రామాయణం ఒకటి కాదు రెండు.. పండక్కే!

హిందీలో నితీష్ తివారి దర్శకత్వంలో ‘రామాయణం’ మూవీ తెరకెక్కుతోన్న సంగతి తెలిసిందే. మోస్ట్ ప్రెస్టీజియస్ ప్రాజెక్ట్ గా తెరకెక్కుతోన్న ఈ సినిమా గురించి తాజాగా మేకర్స్ అఫీషియల్ గా ప్రకటించారు. ఈ చిత్రాన్ని రెండు భాగాలుగా తెరకెక్కిస్తున్నట్లు మేకర్స్ క్లారిటీ ఇచ్చారు. రణబీర్ కపూర్ ఈ చిత్రంలో శ్రీరాముడిగా నటిస్తున్నారు. సాయి పల్లవి సీతాదేవి పాత్ర చేస్తోంది. అలాగే రావణుడిగా రాకింగ్ స్టార్ యష్ చేస్తూ ఉండటం విశేషం.

‘హనుమాన్’ క్యారెక్టర్ లో సన్నీ డియోల్, కైకేయిగా లారాదత్తా, సూర్పనఖ పాత్రలో రకుల్ ప్రీత్ సింగ్ కనిపించబోతున్నారు. విజువల్ స్పెక్టక్యులర్ గా తెరకెక్కుతోన్న ఈ సినిమాకి ఏఆర్ రెహమాన్, హాలీవుడ్ మ్యూజిక్ డైరెక్టర్ హన్స్ జిమ్మెర్ సంగీతం అందిస్తున్నారు. ఈ సినిమా మొదటి పార్ట్ ని 2026 దీపావళికి రిలీజ్ చేయబోతున్నారు. అలాగే సెకండ్ పార్ట్ ని 2027 దీపావళికి ప్రేక్షకుల ముందుకి రానున్నట్లు అధికారికంగా కన్ఫర్మ్ చేశారు.

ఇదిలా ఉంటే ఈ మూవీ ఎనౌన్స్ మెంట్ ఈవెంట్ లో రణబీర్ కపూర్ మాట్లాడుతూ రామాయణం చిత్రం కోసం మద్యం మానేసినట్లు తెలిపారు. అలాగే డైట్ కూడా ఫాలో అవుతున్నట్లు క్లారిటీ ఇచ్చారు. హీరోయిన్ సాయి పల్లవి మాట్లాడుతూ చిన్నప్పటి నుంచి వింటూ, చూస్తూ పెరిగిన కథ ‘రామాయణం’. అలాంటి కథలో సీత పాత్రలో నటించడం నిజంగా అదృష్టంగా భావిస్తున్నాను.

భయం పక్కన పెట్టి సీతమ్మ పాత్రలో ధైర్యంగా నటించాలని నిర్ణయించుకున్నాను. ఈ సినిమాలో నటిగా కాకుండా భక్తురాలిగా ఆ పాత్రని చేస్తున్నాను అని సాయి పల్లవి తెలిపారు. ఈ సినిమా కోసం పని చేస్తోన్న ప్రతి ఒక్కరు కూడా చాలా డెడికేషన్ తో పని చేస్తున్నట్లు మేకర్స్ తెలిపారు. దశాబ్దాల కాలం తర్వాత మరల రామాయణాన్ని సిల్వర్ స్క్రీన్ పై చూసే అవకాశం ఆడియన్స్ కి నితీష్ తివారి కల్పిస్తున్నారు.

కచ్చితంగా ఈ మూవీ వండర్స్ క్రియేట్ చేస్తుందని అంచనా వేస్తున్నారు. అల్లు అరవింద్, మధు మంతెన ఈ చిత్రాన్ని భారీ బడ్జెట్ తో నిర్మిస్తున్నారు. ఇదిలా ఉంటే ఈ సినిమాకి తెలుగులో త్రివిక్రమ్ శ్రీనివాస్ డైలాగ్స్ రాయబోతున్నట్లు తెలుస్తోంది. అలాగే ఇతర భాషలలో కూడా స్టార్ రైటర్స్ ని ఈ సినిమా కోసం మేకర్స్ తీసుకుంటున్నట్లు టాక్ నడుస్తోంది. ఆయా నేటివిటీకి కనెక్ట్ అయ్యే విధంగా సంభాషణలు ఉండేలా మేకర్స్ జాగ్రత్తలు తీసుకుంటున్నట్లు సమాచారం.