RC 16.. అనుకున్న టైం కన్నా ముందే..!
ఐతే గేమ్ చేంజర్ సినిమా రిలీజ్ తర్వాత ఏమాత్రం గ్యాప్ లేకుండానే బుచ్చి బాబు సినిమా చేసే ప్లాన్ చేస్తున్నారు.
By: Tupaki Desk | 15 Nov 2024 8:30 AM GMT
గ్లోబల్ స్టార్ రామ్ చరణ్ సంక్రాంతికి గేమ్ చేంజర్ సినిమాతో రాబోతున్నాడు. దిల్ రాజు నిర్మించిన ఈ సినిమాలో చరణ్ కు జోడీగా కియరా అద్వాని హీరోయిన్ గా నటిస్తుంది. థమన్ మ్యూజిక్ అందిస్తున్న ఈ సినిమా నుంచి ఈమధ్య వచ్చిన టీజర్ మెగా ఫ్యాన్స్ ని ఇంప్రెస్ చేసింది. ఈ సినిమా తర్వాత బుచ్చి బాబు డైరెక్షన్ లో సినిమా చేస్తున్నాడు. ఉప్పెన తర్వాత బుచ్చి బాబు చేస్తున ఈ సినిమాపై భారీ అంచనాలు ఉన్నాయి.
ఈ సినిమా స్పోర్ట్స్ బ్యాక్ డ్రాప్ కథతో వస్తున్నట్టు తెలుస్తుంది. ఆర్సీ 16వ సినిమా రీసెంట్ గా పూజా కార్యక్రమాలు నిర్వహించుకుంది. సినిమాలో జాన్వి కపూర్ హీరోయిన్ గా నటించబోతుంది. ఈ సినిమాకు ఏ ఆర్ రహమాన్ మ్యూజిక్ అందించబోతున్నారు. ఈ సినిమా కోసం చరణ్ క్రేజీ లుక్స్ తో కనిపిస్తారని తెలుస్తుంది. ఐతే గేమ్ చేంజర్ సినిమా రిలీజ్ తర్వాత ఏమాత్రం గ్యాప్ లేకుండానే బుచ్చి బాబు సినిమా చేసే ప్లాన్ చేస్తున్నారు.
ఆర్సీ 16వ సినిమా విషయంలో మేకర్స్ ప్లానింగ్ నెక్స్ట్ లెవెల్ లో ఉంది. ఇప్పటికే సినిమా ప్రీ ప్రొడక్షన్ వర్క్ నడుస్తుంది. గేమ్ చేంజర్ సినిమా రిలీజ్ తర్వాత చిన్న గ్యాప్ తో చరణ్ 16వ సినిమా మొదలు పెట్టబోతున్నారు. ఐతే ఈ సినిమా ను అనుకున్న టైం కన్నా తక్కువ టైం లోనే పూర్తి చేసేలా చూస్తున్నారు. సినిమాను పర్ఫెక్ట్ షెడ్యూల్ తో ఏమాత్రం లేట్ చేయకుండా షూటింగ్ చేయాలని చూస్తున్నారు. సినిమాను 2026 సంక్రాంతికి రిలీజ్ అనుకుంటున్నారు. ఐతే అనుకున్న విధంగా పూర్తైతే రిలీజ్ అనుకున్న టైం కు వస్తుందని తెలుస్తుంది.
బుచ్చి బాబు రామ్ చరణ్ ఈ ఇద్దరి కాంబో సినిమా పూర్తయ్యాక సుకుమార్ తో చరణ్ సినిమా లాక్ చేసుకున్నాడు. శిష్యుడితో సినిమా పూర్తి కాగానే గురువు సుక్కు తో సినిమా షురూ చేస్తున్నాడు చరణ్. సో మెగా ఫ్యాన్స్ అంతా కూడా చరణ్ సినిమాల లైనప్ తో ఫుల్ ఖుషిగా ఉన్నారు. RC 16తోనే ఈసారి గ్లోబల్ అప్పీల్ తో సినిమా చేస్తున్న చరణ్ RRR తర్వాత మరోసారి ఇంటర్నేషనల్ లెవెల్ లో ఆడియన్స్ ని ఆకట్టుకోవాలని చూస్తున్నారు.
దేవరతో సక్సెస్ అందుకున్న జాన్వి కపూర్ చరణ్ సినిమాతో మరో లక్కీ ఛాన్స్ అందుకుంది. తప్పకుండా ఈ కాంబో కూడా స్క్రీన్ మీద మ్యాజిక్ చేస్తుందని ఫ్యాన్స్ ఆశిస్తున్నారు.
