చరణ్ గేమ్ చేంజర్ నుంచి క్రేజీ అప్డేట్..!

గ్లోబల్ స్టార్ రాం చరణ్ ప్రస్తుతం శంకర్ డైరెక్షన్ లో గేమ్ చేంజర్ సినిమా చేస్తున్న విషయం తెలిసిందే. తన ప్రతి సినిమాలో ఏదో ఒక సామాజిక అంశం తో ప్రేక్షకులను ఆలోచింపచేసే శంకర్ ఈసారి గేమ్ చేంజర్ తో మరోసారి తన మార్క్ చూపించడానికి వస్తున్నారు. పొలిటికల్ బ్యాక్ డ్రాప్ లో తెరకెక్కుతున్న ఈ సినిమాను దిల్ రాజు నిర్మిస్తున్నారు. సినిమాలో చరణ్ సరసన కియరా అద్వాని నటిస్తుంది. గేమ్ చేంజర్ సినిమా నుంచి క్రేజీ అప్డేట్ ఫ్యాన్స్ ని సర్ ప్రైజ్ చేస్తుంది. ఈ సినిమాలో కెలక పాత్రల్లో యువ నటులు నటిస్తున్నారట.

గేమ్ చేంజర్ సినిమాలో యువ నటుడు విశ్వంత్ వెబ్ సీరీస్ హీరోయిన్ అనన్యా ఇద్దరు ప్రేమ జంటగా కనిపిస్తారట. ఈ ఇద్దరి పాత్రలు సినిమాలో చాలా కీలకమని చెప్పుకుంటున్నారు. విశ్వంత్ సోలో సినిమాలు చేస్తూనే స్టార్ సినిమాల్లో సపోర్టింగ్ రోల్స్ చేస్తున్నాడు. నాని జెర్సీ లో కూడా విశ్వంత్ నటించాడు. ఇప్పుడు చరణ్ గేమ్ చేంజర్ సినిమాలో కూడా అతను ఇంపార్టెంట్ రోల్ లో నటిస్తున్నాడని తెలుస్తుంది.

గేమ్ చేంజర్ సినిమాలో మెగా ఫ్యాన్స్ కోరుకునే అన్ని అంశాలు ఉంటాయని తెలుస్తుంది. ఆర్.ఆర్.ఆర్ తో గ్లోబల్ స్టార్ గా ఇమేజ్ తెచ్చుకున్న చరణ్ ఈ సినిమాతో మరోసారి పాన్ ఇండియా రేంజ్ లో సత్తా చాటాలని చూస్తున్నాడు. సినిమాలో చరణ్ యాక్షన్ సీన్స్ మరోసారి ఆడియన్స్ కి సూపర్ ట్రీట్ అందిస్తాయని అంటున్నారు. రాం చరణ్ గేమ్ చేంజర్ సినిమాలో నవీన్ చంద్ర, శ్రీకాంత్, జయరాం, అంజలి కూడా ప్రధాన పాత్రలుగా నటిస్తున్నారు.

ఈ సినిమాకు థమన్ మ్యూజిక్ సంథింగ్ స్పెషల్ గా ఉంటుందని తెలుస్తుంది. శంకర్ తన సినిమాలకు సహజంగా రెహమాన్ తో కలిసి పనిచేస్తాడు కానీ ఈ సినిమాకు థమన్ తో మ్యూజిక్ అందిస్తున్నాడు. టాలీవుడ్ లో వరుస పాన్ ఇండియా సినిమాలతో తన టాలెంట్ చూపిస్తున్న థమన్ శంకర్ గేమ్ చేంజర్ సినిమాకు తన బెస్ట్ ఇస్తున్నాడని టాక్. ఈ సినిమా రిలీజ్ విషయంలో ఇంకా క్లారిటీ రాలేదు. ఈ సినిమాతో పాటుగా శంకర్ కమల్ హాసన్ ఇండియన్ 2 సినిమాను కూడా డైరెక్ట్ చేస్తున్నారు. ఈ సినిమా విషయంలో కూడా శంకర్ ఎక్కడ కాంప్రమైజ్ కాకుండా రూపొందిస్తున్నారని తెలుస్తుంది. గేమ్ చేంజర్ , ఇండియన్ 2 బ్యాక్ టు బ్యాక్ రెండు సినిమాలతో ఆడియన్స్ ని సూపర్ గా ఎంటర్టైన్ చేసేందుకు వస్తున్నారు శంకర్.