుల్ శారీ పిక్స్ సోషల్ మీడియాలో వైరల్ గా మారాయి. సన్నజాజి లాంటి నడుముతో రకుల్ తన లుక్స్ తో ఫాలోవర్స్ కి పిచ్చెక్కించేస్తుంది. సినిమా అవకాశాలు రావట్లేదన్న దిగులు ఏమాత్రం కనిపించకుండా రకుల్ బాగా కవర్ చేస్తుంది.

మరి రకుల్ ఈ అందాల మెరుపులు దర్శక నిర్మాతల దాకా ఎందుకు వెళ్లట్లేదు. అమ్మడికి తెలుగులో అవకాశాలు ఎందుకు రావట్లేదు అన్నది తెలియాల్సి ఉంది. కొండపొలం తర్వాత తెలుగులో రకుల్ ఏ సినిమాకు సైన్ చేయలేదు. అయితే తెలుగుతో పోల్చితే తమిళంలో రకుల్ సినిమాలు చేస్తుంది. ఆమె చేస్తున్న రెండు సినిమాలు త్వరలో రిలీజ్ కాబోతున్నాయి. మరి కోలీవుడ్ లో అయినా రకుల్ కెరీర్ మళ్లీ ట్రాక్ ఎక్కుతుందేమో చూడాలి.

బాలీవుడ్ కోలీవుడ్ కాదు తెలుగులో మళ్లీ అవకాశాలు రాబట్టుకోవాలనే ప్లానింగ్ లో ఉన్న రకుల్ ఛాన్స్ వస్తే రెమ్యునరేషన్ గురించి కూడా పెద్దగా ఆలోచించేది లేదని చెబుతుందట. అంతేకాదు లేడీ ఓరియెంటెడ్ కథలను కూడా చేసేందుకు రెడీ అని అంటుంది అమ్మడు.