RC 16.. దానికే ఫిక్స్ అవుతున్నారా..?

గ్లోబల్ స్టార్ రాం చరణ్ గేం ఛేంజర్ రిలీజ్ కాకుండానే లేటెస్ట్ గా బుచ్చి బాబు డైరెక్షన్ లో సినిమాను సెట్స్ మీదకు తీసుకెళ్లాడు. ఉప్పెనతో తొలి సినిమాతోనే గ్రాండ్ సక్సెస్ అందుకున్న బుచ్చి బాబు ఈసారి పాన్ ఇండియా లెవెల్ లో సినిమాకు రెడీ అయ్యాడు. చరణ్ లాంటి హీరోతో సెకండ్ ఛాన్స్ అంటే అది బుచ్చి బాబు లక్ అని చెప్పొచ్చు. ఐతే ఉప్పెన తో ఎంచుకున్న కథను తెరకెక్కించడంలో సూపర్ సక్సెస్ అయిన బుచ్చి బాబు చరణ్ సినిమాను కూడా అదే రేంజ్ లో తెరకెక్కించాలని చూస్తున్నాడు.

ఐతే ఈ సినిమా స్పోర్ట్స్ బ్యాక్ డ్రాప్ లో వస్తుంది. సినిమాలో శివ రాజ్ కుమార్ తో పాటు ఇంకా చాలా పెద్ద స్టార్ కాస్ట్ ఉందని తెలుస్తుంది. చరణ్ సరసన జాన్వి కపూర్ హీరోయిన్ గా నటిస్తున్న ఈ సినిమాకు టైటిల్ గా పెద్ది అని ఒకటి పరిగణలో ఉంది. ఐతే ఈ టైటిల్ విషయంలో కొన్ని అనుమానాలు వచ్చాయి. పెద్ది తెలుగు టైటిల్ లా కొడుతుంది. అదే టైటిల్ పాన్ ఇండియా వైడ్ గా వర్క్ అవుట్ అవుతుందా లేదా అని డౌట్ పడుతున్నారు.

ఐతే ఫైనల్ గా ఇప్పుడు మేకర్స్ ఆ టైటిల్ కే ఫిక్స్ అయ్యారని తెలుస్తుంది. పెద్ది టైటిల్ తో చరణ్ వస్తాడని టాక్. ఈ సినిమా కోసం రాం చరణ్ మరోసారి తన మేకోవర్ చూపిస్తాడని అంటున్నారు. బుచ్చి బాబు ఈ సినిమాను పీరియాడికల్ స్పోర్ట్స్ బ్యాక్ డ్రాప్ మూవీగా తెరకెక్కిస్తున్నారని తెలుస్తుంది. మైత్రి మూవీ మేకర్స్ ఈ సినిమా బడ్జెట్ విషయంలో ఏమాత్రం కాంప్రమైజ్ కాకుండా చేస్తున్నారట.

RRR తో గ్లోబల్ వైడ్ గుర్తింపు తెచ్చుకున్న చరణ్ నెక్స్ట్ గేమ్ ఛేంజర్ తో సత్తా చాటాలని చూస్తున్నాడు. ఆ సినిమా విషయంలో కూడా చరణ్ అండ్ టీం చాలా కాన్ఫిడెంట్ గా ఉన్నారు. గేమ్ ఛేంజర్ సినిమా 2025 సంక్రాంతికి రిలీజ్ ఫిక్స్ చేశారు. RC 16 ని కూడా ఈమధ్యనే సెట్స్ మీదకు తీసుకెళ్లారు. ఐతే బుచ్చి బాబు సినిమా తర్వాత చరణ్ సుకుమార్ డైరెక్షన్ లో తన నెక్స్ట్ సినిమా లక చేసుకున్నాడు.

పుష్ప 2 తర్వాత పుష్ప మరో పార్ట్ అంటే 3వ భాగం కూడా తీస్తారన్న టాక్ ఉంది. ఐతే పుష్ప 3 ముందు చరణ్ సినిమా చేస్తాడా లేక అది పూర్తి చేసి చరణ్ సినిమా చేస్తాడా అన్నది తెలియాల్సి ఉంది.